1 อึย แม เฌาพรา, แตห แม เฌา จอย เย. กาแต เย อาโมยว ดูอี อาว ฮู มึห เฆ อี หมึอม, อี มึห น็อห ซืร. เฆ แฮะ ฮอต หราย โตต.

2 เฆ ดอน อี บอ กาลาง มี โฆรห กาโลว. เฆ บอ นับ ดี ลาย เกา ลาย วอน, โกบ มึห เฆ น็อห ลีงแล.

3 แตห เฌาพรา วี กาบีด โมต เฆ อี นับ ดี เกา อี, แกวะ แตห เฆ ปึอน ดี ปีพูง เฆ.

4 เฆ อี นับ ดี ต็อห, “ปี ต็อห โอว นี ดี แตห โอว ออง. โมต โอว นี นับ ดี กาลาง ปี อึง โอว. อาว มึห อาเซ อี ปึอน แคร โอว,” แตห แม เฌา แวน โตต เฆ ตี.

5 เฌาพรา วี ต็อห, “ดอ ตี นี โอว ดี ยอด เฆ อี คัม ดูก, เฆ อี คัม ปี คาหนาบ อี เฮา บอ ดูอี ฆีน. โอว ดี แตห เฆ วี โบยว ดาคึย, แตห เฆ วี มึห แคะ ปี โลว เฆ.”

6 ปาย ตี, โฆรห เฌาพรา บอ มูห โฆรห หมาน, โฆรห บอด. อึณ บอ ปี รึอน แฌด แปะ แฮะ ทารอง แคง เงา อาดา บู เฌณ.

7 อึย แม เฌาพรา, แม ดี ยอด เย เซเซ. แม ดี บอ แตห เย กอย ซีคยา เซเซ, ตู แตห เย คัม ดี ดูอี เฆ ตี.

8 เซ เฆ ดูอี อี กอย แดง กาดาย นี ยี กาโพรม ดี อืบ โมยว อี ตู หมึอม, เฆ ดูอี มืก ดี บอ ปึอน ดี ฮาว ดอน นา ดอน โปละ, อาว มึห อี แคร เฆ.