1 โอว แฮะ คัม ดี ยืน บอ หน็อะ เหลณ, แตห เฌาพรา จอย โอว. อัน เฌา บอ ยอด โอว บอ โทม โฆรห ปี ซาคึร โอว.

2 อึณ ปี อัน เฌา แฮะ ดืด เลห โอว แคง กาเดา อี หมึอม โยว, ดืด เลห โอว บอ แคง โณะ ณัะ. อึณ ปี อัน เฌา แฮะ แตห โอว วี กอย แดง มาว, แตห โอว ปึอน ดี ฮาว ซีคยา.

3 อัน เฌา บอ แตห โอว ต็อห โหมว กามาย, แตห โอว ต็อห โหมว อี อืบ เฌาพรา, แตห บอ ดูอี กืน ปึอน ดี โทม, แตห บอ เฆ โรวเซ บอ บึง อัน เฌา.

4 อาเซ บึง เฌาพรา, อาเซ ตู ต็อห ดี กรึบ อารึบ, ตู โดบ เฆ อี บึง โมยว ตู หมาน, อึณ ดี แบน น็อห ดาคึย ดี อัน.

5 แม เฌาพรา, แม มูห เฌาพรา ปี กรึบ โอว. แม แฮะ แตห เย ยึร อี หมึอม อาม แปะ แฮะ โบง แม, อี แฮะ กืน กาเซา. อาว มึห อาเซ อี ปี แม. เซ โอว ดี ต็อห ดี กาลาง โตต ดอน โมยว, อาว นับ ดี โตต. เซ โอว บอ ต็อห ดี ตีห, อาว ฮู นับ ดี ตีห โกบ แฮะ กืน กาเซา.

6 แม เฌา ตู ซี ปึอน โกรว หลู ปี หลู อี. แม เฌา แฮะ แตห โอว โทม โฆรห แม. ปี หลู อี โดะ ดี เงา บอ ปี หลู อี ฆ็อห แวน หมาบ, แม เฌา ตู โลว อี ตัห หลู.

7 โคว อัน ตี โอว บอ ต็อห, “แม เฌา, โอว แฮะ ฮอต ตัห. แคง บับ แม อึณ แฮะ แดม อูน ลอง โอว.

8 อึย แม เฌาพรา ปี กรึบ โอว, น็อห โอว แฮะ ดาคึย กาเซา. โอว แฮะ ปึอน ดี โบง ปี อึง แม เฌา. ดารา แม เฌา มืร แฮะ กอย แคง น็อห โอว.”

9 โอว แฮะ กาลาง แตห บอ ดูอี กืน โทม ลอง แม เฌา คยอด อี. แม เฌา มืร แฮะ นับ, โอว ตู ปึอน โอด น็อห, แกวะ แตห โอว กาลาง ดี อี.

10 ลอง แม เฌา คยอด อี, โอว มืร ตู คัม ดี แตห อึณ กอย แคง น็อห โอว อู วี. โอว ยี กาลาง ลอง น็อห หมึอม น็อห หมาน แม เฌา. โอว มืร กาลาง ลอง น็อห ร็อก น็อห กาเว แม เฌา แตห ดูอี กืน โทม. โอว ตู เครียง มาเซ.

11 แม เฌาพรา, โอว หมาณ, แตห แม ร็อก กาเว โอว เซเซ. แกวะ แตห อึณ กาดัด ดอ เหมา. น็อห หมาน น็อห หมึอม แม, แตห อึณ แตห โอว กอย ซีคยา เซเซ.

12 อึณ มึห อี ตู หมึอม แบน โมยว แบน โมยว กอย โรบ โอว. หมาบ แปะ แฮะ โบง โอว, โอว วี โลว คัม. หมาบ ตี แฮะ กืน หลึอม ฮึก ฆีณ โอว, ตู แตห โอว ปึอน ดี ยึร ปอ อู โมยว, แตห น็อห โอว ดีหลัห อึณจัม.

13 โอว หมาณ แม เฌา, แตห แม จอย โอว. แตห แม เฌา จอย โอว ครัน ครัน.

14 แตห เฆ อี เหรต ดี ง็อห โอว วี หมึอม ซาย, แตห เฆ อี โบง นา จีจีว ดี โอว, วี เตา บอ ชึม ซาเร.

15 แตห เฆ อี ต็อห, “เอก, เอก” ดี โอว, แบน รึร แบน เหงา โกบ แฮะ ซาย เฆ ดี อี.

16 เฆ อี ซี โทม โฆรห แม เฌา, แตห เฆ มึห น็อห ดาคึย เซเซ. เฆ อี อืบ แม เฌา โกบ แฮะ คยอด แม ดี เฆ, แตห เฆ ต็อห, “เฌาพรา มึห อาพูง ดังโคว ตาง กาเซา.”

17 อึณ ยี มูห โอว, โอว แฮะ ดีหลัห ตู มึห มาเซ. แม เฌาพรา ยี ยอด แมน โอว. แกวะ แตห แม ปีว โอว. แม เฌา มูห อี จอย อี คยอด โอว. แม เฌา, แกวะ บัร เหลณ, แตห แม ตัห จอย โอว ครัน ครัน.