1 วาย อัน ตี อึณ บอ ฌัม ซีแง แฮะ ฮอต ซัม อาโมวแซ ทึบ บีก บอด. ซีแง ตี อัน บอ พ็อห นามัน ดอน โปละ บอ หลู ทึบ บีก บอด ตี. อัน หลู บอ ครึง ตา แคง ทึบ บีก บอด ตี ดอน โมยว. อัน หลู บอ กาโช็ง หลู บอ ครึง ปี โลว จัร โลว ตา ดอน โมยว, แตห อึณ ซีงา. 2 ดอ อัน ตี เฆ ดา กาณา อี อึบ มืง บอ เฆ อี อึบ แคง ครึร เฆ ดูอี อีซาเรลัะ บอ เฆ อี อึบ ดอน อี อี แฮะ ลึบ แคง ฌาราง, เฆ บอ หลู แบน โมยว แบน โมยว. 3 เฆ บอ ดึห ปี ดี หลู เฆ, ตัห หลู นา อาต ทึบ บีก บอด. ปี หลู เฆ ตี, อึณ บอ มูห ลักเลา เดา หลาง บอ มามัก ฆึร ดี อา โดว. ดา ตาง อา วี บอ หลู ลักเลา อู หลาง. เฆ บอ หลู บอ มัก อู วี อู โดว.

4 วาย อัน ตี เฌาพรา ปี วี ต็อห ดี อาโมวแซ, 5 “แตห แม ดึห ปี หลู เฆ ตี, แตห อึณ แบน ปี ดี จัร เฆ อี โบง ฆาน แคง ทึบ บีก บอด. แตห แม วี อาบ ดัว โกรว ตี ดี เฆ ดูอี อาเลวี, ดัว ดี เฆ แคะ ปี โลว โบง เฆ ฆาน เฆ.”

6 เฌาพรา แฮะ ฮอต กาลาง ปาย ตี อาโมวแซ บอ ดึห ลักเลา บอ มามัก เฆ ตี, วี อาบ ดัว ดี เฆ ดูอี อาเลวี. 7 อัน บอ ดึห ลักเลา อา หลาง บอ มามัก อา ฆู, อาบ ดัว ดี ดูอี อาโมยว อาเฆนราโซน, แตห อึณ โดบ แคะ ปี โบง เฆ ฆาน เฆ. 8 ลักเลา อาดา พวน หลาง บอ มามัก พวน ฆู, อัน วี อาบ ดัว ดี เฆ ดูอี อาโมยว อาเมนรารี, แตห อึณ โดบ แคะ ปี โบง เฆ ฆาน เฆ. อึณ ยี มูห ฆอน อีมาย อาโรน อี จืร อาอีทามา ตึอน, อัน บอ ยอด บอ อึบ ฆาน ปี โบง เฆ ดอน โมยว. 9 อี มูห เฆ ดูอี แคง พึง อาโควฮาด, อาโมวแซ ยี ตู ดัว มาเซ ดี เฆ. อัน ตู แตห มามัก เฆ เลา. โคว, เฆ โลว กาฆอด ฮาว ครึง ตา อี ซีงา บอด ตึอน, อาว ปึอน ดาง แดง ลักเลา.

10 ดอ แฮะ ฮอต พ็อห เฆ นามัน ดี กาโช็ง หลู, เฆ ดา ตาง บอ ดึห ตัห ปี ดี หลู เฆ, เบลห ดี อาต กาโช็ง, แตห อึณ แบน บลอย หลู กาโช็ง ตี. 11 โคว, เฌาพรา แฮะ ต็อห ดี อาโมวแซ, “ดอ โบง เบ บลอย หลู กาโช็ง หลู ตี, แตห เฆ ดา ตาง ตี หลู ปี ดี หลู เฆ อู ซีแง อู วี อู วี.”

12 ปาย ตี ซีแง ดอ โฆว อานาโซน อี มูห ฆอน อามีนาดาบ อี มูห ครึร อายูดา, อัน แฮะ หลู ปี ดี หลู อัน.

13 โกรว ปี หลู อัน ตี, อึณ บอ มูห อึณปาน รึอน อู โบ็ง. อึณ จัน อู มาย็อห ดี โอย ฆึร เซเคน อี มูห มอก ดีม คัน. เฆ บอ ซัะ รึอน ตี, ตา เบล ซัะ ปี อูน เฆ แคง โฮง อี กอย โคบ โดง กรึบ เฆ เฌาพรา. อึณ บอ มูห บอ ซีลัยะ รึอน อู บลัะ. จัน อัน บู ฆึร เซเคน อี มูห มอก พัน คัน. อัน แฮะ ฮับ บอ กาแปะ อี แฮะ ฮอต กาวัร นามัน, แตห อึณ โนะ แคง ซีลัยะ ตี บอ อา โบ็ง, แตห อึณ แบน ปี หลู ดีฆาว แบน โมยว แบน โมยว. 14 อัน หลู บอ ลัะโฌว ครีว อู บลัะ. อึณ บอ จัน ฆึร เซเคน อี มูห มอก อู คัน. อัน โลว ฮับ อึณกรึห อูห หงูน อี แบน ปี ดี โดะ แคง เงา. 15 อัน บอ หลู บอ มามัก อาโล็ง อู โดว อี ซี ดีแตด, มาบู อาโล็ง อู โดว บอ ฆอน มาบู อาโล็ง อู โดว อี แฮะ โนะ อู ซีนัม, แตห อึณ แบน ปี ดี หลู อี โดะ แคง เงา. 16 อัน บอ หลู บอ มาแป อาโล็ง อู โดว อี ซี ดีแตด, แตห อึณ แบน ปี ดี หลู อี ฆ็อห แวน หมาบ. 17 อัน บอ หลู มามัก อาโล็ง อา โดว, มาบู อาโล็ง พัน โดว, มาแป อาโล็ง พัน โดว บอ ฆอน มาบู อาโล็ง พัน โดว อี แฮะ โนะ อู ซีนัม, แตห อึณ แบน ปี ดี หลู อี กอย กาฌูะ โฮม รึม. แคะ ตี มูห ปี หลู อานาโซน อี มูห ฆอน อามีนาดาบ.

18 ซีแง ฮาอา อึณ บอ มูห อาเนทาเนลา อี มูห ฆอน อาจูอา อี มูห ดา ตาง อี อึบ แคง ครึร อาอีซาคา. อัน บอ หลู ปี ดี หลู อัน.

19 โกรว ปี หลู อัน ตี, อึณ บอ มูห อึณปาน รึอน อู โบ็ง. อึณ จัน อู มาย็อห ดี โอย ฆึร เซเคน อี มูห มอก ดีม คัน. เฆ บอ ซัะ รึอน ตี, ตา เบล ซัะ ปี อูน เฆ แคง โฮง โดง กรึบ เฆ เฌาพรา. อึณ บอ มูห บอ ซีลัยะ รึอน อู บลัะ, จัน อัน บู ฆึร เซเคน อี มูห มอก พัน คัน. อัน แฮะ ฮับ บอ กาแปะ อี แฮะ ฮอต กาวัร นามัน, แตห อึณ โนะ แคง ซีลัยะ บอ อา โบ็ง, แตห อึณ แบน ปี หลู ดีฆาว แบน โมยว แบน โมยว. 20 อัน หลู บอ ลัะโฌว ครีว อู บลัะ. อึณ บอ จัน ฆึร เซเคน อี มูห มอก อู คัน. อัน แฮะ ฮับ อึณกรึห อูห หงูน อี แบน ปี ดี โดะ แคง เงา. 21 อัน บอ หลู บอ มามัก อาโล็ง อู โดว อี ซี ดีแตด, มาบู อาโล็ง อู โดว บอ ฆอน มาบู อาโล็ง อู โดว อี แฮะ โนะ อู ซีนัม, แตห อึณ แบน ปี ดี หลู อี โดะ แคง เงา. 22 อัน บอ หลู บอ มาแป อาโล็ง อู โดว, แตห อึณ แบน ปี ดี หลู อี ฆ็อห แวน หมาบ. 23 อัน บอ หลู มัก อาโล็ง อา โดว, มาบู อาโล็ง พัน โดว, มาแป อาโล็ง พัน โดว บอ ฆอน มาบู อาโล็ง พัน โดว อี แฮะ โนะ อู ซีนัม, แตห อึณ แบน ปี ดี หลู อี กอย กาฌูะ โฮม รึม. แคะ ตี มูห ปี หลู อาเนทาเนลา อี มูห ฆอน อาจูอา.

24 ซีแง ฮาโอย อึณ บอ มูห อาเอลีอาบ อี มูห ฆอน อาเฮโลน อี มูห ดา ตาง อี อึบ แคง ครึร อาเฌบูโลน. อัน บอ หลู ปี ดี หลู อัน.

25 โกรว ปี หลู อัน ตี, อึณ บอ มูห อึณปาน รึอน อู โบ็ง. อึณ จัน อู มาย็อห ดี โอย ฆึร เซเคน อี มูห มอก ดีม คัน. เฆ บอ ซัะ รึอน ตี, ตา เบล ซัะ ปี อูน เฆ แคง โฮง โดง กรึบ เฆ เฌาพรา. อึณ บอ มูห บอ ซีลัยะ รึอน อู บลัะ. จัน อัน บู ฆึร เซเคน อี มูห มอก พัน คัน. อัน แฮะ ฮับ บอ กาแปะ อี แฮะ ฮอต กาวัร นามัน, แตห อึณ โนะ แคง ซีลัยะ บอ อา โบ็ง, แตห อึณ แบน ปี หลู ดีฆาว แบน โมยว แบน โมยว. 26 อัน หลู บอ ลัะโฌว ครีว อู บลัะ. อึณ บอ จัน ฆึร เซเคน อี มูห มอก อู คัน. อัน แฮะ ฮับ อึณกรึห อูห หงูน อี แบน ปี ดี โดะ แคง เงา. 27 อัน บอ หลู บอ มัก อาโล็ง อู โดว อี ซี ดีแตด, มาบู อาโล็ง อู โดว บอ ฆอน มาบู อาโล็ง อู โดว อี แฮะ โนะ อู ซีนัม, แตห อึณ แบน ปี ดี หลู อี โดะ แคง เงา. 28 อัน บอ หลู บอ มาแป อาโล็ง อู โดว, แตห อึณ แบน ปี ดี หลู อี ฆ็อห แวน หมาบ. 29 อัน บอ หลู มัก อาโล็ง อา โดว, มาบู อาโล็ง พัน โดว, มาแป อาโล็ง พัน โดว บอ ฆอน มาบู อาโล็ง พัน โดว อี แฮะ โนะ อู ซีนัม, แตห อึณ แบน ปี หลู อี กอย กาฌูะ โฮม รึม. แคะ ตี มูห ปี ดี หลู อาเอลีอาบ อี มูห ฆอน อาเฮโลน.

30 ซีแง อึณพวน, อึณ บอ มูห อาเอลีจู อี มูห ฆอน อาเซตูรัะ อี มูห ดา ตาง อี อึบ แคง ครึร อารูเบน, อัน บอ หลู ปี ดี หลู อัน.

31 โกรว ปี หลู อัน ตี, อึณ บอ มูห อึณปาน รึอน อู โบ็ง. อึณ จัน อู มาย็อห ดี โอย ฆึร เซเคน อี มูห มอก ดีม คัน. เฆ บอ ซัะ รึอน ตี, ตา เบล ซัะ ปี อูน เฆ แคง โฮง โดง กรึบ เฆ เฌาพรา. อึณ บอ มูห บอ ซีลัยะ รึอน อู บลัะ. จัน อัน บู ฆึร เซเคน อี มูห มอก พัน คัน. อัน แฮะ ฮับ บอ กาแปะ อี แฮะ ฮอต กาวัร นามัน, แตห อึณ โนะ บอ อา โบ็ง, แตห อึณ แบน ปี หลู ดีฆาว แบน โมยว แบน โมยว. 32 อัน หลู บอ ลัะโฌว ครีว อู บลัะ. อึณ บอ จัน ฆึร เซเคน อี มูห มอก อู คัน. อัน แฮะ ฮับ อึณกรึห อูห หงูน อี แบน ปี ดี โดะ แคง เงา. 33 อัน บอ หลู บอ มามัก อาโล็ง อู โดว อี ซี ดีแตด, มาบู อาโล็ง อู โดว บอ ฆอน มาบู อาโล็ง อู โดว อี แฮะ โนะ อู ซีนัม, แตห อึณ แบน ปี ดี หลู อี โดะ แคง เงา. 34 อัน บอ หลู บอ มาแป อาโล็ง อู โดว, แตห อึณ แบน ปี ดี หลู อี ฆ็อห แวน หมาบ. 35 อัน บอ หลู มามัก อาโล็ง อา โดว, มาบู อาโล็ง พัน โดว, มาแป อาโล็ง พัน โดว บอ ฆอน มาบู อาโล็ง พัน โดว อี แฮะ โนะ อู ซีนัม, แตห อึณ แบน ปี ดี หลู อี กอย กาฌูะ โฮม รึม. แคะ ตี มูห ปี หลู อาเอลีจู อี มูห ฆอน อาเซตูรัะ.

36 ซีแง อึณพัน, อึณ บอ มูห อาเซลูเมน อี มูห ฆอน อาฌูรีซาเด อี มูห ดา ตาง อี อึบ แคง ครึร อาซีเมโอน. อัน บอ หลู ปี ดี หลู อัน.

37 โกรว ปี หลู อัน ตี, อึณ บอ มูห อึณปาน รึอน อู โบ็ง. อึณ จัน อู มาย็อห ดี โอย ฆึร เซเคน อี มูห มอก ดีม คัน. เฆ บอ ซัะ รึอน ตี, ตา เบล ซัะ ปี อูน เฆ แคง โฮง โดง กรึบ เฆ เฌาพรา. อึณ บอ มูห บอ ซีลัยะ รึอน อู บลัะ, จัน อัน บู ฆึร เซเคน อี มูห มอก พัน คัน. อัน แฮะ ฮับ บอ กาแปะ อี แฮะ กามอต ซีคยา, อี แฮะ ฮอต กาวัร นามัน, แตห อึณ โนะ บอ อา โบ็ง, แตห อึณ แบน ปี หลู ดีฆาว แบน โมยว แบน โมยว. 38 อัน หลู บอ ลัะโฌว ครีว อู บลัะ. อึณ บอ จัน ฆึร เซเคน อี มูห มอก อู คัน. อัน แฮะ ฮับ อึณกรึห อูห หงูน อี แบน ปี ดี หลู อี โดะ แคง เงา. 39 อัน บอ หลู บอ มามัก อาโล็ง อี ซี ดีแตด อู โดว, มาบู อาโล็ง อู โดว บอ ฆอน มาบู อาโล็ง อู โดว อี แฮะ โนะ อู ซีนัม, แตห อึณ แบน ปี ดี หลู อี โดะ แคง เงา. 40 อัน บอ หลู บอ มาแป อาโล็ง อู โดว, แตห อึณ แบน ปี ดี หลู อี ฆ็อห แวน หมาบ. 41 อัน บอ หลู มามัก อาโล็ง อา โดว, มาบู อาโล็ง พัน โดว, มาแป อาโล็ง พัน โดว บอ ฆอน มาบู อาโล็ง พัน โดว อี แฮะ โนะ อู ซีนัม, แตห อึณ แบน ปี หลู อี กอย กาฌูะ โฮม รึม. แคะ ตี มูห ปี หลู อาเซลูเมน อี มูห ฆอน อาฌูรีซาเด.

42 ซีแง อึณเดา, อึณ บอ มูห อาเอลาซาบ อี มูห ฆอน อาตูลา อี มูห ดา ตาง อี อึบ แคง ครึร อาฆัด. อัน บอ หลู ปี ดี หลู อัน.

43 โกรว ปี หลู อัน ตี, อึณ บอ มูห อึณปาน รึอน อู โบ็ง. อึณ จัน อู มาย็อห ดี โอย ฆึร เซเคน อี มูห มอก ดีม คัน. เฆ บอ ซัะ รึอน ตี, ตา เบล ซัะ ปี อูน เฆ แคง โฮง โดง กรึบ เฆ เฌาพรา. อึณ บอ มูห บอ ซีลัยะ รึอน อู บลัะ, จัน อัน บู ฆึร เซเคน อี มูห มอก พัน คัน. อัน แฮะ ฮับ บอ กาแปะ อี แฮะ กามอต ซีคยา, อี แฮะ ฮอต กาวัร นามัน, แตห อึณ โนะ บอ อา โบ็ง, แตห อึณ แบน ปี หลู ดีฆาว แบน โมยว แบน โมยว. 44 อัน หลู บอ ลัะโฌว ครีว อู บลัะ. อึณ บอ จัน ฆึร เซเคน อี มูห มอก อู คัน. อัน แฮะ ฮับ อึณกรึห อูห หงูน อี แบน ปี ดี โดะ แคง เงา. 45 อัน บอ หลู บอ มามัก อาโล็ง อู โดว, มาบู อาโล็ง อู โดว บอ ฆอน มาบู อาโล็ง อู โดว อี แฮะ โนะ อู ซีนัม, แตห อึณ แบน ปี ดี หลู อี โดะ แคง เงา. 46 อัน บอ หลู บอ มาแป อาโล็ง อู โดว, แตห อึณ แบน ปี ดี หลู อี ฆ็อห แวน หมาบ. 47 อัน บอ หลู มามัก อาโล็ง อา โดว, มาบู อาโล็ง พัน โดว, มาแป อาโล็ง พัน โดว บอ ฆอน มาบู อาโล็ง พัน โดว อี แฮะ โนะ อู ซีนัม, แตห อึณ แบน ปี ดี หลู อี กอย กาฌูะ โฮม รึม. แคะ ตี มูห ปี หลู อาเอลาซาบ อี มูห ฆอน อาตูลา.

48 ซีแง อึณบู, อึณ บอ มูห อาเอลีซามา อี มูห ฆอน อามีฮูด อี มูห ดา ตาง อี อึบ แคง ครึร อาเอพารีม. อัน บอ หลู ปี ดี หลู อัน.

49 โกรว ปี หลู อัน ตี, อึณ บอ มูห อึณปาน รึอน อู โบ็ง. อึณ จัน อู มาย็อห ดี โอย ฆึร เซเคน อี มูห มอก ดีม คัน. เฆ บอ ซัะ รึอน ตี, ตา เบล ซัะ ปี อูน เฆ แคง โฮง โดง กรึบ เฆ เฌาพรา. อึณ บอ มูห บอ ซีลัยะ รึอน อู บลัะ, จัน อัน บู ฆึร เซเคน อี มูห มอก พัน คัน. อัน แฮะ ฮับ บอ กาแปะ อี แฮะ กามอต ซีคยา, อี แฮะ ฮอต กาวัร นามัน, แตห อึณ โนะ บอ อา โบ็ง, แตห อึณ แบน ปี หลู ดีฆาว แบน โมยว แบน โมยว. 50 อัน หลู บอ ลัะโฌว ครีว อู บลัะ. อึณ บอ จัน ฆึร เซเคน อี มูห มอก อู คัน. อัน แฮะ ฮับ อึณกรึห อูห หงูน อี แบน ปี ดี โดะ แคง เงา. 51 อัน บอ หลู บอ มามัก อาโล็ง อู โดว อี ซี ดีแตด, มาบู อาโล็ง อู โดว บอ ฆอน มาบู อาโล็ง อู โดว อี แฮะ โนะ อู ซีนัม, แตห อึณ แบน ปี ดี หลู อี โดะ แคง เงา. 52 อัน บอ หลู บอ มาแป อาโล็ง อู โดว, แตห อึณ แบน ปี ดี หลู อี ฆ็อห แวน หมาบ. 53 อัน บอ หลู มามัก อาโล็ง อา โดว, มาบู อาโล็ง พัน โดว, มาแป อาโล็ง พัน โดว บอ ฆอน มาบู อาโล็ง พัน โดว อี แฮะ โนะ อู ซีนัม, แตห อึณ แบน ปี ดี หลู อี กอย กาฌูะ โฮม รึม. แคะ ตี มูห ปี หลู อาเอลีซามา อี มูห ฆอน อามีฮูด.

54 ซีแง อึณดา, อึณ บอ มูห อาฆามาเลน อี มูห ฆอน อาเปตาจูรัะ อี มูห ดา ตาง อี อึบ แคง ครึร อามานาเซ. อัน บอ หลู ปี ดี หลู อัน.

55 โกรว ปี หลู อัน ตี, อึณ บอ มูห อึณปาน รึอน อู โบ็ง. อึณ จัน อู มาย็อห ดี โอย ฆึร เซเคน อี มูห มอก ดีม คัน. เฆ บอ ซัะ รึอน ตี, ตา เบล ซัะ ปี อูน เฆ แคง โฮง โดง กรึบ เฆ เฌาพรา. อึณ บอ มูห บอ ซีลัยะ รึอน อู บลัะ, จัน อัน บู ฆึร เซเคน อี มูห มอก พัน คัน. อัน แฮะ ฮับ บอ กาแปะ อี แฮะ ฮอต กาวัร นามัน, แตห อึณ โนะ บอ อา โบ็ง, แตห อึณ แบน ปี หลู ดีฆาว แบน โมยว แบน โมยว. 56 อัน หลู บอ ลัะโฌว ครีว อู บลัะ. อึณ บอ จัน ฆึร เซเคน อี มูห มอก อู คัน. อัน แฮะ ฮับ อึณกรึห อูห หงูน อี แบน ปี ดี โดะ แคง เงา. 57 อัน บอ หลู บอ มามัก อาโล็ง อู โดว อี ซี ดีแตด, มาบู อาโล็ง อู โดว บอ ฆอน มาบู อู โดว อี แฮะ โนะ อู ซีนัม, แตห อึณ แบน ปี ดี หลู อี โดะ แคง เงา. 58 อัน บอ หลู บอ มาแป อาโล็ง อู โดว, แตห อึณ แบน ปี ดี หลู อี ฆ็อห แวน หมาบ. 59 อัน บอ หลู มามัก อา โดว, ฆอน มาบู อาโล็ง พัน โดว, มาแป อาโล็ง พัน โดว บอ ฆอน มาบู พัน โดว อี แฮะ โนะ อู ซีนัม, แตห อึณ แบน ปี หลู อี กอย กาฌูะ โฮม รึม. แคะ ตี มูห ปี ดี หลู อาฆามาเลน อี มูห ฆอน อาเปตาจูรัะ.

60 ซีแง อึณดีม, อึณ บอ มูห อาพีดาน อี มูห ฆอน อากีตอนี อี มูห ดา ตาง อี อึบ แคง ครึร อาเบนยาม. อัน บอ หลู ปี ดี หลู อัน.

61 โกรว ปี หลู อัน ตี, อึณ บอ มูห อึณปาน รึอน อู โบ็ง. อึณ จัน อู มาย็อห ดี โอย ฆึร เซเคน อี มูห มอก ดีม คัน. เฆ บอ ซัะ รึอน ตี, ตา เบล ซัะ ปี อูน เฆ แคง โฮง โดง กรึบ เฆ เฌาพรา. อึณ บอ มูห บอ ซีลัยะ รึอน อู บลัะ, จัน อัน บู ฆึร เซเคน อี มูห มอก พัน คัน. อัน แฮะ ฮับ บอ กาแปะ อี แฮะ กามอต ซีคยา, อี แฮะ ฮอต กาวัร นามัน, แตห อึณ โนะ บอ อา โบ็ง, แตห อึณ แบน ปี หลู ดีฆาว แบน โมยว แบน โมยว. 62 อัน หลู บอ ลัะโฌว ครีว อู บลัะ. อึณ บอ จัน ฆึร เซเคน อี มูห มอก อู คัน. อัน แฮะ ฮับ อึณกรึห อูห หงูน อี แบน ปี ดี โดะ แคง เงา. 63 อัน บอ หลู บอ มามัก อาโล็ง อี ซี ดีแตด อู โดว, มาบู อาโล็ง อู โดว บอ ฆอน มาบู อาโล็ง อู โดว อี แฮะ โนะ อู ซีนัม, แตห อึณ แบน ปี ดี หลู อี โดะ แคง เงา. 64 อัน บอ หลู บอ มาแป อาโล็ง อู โดว, แตห อึณ แบน ปี ดี หลู อี ฆ็อห แวน หมาบ. 65 อัน บอ หลู มามัก อาโล็ง อา โดว, มาบู อาโล็ง พัน โดว, มาแป อาโล็ง พัน โดว บอ ฆอน มาบู อาโล็ง พัน โดว อี แฮะ โนะ อู ซีนัม, แตห อึณ แบน ปี ดี หลู อี กอย กาฌูะ โฮม รึม. แคะ ตี มูห ปี หลู อาพีดาน อี มูห ฆอน อากีตอนี.

66 ซีแง ฆึร, อึณ บอ มูห อาเฮจา อี มูห ฆอน อามีซาเด อี มูห ดา ตาง อี อึบ แคง ครึร อาดาน. อัน บอ หลู ปี ดี หลู อัน.

67 โกรว ปี หลู อัน ตี, อึณ บอ มูห อึณปาน รึอน อู โบ็ง. อึณ จัน อู มาย็อห ดี โอย ฆึร เซเคน อี มูห มอก ดีม คัน. เฆ บอ ซัะ รึอน ตี, ตา เบล ซัะ ปี อูน เฆ แคง โฮง โดง กรึบ เฆ เฌาพรา. อึณ บอ มูห บอ ซีลัยะ รึอน อู บลัะ, จัน อัน บู ฆึร เซเคน อี มูห มอก พัน คัน. อัน แฮะ ฮับ บอ กาแปะ อี แฮะ กามอต ซีคยา, อี แฮะ ฮอต กาวัร นามัน, แตห อึณ โนะ บอ อา โบ็ง, แตห อึณ แบน ปี หลู ดีฆาว แบน โมยว แบน โมยว. 68 อัน หลู บอ ลัะโฌว ครีว อู บลัะ. อึณ บอ จัน ฆึร เซเคน อี มูห มอก อู คัน. อัน แฮะ ฮับ อึณกรึห อูห หงูน อี แบน ปี ดี โดะ แคง เงา. 69 อัน บอ หลู บอ มามัก อาโล็ง อี ซี ดีแตด อู โดว, มาบู อาโล็ง อู โดว บอ ฆอน มาบู อาโล็ง อู โดว อี แฮะ โนะ อู ซีนัม, แตห อึณ แบน ปี ดี หลู อี โดะ แคง เงา. 70 อัน บอ หลู บอ มาแป อาโล็ง อู โดว, แตห อึณ แบน ปี ดี หลู อี ฆ็อห แวน หมาบ. 71 อัน บอ หลู มามัก อาโล็ง อา โดว, มาบู อาโล็ง พัน โดว, มาแป อาโล็ง พัน โดว บอ ฆอน มาบู อาโล็ง พัน โดว อี แฮะ โนะ อู ซีนัม, แตห อึณ แบน ปี ดี หลู อี กอย กาฌูะ โฮม รึม. แคะ ตี มูห ปี ดี หลู อาเฮจา อี มูห ฆอน อามีซาเด.

72 ซีแง ฆึร ดี เหลห, อึณ บอ มูห อาบาเฆลา อี มูห ฆอน อาออคารา อี มูห ดา ตาง อี อึบ แคง ครึร อาเซน. อัน บอ หลู ปี ดี หลู อัน.

73 โกรว ปี หลู อัน ตี, อึณ บอ มูห อึณปาน รึอน อู โบ็ง. อึณ จัน อู มาย็อห ดี โอย ฆึร เซเคน อี มูห มอก ดีม คัน. เฆ บอ ซัะ รึอน ตี, ตา เบล ซัะ ปี อูน เฆ แคง โฮง โดง กรึบ เฆ เฌาพรา. อึณ บอ มูห บอ ซีลัยะ รึอน อู บลัะ. จัน อัน บู ฆึร เซเคน อี มูห มอก พัน คัน. อัน แฮะ ฮับ บอ กาแปะ อี แฮะ กามอต ซีคยา, อี แฮะ ฮอต กาวัร นามัน, แตห อึณ โนะ บอ อา โบ็ง, แตห อึณ แบน ปี หลู ดีฆาว แบน โมยว แบน โมยว. 74 อัน หลู บอ ลัะโฌว ครีว อู บลัะ. อึณ บอ จัน ฆึร เซเคน อี มูห มอก อู คัน. อัน แฮะ ฮับ อึณกรึห อูห หงูน อี แบน ปี ดี โดะ แคง เงา. 75 อัน บอ หลู บอ มามัก อาโล็ง อี ซี ดีแตด อู โดว, มาบู อาโล็ง อู โดว บอ ฆอน มาบู อู โดว อี แฮะ โนะ อู ซีนัม, แตห อึณ แบน ปี ดี หลู อี โดะ แคง เงา. 76 อัน บอ หลู บอ มาแป อาโล็ง อู โดว, แตห อึณ แบน ปี ดี หลู อี ฆ็อห แวน หมาบ. 77 อัน บอ หลู มามัก อา โดว, ฆอน มาบู อาโล็ง พัน โดว, มาแป อาโล็ง พัน โดว บอ ฆอน มาบู พัน โดว อี แฮะ โนะ อู ซีนัม, แตห อึณ แบน ปี หลู อี กอย กาฌูะ โฮม รึม. แคะ ตี มูห ปี ดี หลู อาบาเฆลา อี มูห ฆอน อาออคารา.

78 ซีแง ฆึร ดี ฮาอา, อึณ บอ มูห อาฮีรัะ อี มูห ฆอน อาเอนัน อี มูห ดา ตาง อี อึบ แคง ครึร อานาบทาลี. อัน บอ หลู ปี ดี หลู อัน.

79 โกรว ปี หลู อัน ตี, อึณ บอ มูห อึณปาน รึอน อู โบ็ง. อึณ บอ จัน อู มาย็อห ดี โอย ฆึร เซเคน อี มูห มอก ดีม คัน. เฆ บอ ซัะ รึอน ตี, ตา เบล ซัะ ปี อูน เฆ แคง โฮง โดง กรึบ เฆ เฌาพรา. อึณ บอ มูห บอ ซีลัยะ รึอน อู บลัะ. จัน อัน บู ฆึร เซเคน อี มูห มอก พัน คัน. อัน แฮะ ฮับ บอ กาแปะ อี แฮะ กามอต ซีคยา, อี แฮะ ฮอต กาวัร นามัน, แตห อึณ โนะ บอ อา โบ็ง, แตห อึณ แบน ปี หลู ดีฆาว แบน โมยว แบน โมยว. 80 อัน หลู บอ ลัะโฌว ครีว อู บลัะ. อึณ บอ จัน ฆึร เซเคน อี มูห มอก อู คัน. อัน แฮะ ฮับ อึณกรึห อูห หงูน อี แบน ปี ดี โดะ แคง เงา. 81 อัน บอ หลู บอ มามัก อาโล็ง อี ซี ดีแตด อู โดว, มาบู อาโล็ง อู โดว บอ ฆอน มาบู อาโล็ง อู โดว อี แฮะ โนะ อู ซีนัม, แตห อึณ แบน ปี ดี หลู อี โดะ แคง เงา. 82 อัน บอ หลู บอ มาแป อาโล็ง อู โดว, แตห อึณ แบน ปี ดี หลู อี ฆ็อห แวน หมาบ. 83 อัน บอ หลู มามัก อาโล็ง อา โดว, มาบู อาโล็ง พัน โดว, มาแป อาโล็ง พัน โดว บอ ฆอน มาบู อาโล็ง พัน โดว อี แฮะ โนะ อู ซีนัม, แตห อึณ แบน ปี หลู อี กอย กาฌูะ โฮม รึม. แคะ ตี มูห ปี ดี หลู อาฮีรัะ อี มูห ฆอน อาเอนัน.

84 ปาย ตี แคะ กอย เฆ อี มูห ดา ตาง อี อึบ เฆ ดูอี อีซาเรลัะ ฆึร ดี อา วี ตี, เฆ บอ ตัห หลู ปี ดี หลู เฆ ตี, แตห เฆ โบง บลอย หลู เฆ กาโช็ง หลู ตึอน. แคะ กอย โกรว ปี ตา หลู เฆ บอกาเฆลียด, อึณ บอ มึห อึณปาน รึอน ฆึร ดี อา โบ็ง. ซีลัยะ รึอน ฆึร ดี อา บลัะ บอ ลัะโฌว ครีว ฆึร ดี อา บลัะ. 85 อึณปาน รึอน ดอน โบ็ง, อึณ บอ จัห อู มาย็อห ดี โอย ฆึร เซเคน อี มูห มอก ดีม คัน. ซีลัยะ รึอน ดอน บลัะ, อึณ บอ จัน บู ฆึร เซเคน อี มูห มอก พัน คัน. อึณปาน เฆ ซีลัยะ ตี บอกาเฆลียด บอ จัน อา แหรณ ดี พวน มาย็อห เซเคน อี มูห มอก ฆึร ดี ดา ซัะ. เฆ มืร แฮะ ซัะ รึอน ตี, ตา เบล ซัะ ปี อูน เฆ แคง โฮง โคบ โดง กรึบ เฆ เฌาพรา. 86 ลัะโฌว ครีว แปะ แฮะ ฮับ เฆ อึณกรึห อูห หงูน ตึอน, ดอน บลัะ, อึณ บอ จัน ฆึร เซเคน อี มูห มอก อู คัน. เฆ แฮะ ซัะ ครีว ตี, ตา เบล ซัะ ปี อูน เฆ แคง โฮง โดง กรึบ เฆ เฌาพรา. ลัะโฌว ตี บอกาเฆลียด, อึณ บอ จัน อู มาย็อห ดี อา ฆึร เซเคน อี มูห มอก ดีม คัน. 87 โดว ซัดดาวา บอกาเฆลียด แปะ แฮะ หลู เฆ แตห อึณ แบน ปี หลู อี โดะ แคง เงา, อึณ บอ มูห มัก อาโล็ง อี ซี ดีแตด ฆึร ดี อา โดว, มาบู อาโล็ง ฆึร ดี อา โดว, ฆอน มาบู อี แฮะ โนะ อู ซีนัม ฆึร ดี อา โดว. เฆ บอ หลู บอ ดีฆาว แบน โมยว แบน โมยว โดบ โดว ซัด เฆ ตี. เฆ บอ หลู บอ มาแป อาโล็ง, แตห อึณ แบน ปี หลู อี ฆ็อห แวน หมาบ. 88 โดว ซัดดาวา บอกาเฆลียด แปะ แฮะ หลู เฆ แตห อึณ แบน ปี ดี หลู อี กอย กาฌูะ โฮม รึม, อึณ บอ มูห มัก อาโล็ง อา ฆึร ดี พวน โดว, มาบู อาโล็ง เดา ฆึร โดว, มาแป อาโล็ง เดา ฆึร โดว, บอ ฆอน มาบู อี แฮะ โนะ อู ซีนัม เดา ฆึร โดว. แคะ ตี เฆ แฮะ หลู ดอ โบง เฆ บลอย หลู กาโช็ง หลู ตี.

89 วาย อัน ตี อาโมวแซ บอ ลึบ แคง ทึบ บีก บอด อี มูห โดง ลาย กาตูณ เฌาพรา ฆาย ดูอี. ดอ ฮาว อัน โดง ตี, แตห อัน กาลาง โฆรห ดี เฌาพรา, อัน บอ ยึร โฆรห อี เลห ตัห นา กาแต ราง อามู อามาด เฌาพรา อี จืร เครูบ อี กอย แดง ซีบลึก ฌีดืก ตึอน. เฌาพรา บอ กาลาง โฆรห ดี อัน. ดี กาแต ราง อามู อามาด เฌาพรา อี กอย แดง ซีบลึก ฌีดืก ตี, อึณ บอ มูห โดง กอย เฌาพรา, โดง ปี บยัะ เฌาพรา ลอง กาเว อัน ดูอี.