1 อาโมวแซ วี กาลาง ดี เฆ ดา ตาง อี แยต ครึร เฆ ดูอี อีซาเรลัะ ต็อห, “เฌาพรา แฮะ ดัว อามีง ปาย นี. 2 เซ อึณ มึห อีมาย อู วี, เซ อัน แฮะ กาแซณ แฮะ ดืง ดี เฌาพรา ลอง ปี ดี โบง อัน อู โมยว อู โมยว, อัน ตู ปึอน แตห โฆรห ปี ดืง ปี กาแซณ อัน ตี วี ชึม ปีเยณ. อัน โลว โบง โดบ แคะ ปี ดืง อัน ตี.

3 เซ อึณ บอ มูห ฆอน อีบึณ อี ซี มูห ดีบยา, อี ซี กอย รึม โดบ ฆูณ มา อัน, เซ อัน แฮะ ดืง ดี เฌาพรา อู โมยว อู โมยว ลอง ปี ดี โบง อัน, 4 เซ ฆูณ อัน มืร แฮะ ยึร ลอง อัน ตี, ยี ตู แคร ตู ต็อห มาเซ ดี อัน, อัน โลว โบง โดบ ปี ดืง ปี กาแซณ อัน ตี ดอน โมยว. 5 มาแล, ดอ ยึร ฆูณ อัน ลอง ปี กาแซณ อัน, เซ ฆูณ บอ แคร ฆอน อัน, ฆอน อีบึณ ตี ตู โลว โบง โดบ โฆรห ปี ดืง ปี กาแซณ อัน ตึอน คอ อู โมยว. เฌาพรา มืร ดี ทาย ดี อัน โกบ แฮะ แคร ฆูณ อัน ดี อัน.

6 เซ อึณ ยี มูห อีบึณ อี แฮะ มึห อีมาย, เซ อัน แฮะ ดึอม ดืง, ดึอม กาแซณ ดี โบง อู โมยว อู โมยว, 7 เซ อีมาย อัน มืร แฮะ นับ ลอง ปี ดืง ปี กาแซณ อัน ตี, อีมาย อัน ยี ตู แคร ตู ต็อห มาเซ ดี อัน, อัน โลว โบง โดบ โฆรห ปี ดืง ปี กาแซณ อัน ตี ดอน โมยว. 8 มาแล, เซ อีมาย อัน แฮะ ยึร ลอง อัน ตี, บอ แคร อัน, อัน ตู โลว โบง โดบ ปี ดืง ปี กาแซณ อัน ตี. เฌาพรา มืร ดี ทาย ดี อัน.

9 เซ อึณ ยี มูห ยา ซีปรัห, บอ มูห ซีปรัห อีม บอ มูห ซีปรัห ยัม, อัน โลว โบง โดบ แปะ แฮะ ดืง แปะ แฮะ กาแซณ อัน ดอน โมยว.

10 เซ อีบึณ อี มึห อีมาย แฮะ ดืง แฮะ กาแซณ แคง กาง อีมาย อัน, 11 เซ อีมาย อัน ปี บอ แฮะ ยึร มืร, ยี ตู ต็อห มาเซ ดี อัน, แคะ ปี ดืง ปี กาแซณ อัน ตี ดอน โมยว, อัน โลว โบง โดบ. 12 มาแล, ดอ ยึร อีมาย อัน ลอง อัน ตี, เซ อีมาย อัน มืร แฮะ แคร แฮะ กาลาง ดี อัน, อัน อาว ฮู โลว โบง โดบ ปี กาแซณ อัน ตี. อึณ ปี อัน ตู ดึอม กาแซณ มาเซ. 13 แคะ ปี ดืง ปี กาแซณ อัน, อึณ บอ มูห โมยว เหมา อาว ต็อห, อีมาย อัน แฮะ ปึอน แตห อัน โบง โดบ. เซ อาว ปาย ตี แฮะ ปึอน แคร อัน. 14 มาแล, เซ อีมาย อัน แฮะ ยึร ลอง อัน ตี, อัน ยี ตู แคร ตู ต็อห มาเซ. อัน โลว โบง โดบ โตต ดอน โมยว แคะ ปี ดืง ปี กาแซณ อัน ตี. อีมาย อัน แฮะ แตห โฆรห ปี ดืง ปี กาแซณ อัน ตี มัน ซีคยา โกบ ตู แคร อัน ดอ แฮะ ยึร อัน ตึอน. 15 เซ อีมาย อัน ตู ต็อห มาเซ ดอ ยึร อัน ลอง แปะ แฮะ ดืง อีบึณ อัน, แฮะ ฮอต, วี แคร อัน, อีมาย อัน ตี โลว คัม หมาบ โกบ แวน อัน โฆรห ปี ดืง ปี กาแซณ อีบึณ อัน ตี.”

16 อาตี อึณ มูห ดารา ปี กาลาง อูน เฌาพรา ดี อาโมวแซ. อึณ มูห ลอง ปี ดืง ปี กาแซณ อีมาย ฆาย อีบึณ บอ ปี ดืง ปี กาแซณ ฆูณ ฆาย ฆอน อีบึณ อี ซี มูห ดีบยา, อี ซี กอย รึม โดบ ฆูณ มา อัน.