1 แม เฌาพรา, เหมา อึณ ปาย ปี กอย โต็ง แม ดี โอว? เหมา อึณ ปาย ปี เครียง แม ดี โอว, ดอ กาดูห โอว ดูก หณาบ?

2 เฆ ดูอี มืก แฮะ ปีคึก กาเซา น็อห เฆ. เฆ แฮะ คาหนาบ ดูอี ฆีน. เฆ ดี โลว วี คัม หมาบ ปี โบง เฆ อี ตู หมึอม ตี.

3 เฆ ดูอี มืก ตี, เฆ บอ นับ ดี ปีพูง เฆ, กาลาง แคะ ปี ซี ปึอน เฆ. เฆ มึห น็อห ลอพัะ บอ ดืง เฌาพรา.

4 เฆ บอ ปีคึก น็อห เฆ, ตู นับ ดี โรวเซ เฌาพรา. เฆ บอ กาพา แบน โมยว แบน โมยว ต็อห, “ตู โลว เฌาพรา.”

5 ปี โบง เฆ, อึณ ออง เซเซ. โคว, เฆ ปีคึก เฆ, ตู เฌณฌา ลอง ดารา เฌาพรา. เฆ บอ กาณัห รันซู เฆ ดอน อี.

6 แคง น็อห เฆ, เฆ ต็อห, “โอว ตู นับ ดี บลืง, ตู มึห ดูก ดอ เหมา. โอว ดี กอย ดาคึย เซเซ.”

7 โมต เฆ บอ กาลาง มี โฆรห ดืง, โฆรห กาโลว, โฆรห เอห อี เฮา. เฆ บอ กาลาง อี ตู หมึอม, แตห อึณ แบน ดูก ดี น็อห อี เฮา.

8 เฆ บอ เครียง โดว เฆ, กอย โคบ เรา โคบ โดง นา. เฆ บอ บัร ดี ยอด อาเซ ตู นับ ดี แคร โดว อัน. แฮะ ฮอต, เฆ บอ ง็อห ดูอี ฌึร ตี.

9 เฆ บอ กอย แคง แปร กาหลึบ ปี มาครังซี. เฆ บอ เครียง โดว เฆ, บอ ดีณ อึณรับ เฆ, บัร ดี เหมต ดืด เฆ ดูอี ดอ ตู นับ เฆ โดว เฆ.

10 ดูอี ฆีน เฆ ตี, บอ กาดูห ดี โฆม ดี โยม กาเซา โกบ ตู แป เฆ ดูอี มืก เฆ ตี.

11 เฆ ดูอี มืก ตี บอ เฌณฌา แคง น็อห เฆ ต็อห, “เฌาพรา แฮะ ฮอต ปีว ปี โบง โอว. อัน ตู ซี ยอด, ตู ซี ยึร เอ ดอ เหมา.”

12 อึย แม เฌาพรา, หมาณ, แตห แม ยอด, แกวะ ปีว เฆ ดูอี ฆีน ตี. หมาณ, แตห แม เฌา จอย เฆ ดูอี อี กาดูห ดูก.

13 อึณ ยี มูห เฆ ดูอี มืก ตี, เฆ แฮะ แวน แม เฌาพรา. เฆ บอ ต็อห แคง น็อห เฆ, “เฌาพรา ตู ปาย เหมา ดี เอ.”

14 มาแล, แม เฌาพรา แฮะ ฮอต ยึร โตต. เฆ อี กาดูห ดูก กาเซา, แม เฌา บอ ต็อห, อึณ มูห แม อี ดี จอย เฆ. เฆ ดูอี อี กาดูห ดูก ตี, เฆ ดี บอ อาบ โดว เฆ ดี แม เฌาพรา. แม เฌา บอ จอย กาเว เฆ ฆอน อี ตู มึห ฆูณ มา.

15 หมาณ, แตห แม เฌา แวน ปวน เฆ ดูอี มืก, แวน บอ นา ตู หมึอม ปี โบง เฆ. แตห แม เฌา ดัม หมาบ ดี เฆ, แกวะ ฮู แตห เฆ ซี โบง ฌึร ตี.

16 แม เฌาพรา, แม บอ มูห คูนดีคัม อี กอย เซเซ แบน ฌาด แบน ฌาด. แคะ กอย เฆ ดูอี อาโมยว เฮา, แม เฌา ดี บอ แตห เฆ ชึม โตต แคง มืง ปี อึบ แม.

17 แม เฌาพรา ดี บอ โทม โฆรห ปี ซาคึร เฆ ดูอี น็อห เตียม. แม ดี บอ แตห น็อห เฆ วี มึห โปลม, มึห แฮณ. แม ดี บอ โทม โฆรห ปี หมาณ เฆ.

18 แม เฌา ดี บอ จอย ฆอน อี ตู มึห ฆูณ. แตห แม บอ จอย เฆ อี คัม อี เฮา คาหนาบ เฆ. แตห แม ซูงพยาด นา หมาน, แกวะ แตห อึณ ซี มึห ดูอี, อี ปึอน ดี กาชัวะ คาหนาบ อี เฮา.