1 แม เฌาพรา, แม บอ มูห เฌาพรา ปี กรึบ โอว. แม โบง นา หมาน เซเซ. โอว หมาณ, แตห แม เฌา เวียะ โฆรห โอว. ดอ กาดูห โอว ดูก ตาง, แม เฌา มืร แฮะ จอย, แตห โอว วี ดาคึย. โอว หมาณ, แตห แม เฌา กาเว โอว บอ โทม โฆรห ปี ซาคึร โอว.

2 อึย เบ ดูอี เฮา, เบ ดี แตห ซาเร โอว คย็อะ เหลณ แคะ เหมา? เบ ดี บอ อึง อี ตู มึห ดีโคว บอ โทม โดบ โฆรห กาโลว อี เหลณ แคะ เหมา?

3 แตห เบ นับ, เฌาพรา แฮะ ร็อห เฆ ดูอี อี โดบ อัน, แตห เฆ แบน ดูอี อาโมยว อัน. เฌาพรา ดี บอ โทม ดอ ซาคึร โอว ดี อัน.

4 เซ เบ รู, แกวะ แตห เบ โบง หมาบ โกบ รู เบ. แตห เบ วี กาพา โฆรห ตี ดอ กอย เบ แดง กาโช็ง อีด เบ, แตห เบ กอย เยน เยน.

5 แตห เบ หลู ปี หลู อี มูห อี หมาน. แตห เบ บึง ซีคยา เฌาพรา.

6 เฆ ดูอี กืน บอ นับ ดี ต็อห, “อาเซ ดี ดัว ดี เย โมยว อี บอด อี หมึอม?” เฆ บอ ต็อห, “อึย แม เฌาพรา, หมาณ, แตห แม กาเว เย, แตห เย ดาคึย.”

7 เซ อี แฮะ ปึอน กืน โหงว กามาย บอ อึม มางูน, น็อห เฆ ดาคึย กาเซา. แม เฌาพรา ยี แตห น็อห โอว ดาคึย หลึอม เฆ ตี.

8 โอว แฮะ ปึอน ดี อีด ดาคึย, อีด ซีคยา. โคว, อึณ มูห มี แม เฌาพรา อี แตห โอว ฆยามซา ปาย ตี.