1 อึย แม เฌาพรา, เซ แม เฌา บอ แฮะ รู กาเซา ดี โอว, แกวะ แตห แม เฌา ดัม กาเซา หมาบ ดี โอว. เซ แม เฌา บอ แฮะ จาว ดี โอว, แกวะ มาโนว กาเซา โอว.

2 โอว หมาณ, แตห แม เฌา กาเว โอว โกบ แฮะ ดีหลัห กาเซา โอว, อาว ฮู มึห โปลม. โอว หมาณ, แม เฌา วี กาเว, วี จอย โอว, แตห โอว วี โปลม คัะ, แกวะ ฮู แตห โอว เซา บอ โดว.

3 อึย แม เฌา, น็อห พึอม โอว แฮะ ดูก กาเซา. โอว ดี โลว คัม เหลณ แคะ เหมา?

4 โอว หมาณ, แตห แม เฌา จอย โอว, แตห โอว ลอด, แตห แม คยอด โอว โกบ มึห แม เฌา น็อห ร็อก กาเว อี เซเซ.

5 โคว, เซ แฮะ ฮอต ยัม, อาว ฮู ปึอน วี โหลห แม เฌาพรา. อาเซ กอย แคง มืง มารานัะ, อาว ฮู ปึอน อืบ แม.

6 โอว แฮะ ดีหลัห ดี หงูน. โอว บอ ยาม ดอง คืน, แตห อึม งาย โอว บอ แหล แดง หมอน โอว แดง กาโช็ง อีด โอว.

7 งาย โอว มืร แฮะ ลึร โกบ แฮะ ดูก กาเซา ดี น็อห โอว. อึณ บอ แบน งาย โมว, งาย กาปยอย โกบ กืน รันซู โอว.

8 เบ ดูอี อี โบง มืก, แตห เบ เตา ตัะ โอว. โคว, เฌาพรา แฮะ โทม, แฮะ ยึร ดอ ยาม โอว.

9 เฌาพรา บอ โทม บอ ดัว ปี ซาคึร ปี หมาณ โอว.

10 แคะ กอย รันซู โอว บอกาเฆลียด, เฆ ดี บอ โยว กาเซา บอ ซาย อี. เฆ ดี กาฟัร กาเฟียน บอ กาเบลียะ เวณ อู เฌณ, แตห เฆ ชึม ซาเร.