1 โฆรห ปี ดี อืบ คูนดีคัม แฮะ กืน แคง น็อห โอว. โมต โอว ซี กาลาง, แตห อึณ ปี ฆัมลัม ปี ตา ดา จาเร, อี ออน ดี แดม แปะ.

2 คูนดีคัม แฮะ ชีด หลึอม ดูอี เฮา. โฆรห ปี กาลาง แม แฮะ หมึอม โทม. โคว, เฌาพรา ดี ม็องการา ดัว ดี แม เซเซ.

3 อึย แม คูนดีคัม อี มึห ปวน ตาง กาเซา, แตห แม กาน็อง มาปัวะ ลาง แม.

4 แตห แม บยัะ อาพูง ดังโคว แม, แตห แม แป โตต ดอน โมยว อี ตู มูห ตู หมาน, แตห อึณ มึห มี อี โบง นา มูห นา หมาน. โกบ มึห แม แฮณ, แตห แม ยัะ โบง ปี ตู ยัะ อี เฮา.

5 บลา อัะ แม คูนดีคัม แฮะ ลัม กาเซา บอ ลึบ แคง น็อห รันซู แม. แคะ กอย รันซู แม, เฆ ดี บอ เกห ชึม โตต.

6 มืง ปี แตห เฌาพรา แม อึบ, อึณ ดี กอย เซเซ, ตู ลึร ดอ เหมา. แม ดี บอ อึบ มืง แม, ซูงพยาด นา หมาน เซเซ.

7 แม บอ อึง นา มูห นา หมาน บอ ฌ็อง นา จีจีว. โคว, เฌาพรา ปี กรึบ แม, อัน แฮะ ม็องการา ดัว ดี แม, แตห อึณ หลึอม ปี ดัว อัน ดี คูนดีคัม กาดัง เฮา.

8 ครึง ปี ตา แม คูนดีคัม แฮะ อูห หงูน ปี เดา มูรา, เดา อาโลว บอ เดา คีดา. แม บอ กอย แคง โฮว ปี ปีด เฆ แปละ มาซาง. เฆ บอ บัห ดีง, แตห อึณ ล็อะ น็อห แม.

9 ฆอน ดีบยา อี มูห ฆอน คูนดีคัม แบน มืง แบน มืง, เฆ บอ แบน ฌืง นาง แม. บลาก อาอัห แม เฌา บอ มูห นาง ฮอคัม อี กอย. อัน บอ ชึบ ดี ตา ครึง ครีว อี แฌด, อี ชีด กาเซา.

10 อึย แม ฆอน ดีบยา, แตห แม โทม ซีคยา บอ เฌณฌา แคง น็อห แม. แตห แม ปีว บีนอง วอแว แม, แตห แม ปีว บอ ดอน อี อี กอย แคง กาง ฆูณ มา แม.

11 อี มูห คูนดีคัม, อัน ดี บอ ดึห แม โกบ แฮะ ชีด แม. อัน บอ มูห ดา กาณา แม. โคว, แตห แม โฆม อัน.

12 เฆ ฆอน อีบึณ อี กอย มืง ทูโรว, เฆ ดี ดึห ตัห ลักซอง. บอ เฆ ดูอี ครัม, เฆ ดี ตัห, แตห แม โพรม น็อห เฆ.

13 นาง ฮอคัม บอ กอย แคง โฮว. อัน บอ ตา ครึง ปี ด็อะ ฮับ อี เซณ ครีว. อัน แฮะ ชีด กาเซา.

14 เฆ บอ แยต นาง อี ตา ครึง กาเฌา ตี, แตห อัน ฮาว โดง กอย คูนดีคัม. บอ ฆึก อัน ตัห โดบ อัน, ฮาว ลึบ โดง กอย คูนดีคัม.

15 ดอ ดึห ตัห เฆ นาง ตี, เฆ บอ โคย กาเซา. เฆ บอ ลึบ ฮาว แคง โฮว คูนดีคัม.

16 ฆอน อีมาย แม คูนดีคัม, อี ดี แบน อี ปลูะ ฆูณ ดัง เฆ ดอ มึอน, เฆ ดี บอ กืน. แม คูนดีคัม ดี บอ แตห เฆ อึบ โตต แดง กาดาย นี.

17 โอว ดี กาลาง ปี ปาย ปวน แม คูนดีคัม ดี เฆ ดูอี อี หณัม ดึอม ยึร, หณัม ดึอม นับ, แตห เฆ บอกาเฆลียด ปึอน ดี อืบ แม ดอน โจว ดอน ฌาด.