1 วาย อัน ตี อาโยวบา วี กาลาง โฆรห.

2 อัน ต็อห, “แฮะ หมาน, เฌาพรา แฮะ กอย เซเซ. ปาย ตี บอ โฆรห โอว แฮะ หมาน อาคาคัร. อัน เฌา แฮะ โบง แตห โอว ชึม อามู โอว. เฌาพรา อี อึบ โตต ดอน โมยว, อัน แฮะ โบง แตห อึณ ซ็อง กาเซา ดี น็อห พึอม โอว.

3 ดอ ซี มึห โอว พึอม ดี ฮึห ลึบ ฮึห เลห ดอ ซี อีม โอว นี,

4 โอว มืร ตู แตห โฆรห ฮาย โฆรห มืก เลห แคง โมต โอว. โอว มืร ตู แตห ซีดัะ โอว กาลาง โฆรห กาโลว คอ อู เฌณ.

5 โอว มืร ตู ต็อห โฆรห ปี กาลาง เบ ดี โอว แฮะ หมาน. โอว มืร ตู แตห ซาเร โอว ชึม, แตห อึณ กอ ฌัม ยัม โอว.

6 โจว ซี มึห โอว อาซาก นี, โอว มืร ดี กาลาง ดี เบ, โอว แฮะ มึห น็อห ซืร น็อห หมาน. น็อห โอว มืร ตู วี ดัม หมาบ ดี โดว บรีม โอว ดอ เหมา.

7 แตห เฌาพรา ดัม หมาบ ดี เฆ อี มูห รันซู โอว, ปี อัน ดัม หมาบ ดี เฆ ดูอี ฮาย ดูอี มืก. แตห เฆ อี กาบัห ดี โอว วี คัม หมาบ เฆ ปี ปี คัม เฆ อี ตู มึห น็อห ซืร น็อห หมาน.

8 โคว, ดูอี อี ตู โรวเซ เฌาพรา ตี, เซ เฌาพรา ฮี ดึห เลห พึอม อัน, เซ เฌาพรา แฮะ แตห อาซาก อัน โตต, อัน ตู มึห ดี หน็อะ อึณด็อะ มาเซ.

9 ดอ แฮะ คัม อัน ดูก ตาง ตึอน, เฌาพรา ตู โทม ปี ซาคึร ปี หมาณ อัน.

10 ดูอี วี ตี อัน มืร ตู มึห น็อห ดาคึย ดี โดบ เฌาพรา อี อึบ โตต ดอน โมยว, อัน มืร ตู ซาคึร เซเซ ดี เฌาพรา.

11 โอว ดี มาโนว เบ, แตห เบ นับ แคะ ตาง ปวน เฌาพรา. โอว มืร ดี กาลาง บยัะ ดี เบ, แตห เบ นับ แปะ แฮะ โบง แฮะ แรน อูน เฌาพรา อี อึบ โตต ดอน โมยว อาดา เบ.

12 เบ ดอน อี มืร แฮะ ฮอต นับ ลอง อัน ตี. เหมา อึณ ปาย ปี วี กาลาง เบ โฆรห ปีเยณ โฆรห ดีโลย ดีลาย ปาย ตี?

13 รูห ปี ดี ดัว เฌาพรา ดี ดูอี ฮาย ดูอี มืก บอ คาฆูน เฆ ดูอี อี อึง ดี คาหนาบ อี เฮา, เฌาพรา อี อึบ โตต ดอน โมยว ดี ดัว ดี เฆ ปาย นี.

14 เฆ ปี บอ แฮะ มึห ฆอน เฆ หลาน กืน มืร, เฆ ยี ดี วี ยัม ดี มาปัวะ ลาง. เซ อาว ปาย ตี, เฆ ดี ยัม โกบ ตู มึห เฆ ปี ดี โฮม.

15 เฆ อี ซี ฆีด ซี กอย, เฆ ดี บอ วี ยัม ดี เซา รอฆา. ยา ซีปรัห เฆ ตี มืร ตู หงูน ตู ยาม.

16 เฆ ดูอี ฮาย ดูอี มืก ตี เฆ ปี บอ แฮะ มึห รึอน กืน, แตห อึณ กอ ปี อึณปึม กาปูห, ปี บอ แฮะ มึห ครึง ตา, แตห อึณ กอ แหนน อึณปึม กาดาย กาปีด มืร,

17 เฆ ยี ตู ปึอน ดี จัร ดี ตา โกรว เฆ ตี. ดูอี อี มึห น็อห ซืร น็อห หมาน ดี วี ดึห ดี ตา, บอ เฆ ดูอี อี ตู มึห หมาบ ดี วี ดึห ลาย กาซาง รึอน เฆ ตี.

18 กาง ปี ซัม เฆ มืร, อาว มัน อาว มึห โปลม มาเซ ปี กาง ปูงเปยณ. กาง ตี ปี บอ ทึบ โดง บัร หมาย เฆ ดี มาน.

19 ดอ ลึบ อีด เฆ, เฆ มูห ดูอี ครัม. มาแล, ดอ วี อึณซึห เฆ, โกรวกราม เฆ แฮะ ฮอต โบยห หราย โตต.

20 อาเพ อาเร ดี บอ คูงครัห เฆ ปี อึม แประ อี ตัห อู เฌณ. คูน ตาง บอ ฆลาย ตาง มืร ดี ตัห ฌูห แหล เฆ แคง หมึร.

21 คูน อี ตัห นา เลห ซีแง ดี บอ ตัห บูด เฆ, แตห เฆ บึณ ฮาว โดบ แฮณ คูน ตี. คูน ตี ดี บอ ตัห บูด เลห เฆ โดง กอย เฆ.

22 คูน มืร ตู นับ ดี กาเว เฆ. อัน ดี ตัห บูด กาเซา เฆ. เฆ มืร ดี โฆยวฆยา ดี เตา เลห ตัะ แฮณ คูน ตี.

23 อึณ ปี คูน ดี บอ กาทัะ แด กาณัห เฆ บอ แนนัะ เฆ. คูน ดี บอ ดีงึณ ตัห โฮว เตา เฆ, แกวะ แตห เฆ ปึอน ดี กอย โดง กอย บรีม เฆ.”