1 อึย เบ ดูอี อี มึห น็อห ซืร, แตห เบ ต็อห โหมว ดาคึย บอ อืบ เฌาพรา. เบ อี โบง นา หมาน นา หมึอม, อึณ กาอาบ เบ อืบ เฌาพรา.

2 แตห เบ บัห ดีง, ต็อห โหมว, อืบ เฌาพรา. แตห เบ บัห บอ ดีง อี มึห วัน ฆึร ณ็อง.

3 แตห เบ ต็อห โหมว กามาย อี อืบ อัน เฌา. แตห เบ บัห บอ ดีง อี ฮัม ดาคึย บอ ต็อห โหมว ตาง ตาง.

4 โคว, โฆรห เฌาพรา แฮะ หมาน อาคาคัร. ลอง แปะ แฮะ โบง อัน ดอน โมยว, อึณ บอ แฮะ หมาน.

5 อัน เฌา บอ อึง ดี โบง นา ซืร นา หมาน. ดอน นา ดอน โปละ อึณ บอ ลึห ซีคยา แคะ ร็อก เฌาพรา ดูอี เซเซ.

6 โกบ กาลาง เฌาพรา, อึณ มึห ฆางหราว. บอ อี กอย แคง ฆางหราว ดอน โมยว, อึณ กอย โกบ แฮะ กาลาง เฌาพรา.

7 เฌาพรา บอ แตห อึม นัมมูกซารา กาฌูะ อู โปละ, แตห อึณ ปี อัน ฮับ อึม แคง กาเปา. อัน บอ กาบีด อึม อี กอย โดง ลึก กาเซา, แตห อึณ ปี อัน อูน แคง อึม คึม.

8 แคะ กอย ดูอี ดอน โมยว แดง กาดาย นี, แตห เบ โรวเซ เฌาพรา. แตห เฆ บอกาเฆลียด บอ อาม บอ โยว อัน.

9 โคว, แคะ ต็อห เฌาพรา, อึณ มืร แฮะ แบน. แคะ จัร อัน, อึณ มืร แฮะ มึห.

10 เฌาพรา บอ แวน อากยาม อางยาน ปี ต็อห ดูอี อาโมยว เฮา ดี โบง. อัน บอ ปยาต แวน ปี คราม เฆ.

11 อากยาม อางยาน เฌาพรา ยี ตู ปึอน แวน ดอ เหมา. ปี กาพา เฌาพรา แคง น็อห อัน, อึณ ดี แบน ดอ มูห โจว หลูกหลาน เอ ดอน โจว.

12 เฆ ดูอี แปะ แฮะ ร็อห เฌาพรา, เฆ ดี โบยว ดาคึย. เฆ ปี โกรว อี มูห คาฆูน อัน.

13 เฌาพรา กอย แคง ฆางหราว ยอด โลง. อัน บอ ยึร ดูอี บอกาเฆลียด.

14 อัน กอย แดง มาลาง อัน บอ ยอด, บอ ยึร โตต แดง กาดาย นี.

15 เฌาพรา อี ดัว น็อห พึอม ดี เอ ดอน อี, อัน เฌา นับ บอ ปี โบง เอ บอกาเฆลียด.

16 ดา ซึก ปี บอ กืน แคะ เหมา, เฆ ยี ตู ปึอน คยอด คูนดีคัม. ดา ซึก ปี บอ มึห โปลม เฆ แฮณ กืน กาเซา, อึณ ยี ตู แตห เฆ ลอด ยัม.

17 ดา ซึก อี บึง มังปร็อง, อาว มึห ดีโคว. โปลม มังปร็อง อาว แป ดี คยอด เฆ.

18 อึณ ยี มูห เฌาพรา, อัน ยอด เฆ อี โรวเซ อัน. อัน จอย เฆ อี โหลห ฆูง เฆฌู อัน.

19 เฌาพรา ตู แตห เฆ ฌัม ดูก ตาง กาเซา. ดอ ฌัม อาคราว เอต ปี ดี โฮม, อัน เฌา ตู แตห อาซาก เฆ ชึม.

20 โคว, แตห เอ หน็อะ อึณด็อะ เฌาพรา. อัน เฌา อี จอย เอ. อัน ปี มัง ฆ็อง อี แร โดว เอ.

21 เอ หณึม บึง อัน เฌา อี บอด กาเซา. โคว, น็อห เอ ดาคึย บอ อืบ เฌาพรา.

22 อึย แม เฌาพรา, แตห แม ร็อก กาเว เย เซเซ. แตห อึณ กาดาน แคะ ปี บึง เย ดี แม.