1 ดอ อัน ตี อาโยวบา วี กาลาง โฆรห.

2 อัน ต็อห, “โฆรห ปี กาลาง แม ตู จอย ดูอี อี ตู มึห โปลม เฆ แฮณ. แม มืร ตู ปึอน จอย ตู ปึอน ฆัม ดูอี อี แฮะ ดีหลัห.

3 แม มืร ตู ปึอน แหน อากยาม อางยาน แม ดี ดูอี อี ตู มึห อางยาน. แคะ บอด อางยาน แม มืร, อึณ ตู ลึห.

4 อาเซ แฮะ จัร แม กาลาง โฆรห ตี? น็อห พึอม อาเซ แฮะ แตห แม นับ ดี กาลาง โฆรห ปาย ตี?”

5 “น็อห พึอม เฆ อี แฮะ ฮอต ยัม บอ เฆ อี กอย แคง มืง ครึม, เฆ แฮะ โยว ดียูห ดีเยณ โกบ แฮะ ตาง อาพูง ดังโคว เฌาพรา.

6 เฌาพรา บอ ยึร โตต แคง มืง มารานัะ. อาว มึห มาเซ อี ปึอน กาบีด, ปึอน ซีบลึก อี กาปยาต ลึร.

7 อัน เฌา แฮะ บลัห อูน ฆางหราว บลาก นา กัว โดง ตู มึห มาเซ. อัน เฌา แฮะ วี ดึห กาดาย นี, ฮอย อูน นา แคง โดง ตู มึห มาเซ ตี.

8 อึณ ปี อัน เฌา แฮะ อึณดีบ อูน อึม แคง อึณอูะ อี แฮะ เฮต กาเซา. อึม ตี ยี ตู แตห อึณอูะ ตี ดัห กายาต.

9 อัน เฌา บอ ตา อึณอูะ, ปลึก กาบัน บลาง ลืนโมน.

10 อัน เฌา แฮะ กาย็อห บลาง ฆาย อับ, แตห อึณ มึห กาอูน อี กาบัด แดง อึม นัมมูกซารา.

11 ดอ มาโนว อัน เฌา อู โมยว อู โมยว, เจณ ร็อง กาดาย เฆ เบลณ บอ ดียูห ดีเยณ บอ โยว กาเซา.

12 อาพูง ดังโคว เฌาพรา มืร แตห อึม นัมมูกซารา ซีลอย ซีลอย. อางยาน อัน เฌา มืร แฮะ ปยาต แวน มากราย อี จืร ราฮาบ ตึอน.

13 อัน เฌา มืร ฮึห พึอม อัน, โบง แตห เบลณ ซาบลาง ดาคึย. อึณ ปี อัน เฌา แฮะ ตา มาปัวะ ลาง อัน, ง็อห ยัม มาฮัณ ตาง ดอ ต็อห อัน ดี หลัน เตา.

14 อานี อึณ ยี ซี มูห อี แจก อี แจก ปี นับ โอว ลอง อาพูง ดังโคว อัน เฌา. แคะ นับ เอ ลอง อัน เฌา, อึณ ปี แคะ โฆรห พูพาบ. แคะ ตาง อาพูง ดังโคว อัน เฌา, อึณ ปี โฆรห ตาง, อาว มึห อาเซ อี ปึอน นับ.”