1 เฆ ดูอี แดง กาดาย, เฆ ซีนัน ซีนืง. เฆ บอ คราม ดี โบง อี ตู มึห ดีโคว.

2 บอ คูนดีคัม บอ เฆ ดา กาณา อี อึบ มืง, เฆ คราม ดี กาแคณ ดี เฌาพรา. เฆ บอ ซี กาแคณ บอ ดี ดูอี ปี ร็อห ปี ตึย เฌาพรา.

3 เฆ บอ ต็อห, “แตห เอ แวน อัน เฌา, แกวะ แตห อัน อึบ เอ, แตห อึณ ปี เอ ฆ็อห แวน วัน ปี ปัก อัน ดี เอ.”

4 เฌาพรา ยี กอย แคง ฆางหราว. อัน บอ เอว กาณัห ปี ปาย เฆ.

5 แฮะ ฮอต, เฌาพรา บอ วี รู กาเซา ดี เฆ. บอ เอห เฆ แตห เฆ โยว กาเซา. อัน บอ ต็อห ดี เฆ,

6 “โอว แฮะ ตึย คูนดีคัม ปี ร็อห โอว, แตห อัน กอย ดี นอน ฌีโอน^a อี มูห นอน บอด, โดง กอย เฌาพรา.”

7 คูนดีคัม ตี ยี ต็อห, โอว ดี กาลาง ปี ต็อห เฌาพรา ดี โอว. อัน เฌา แฮะ ต็อห, “แม มูห ฆอน โอว. อาตึร นี, โอว แฮะ แบน ฆูณ แม.

8 แตห แม หมาณ ดี โอว, โอว ดี ดัว ดูอี ดอน โมยว, แตห เฆ แบน ปี คาฆูน แม. แคะ กอย อาโมยว แดง กาดาย นี โอว ดี แตห แม อึบ โตต.

9 แม ดี บอ อึบ เฆ, แตห อึณ ปี แม มัห เฆ ตา เลียห ฮีน, แตห เฆ ชึม โตต. แตห เฆ ปี กาโละ กาดาย อี กาลาต ลึร.”

10 โคว อัน ตี เบ คูนดีคัม, แตห เบ มึห อางยาน. บอ เบ ดา กาณา อี อึบ กาดาย, แตห เบ โทม โฆรห ปี ดัม โอว ซาดีก ตี.

11 แตห เบ โบง ปี อึง เฌาพรา บอ โรวเซ อัน. แตห เบ โยว เฌาพรา, บอ โฆม อัน.

12 เซ เบ ตู โบง ปาย ตี, โยว อัน เฌา ดี รู กาเซา ดี เบ, โยว อัน แตห อาซาก เบ ชึม ดอ หณัม กัด เบ. อี มูห เฆ อี บึง ซีคยา เฌาพรา, เฆ ดี บอ ปึอน ดี กอย โบยว ดาคึย ดอน อี.