1 เซ อึณ มึห ดูอี อี ซี หลู ดีฆาว แบน โมยว แบน โมยว ดี เฌาพรา, อัน โลว ดึห กาแปะ อี แฮะ กามอต ซีคยา. อัน บอ โลว ฮูห นามัน, วี ฮับ บอ กาณัน เลโบน นา แดง กาแปะ ตี. 2 อัน โลว วี ดึห ตัห ดัว ดี เฆ ฆอน อาโรน อี มูห ดา อี หลู ดี เฌาพรา. ดา อี หลู ดี เฌาพรา อี ดี โลว หลู ตี, อัน โลว ดึห กาแปะ อี แฮะ ฮอต กาวัร นามัน ตี อาดา อู กาตึง แด อัน. อัน โลว ดึห บอ กาณัน เลโบน บอ โตต, วี โดะ แคง เงา แดง กาโช็ง หลู. อึณ บอ แบน ปี หลู อี โดะ ดี เงา อี แตห เฌาพรา โหลห ดูอี อี หลู ตี. อูห หงูน อัน บอ ล็อะ น็อห เฌาพรา. 3 กาแปะ ปี หลู อัน อี ซี ฆีด ตึอน แฮะ วี แบน โกรว เฆ ดา อี หลู ดี เฌาพรา. อึณ บอ แบน โกรว อี บอด กาเซา. โคว, อึณ มูห อี แฮะ กาย็อห เลห ดี ปี หลู ดี เฌาพรา อี แฮะ โดะ ดี เงา.

4 เซ อึณ มึห อี ซี หลู คามูน อี แฮะ ฮอต ฆึม แคง กาฟาง, อัน โลว ดึห กาแปะ อี แฮะ กามอต ซีคยา, วี กาวัร นามัน, ยี ตู ฮับ ซีนัม บรัห, โลว โบง คามูน อี ดีพลัะ. เซ อาว ปาย ตี มืร, แตห อัน โบง คามูน อี แครม. 5 เซ อึณ มึห อี ซี หลู คามูน อี แฮะ โคว แดง ดีพลัะ ฮีน, อัน โลว ดึห กาแปะ เคาคยูง อี แฮะ กามอต ซีคยา, กาวัร นามัน, ยี ตู ฮับ ซีนัม บรัห, โคว แบน คามูน. 6 อัน โลว กาบัด คามูน ตี, วี ฮูห นามัน นา แดง บอ หลู, แตห อึณ แบน ปี ดี หลู กาแปะ อู โมยว.

7 เซ อึณ มึห ดูอี อี ซี หลู คามูน อี โคว แคง กาโละ มาคาง, แตห อัน ดึห กาแปะ อี แฮะ กามอต ซีคยา, วี กาวัร นามัน. 8 เซ เบ หลู ดีฆาว แบน โมยว แบน โมยว, ดีฆาว โมยว เหมา อาว ต็อห, แตห เบ ดึห ตัห ดี อาต เฌาพรา, ดัว ปี ดี หลู ฌึร ตี ดี ดา อี หลู ดี เฌาพรา, แตห อัน ดึห ฮาว ดี กาโช็ง หลู. 9 ดา อี หลู ดี เฌาพรา โลว ดึห อาดา อู บูน อี ดี แตห เฌาพรา โหลห ดูอี อี หลู ตี, วี โดะ แคง เงา แดง กาโช็ง หลู, แตห อึณ แบน ปี หลู อี โดะ ดี เงา, แตห อูห หงูน อัน ล็อะ น็อห เฌาพรา. 10 ปี หลู อี ซี ฆีด ซี กอย ตึอน, แฮะ แบน โตต โกรว เฆ ดา อี หลู ดี เฌาพรา. อึณ แฮะ แบน อี บอด กาเซา. โคว, อึณ มูห อี แฮะ กาย็อห เลห แคง ปี หลู ดี เฌาพรา อี แฮะ โดะ ดี เงา.

11 ปี หลู เบ ดี เฌาพรา ตี, อี มูห ปี หลู ดีฆาว แบน โมยว แบน โมยว, อาว โลว ฮับ ซีนัม บรัห. โคว, อาว โลว ฮับ ซีนัม บรัห แคง ปี หลู ดอน โมยว อี โดะ ดี เงา. งาม มาเพียน มืร, อาว ปึอน ฮับ แคง ปี หลู อี โดะ ดี เงา. 12 เซ เบ ซี หลู ซีนัม บรัห บอ งาม มาเพียน, แตห อึณ แบน ปี ดี หลู อี มูห เบล ดัง อี เบล ดี อาต. มาแล, อาว ปึอน ฮับ แคง ปี หลู อี โดะ ดี เงา แดง กาโช็ง หลู, เซ อึณ โลว แบน อี อูห หงูน ดี เฌาพรา, แตห อึณ ล็อะ น็อห เฌาพรา. 13 ดีฆาว แบน โมยว แบน โมยว ปี หลู เบ ตี โลว ฮับ ซัยะ เซเซ. โคว, ซัยะ อึณ บอ บยัะ กาดีก ซัดฌา ปี ดัว เฌาพรา ดี ดูอี แฮะ กอย เซเซ. โกบ อึณ ปาย ตี แคะ กอย ปี ดี หลู บอกาเฆลียด โลว ฮับ ซัยะ เซเซ.

14 เซ เบ ดึห เบล อู โมยว อี มูห เบล ดัง, หลู ดี เฌาพรา, เบ โลว ดึห โหงว อี ซี เงียน, บอ โคว ดี เงา. แฮะ ฮอต, เบ โลว วี กรีด. เซ เบ ตู กรีด, โลว ดูห, แตห อึณ แบน กาแปะ, วี ปึอน หลู. 15 เบ โลว ฮับ นามัน, ฮับ บอ กาณัน เลโบน นา แดง. ปาย ตี อึณ แฮะ แบน ปี ดี หลู ดีฆาว อู โมยว. 16 ดา อี หลู ดี เฌาพรา ดี บอ ดึห กาแปะ บอ นามัน อาดา อู บูน บอ กาณัน เลโบน บอ โตต, วี โดะ แคง เงา, แตห อึณ แตห เฌาพรา โหลห ดูอี อี หลู ตี.