1 วาย อัน ตี เฆ วี ด็อะ ครึง ปี ตา เฆ ดูอี อี หลู ดี เฌาพรา. เฆ ดึห เซณ อี คอง, อี ฆูย คอน บอ อี เรณ แฆ, โบง ครึง ตี. เฆ ดูอี อี หลู ดี เฌาพรา ชึบ ครึง ตี ดอ โบง เฆ ฆาน เฌาพรา แคง ทึบ บีก บอด ตึอน. เฆ บอ โบง ครึง บอด แตห อาโรน ชึบ, แตห อึณ ปี ปี ดึอม กาลาง เฌาพรา ดี อาโมวแซ.

2 เฆ ดึห บอ ครีว บอ เซณ อี คอง, อี ฆูย คอน, อี เรณ แฆ บอ กาตัม ลูย ปี บัด แบน เซณ บัด. เฆ ดึห โกรว ตี, โบง ซีโตว เอโพด. 3 เฆ จึม ครีว แตห อึณ แบน บลัะ ดีเหรว. แฮะ ฮอต, เฆ วี กับ แตห อึณ แบน วัน ดีแตด, แตห เฆ วี ด็อะ แคง ครึง ตึอน อี มูห ครึง อี คอง, อี ฆูย คอน บอ อี เรณ แฆ. 4 เฆ บอ โบง บีก อี กอย ดี ยัะ อี มูห บีก อี กาดึก บลาก นา อาต เฆ บลาก นา ปัน ดี ซีโตว เอโพด ตึอน, จีณ ดี กาโตะ นา แดง อา กาโตะ, แตห อึณ แบน ซีโตว ฮอย ดีกรัห. 5 เฆ บอ ด็อะ ซีบรอด ชีด, อี ปัก ดี ณอย, แตห บอ อัน บอ ซีโตว เอโพด แบน อู โบ็ง. บอ ซีบรอด ตี, เฆ โบง ปี ซีโตว เอโพด, ตา เซณ ครีว, เซณ อี คอง, อี ฆูย คอน, อี เรณ แฆ บอ กาตัม ลูย ปี บัด เฆ แตห อึณ แบน เซณ บัด. เฆ วี โบง โตต ฌึร ตี, แตห อึณ ปี ปี บยัะ เฌาพรา ดี อาโมวแซ.

6 เฆ วี เบลห แซณ ว็อง ลูย อา โบ็ง แคง กาง แซณ อี มูห ครีว ปี ดอก เฆ แบน โบห. เฆ บอ แดม จืร เฆ ฆอน อีมาย อาโกบ นา แดง แซณ ตี, แตห อึณ ปี ฌึม เฆ. 7 แฮะ ฮอต, เฆ วี ดึก แซณ บอ กาง อัน ตี แดง ยัะ ซีโตว เอโพด ตึอน, แตห เฌาพรา โหลห เฆ ดูอี อีซาเรลัะ ฆึร ดี อา ครึร. เฆ โบง โตต ฌึร ตี, โดบ ซีคยา ปี ดึอม กาลาง เฌาพรา ดี อาโมวแซ. 8 วาย อัน ตี เฆ บอ โบง ฮู ปี ดึก อาโรน ดี บังน็อห อัน. บอ อาตี มูห ฆาน ดูอี อี แหลว ดี โบง ดอน โมยว. เฆ วี โบง ฮู ตี, แตห อึณ ปี ปี โบง เฆ ซีโตว เอโพด ตึอน. เฆ วี ดึห ครีว บอ เซณ อี คอง, อี ฆูย คอน, อี เรณ แฆ. เฆ ดึห บอ กาตัม ลูย ปี บัด เฆ แบน เซณ บัด. 9 ฮู ตี แบน พวน ซีนา กาลัง. บอ นา โต็ง นา เตียม อัน แบน อู กาซาน. เฆ โบง แตห อึณ ปึอน ดี บลัห, แบน อา ทาบ. 10 บลาก นา แดง ฮู ตี, เฆ วี เบลห แซณ พวน อึณแปรง. อึณแปรง เหลห, อึณ มูห แซณ เรณ เดณ, แซณ เดณ บลาง บอ แซณ เรณ. 11 อึณแปรง ฮาอา อัน มูห แซณ เงียน คอง, แซณ เงียน เบลณ บอ แซณ เรณ ว็อง. 12 อึณแปรง ฮาโอย อึณ มูห แซณ มาบรีว, แซณ ปัยะ บอ แซณ ฆูย คอน. 13 อึณแปรง อึณพวน, อึณ มูห แซณ เงียน ว็อง, แซณ ว็อง ลูย บอ แซณ เงียน เดณ ดีปูน. แซณ เฆ ตี, บอกาเฆลียด มึห กาง ครีว ปี ดอก เฆ โบห. 14 แซณ ฆึร ดี อา โบ็ง ตี, เฆ มึห จืร เฆ ครึร อีซาเรลัะ บอ ฆึร ดี อา ครึร. แซณ อู โบ็ง มึห ดี แดม จืร ครึร เฆ ดูอี อีซาเรลัะ อู ครึร.

15 วาย อัน ตี เฆ วี โบง วัน ครีว บอด, แตห เฆ ดึก ดี ฮู ปี โลว ดึก ดี บังน็อห. 16 เฆ วี ดึห ครีว, โบง กาง แซณ อา กาง บอ ควัง อา ควัง. ควัง ตี เฆ ดึก ดี กาโตะ ฮู. 17 แฮะ ฮอต, เฆ วี ดึห วัน ครีว บอ อา ณ็อง, ดึก ดัง อัน ดี ควัง อา ควัง ตี. 18 กาแดะ วัน ครีว เฆ วี ดึก ดี กาง แซณ อี กอย ดี ยัะ ซีโตว เอโพด, แตห อึณ กอย บลาก นา อาต. 19 วาย อัน ตี เฆ วี ดึห ครีว โบง ควัง อา ควัง, ดึก ดี กาโตะ ฮู บลาก นา เตต, แตห อัน กอย บลาก นา ปัน ฮู บอ กอย กาตัด ซีโตว เอโพด ตึอน. 20 เฆ โบง ควัง ครีว บอ อา ควัง, ดึก ดี ซีโตว เอโพด, แตห อัน กอย บลาก นา อาต, กอย กาตัด ซีบรอด อี ปัก ดี ณอย, อี กอย ดี ซีโตว เอโพด. 21 วาย อัน ตี เฆ วี โบง วัน บีก อี คอง, แตห เฆ ปัก อัน ดี ควัง อี ดึก ดี ฮู ฆาย ควัง อี ดึก ดี ซีโตว เอโพด ตึอน, แกวะ แตห ฮู รัห. เฆ โบง โตต ฌึร ตี, วี โดบ ซีคยา ปี ดึอม กาลาง เฌาพรา ดี อาโมวแซ.

22 วาย อัน ตี เฆ ดึห เซณ อี คอง, โบง ซีโตว ตือะ อี ชึบ นา แคง ซีโตว เอโพด ตึอน. 23 ดี กาแต อัน เฆ วี แฆวะ แมง อัน. วาย อัน ตี เฆ วี โบง ปราง, วี จีณ ดี แมง อัน, แกวะ แตห อัน กายาต ลึร. 24 เฆ บอ โบง ราง เบล มาจัก, ตา เซณ อี คอง, อี ฆูย คอน, อี เรณ แฆ บอ กาตัม ลูย ปี บัด เฆ โบง เซณ บัด. ราง เฆ ตี, เฆ วี ดึก ดี โบรว ซีโตว ตือะ. 25 วาย อัน ตี เฆ บอ โบง ฮีง, ตา ครีว บอด, วี ดึก ดี กาแต ราง เบล มาจัก อี กอย โรบ ดี โบรว ซีโตว ตึอน.

26 บอ ราง เบล มาจัก เฆ ฮีง ครีว เฆ ลาย กาคัน, กอย ดี โบรว ซีโตว. อึณ มูห ซีโตว ปี ชึบ อาโรน ดอ โบง อัน ฆาน เฌาพรา. เฆ โบง ซีโตว ตี, โดบ ซีคยา ปี ดึอม กาลาง เฌาพรา ดี อาโมวแซ. 27 เฆ โบง ซีโตว ตูน อาดา อาโรน บอ ซีโตว ตูน อาดา ฆอน อีมาย อาโรน, ตา กาตัม ลูย. 28 เฆ บอ โบง กาแมะ บอ ซีลา บัวะ, ตา กาตัม ลูย ปี บัด เฆ แบน เซณ บัด. 29 บอ ซาบรอด เฆ โบง ตา บีก กาตัม ลูย บอ เซณ อี คอง, อี ฆูย คอน บอ อี เรณ แฆ. ดูอี โบง ซาบรอด ตี มูห ดูอี อี แหลว ดี จีณ โบห เฆ ปัยะ. เฆ วี โบง โตต แตห อึณ ปี ปี กาลาง เฌาพรา ดี อาโมวแซ.

30 เฆ วี โบง บลัะ ครีว ปี ปัก อาโรน ดี กาต็อห อัน. เฆ วี ดอก นา แดง แตห อึณ เลห โดว แปะ, แตห อึณ ปี ฌึม. ปัยะ ปี แดม เฆ ตี, อึณ ต็อห, “แฮะ บอด มี อาดา เฌาพรา.” 31 วาย อัน ตี เฆ วี ดึห วัน อี คอง, ดึก ดี บลัะ ครีว บอด ตี, แตห เฆ ปึอน ดี ปัก นา เรต กาแมะ ตึอน, แตห อึณ ปี ปี ดึอม กาลาง เฌาพรา ดี อาโมวแซ.

32 ปัน ตี เฆ ดูอี แฮะ ฮอต โบง โตต ดอน โมยว ปี โลว โบง เฆ, แตห อึณ แบน ทึบ บีก บอด อี มูห โดง กอย เฌาพรา. เฆ แฮะ โบง โตต ดอน โมยว, โดบ ซีคยา ปี กาลาง เฌาพรา ดี อาโมวแซ, แตห อึณ กอ ฮอต. 33 วาย อัน ตี เฆ ดูอี วี อาบ ทึบ บีก บอด ตึอน ดี อาโมวแซ. เฆ ดึห บอ ทึบ บีก, บอ อาฌัะ ปี โลว ตา ดูอี แคง ทึบ บีก ตึอน, ดัว ดี อัน. อึณ บอ มูห มัง กาเกียบ, แบน, แรบ อี ปลอะ แคง ควัง ปี ดึก ดี แบน บอ ร็อง เฆ เจณ ร็อง. 34 อึณ มูห บอ ฮูน มาบู อี แบน กาตูะ ปี จูด เฆ ซีนัม เรณ, บอ ฮูน มามัก อึม, บอ บีก ฆ็อง อี กอย ดี อาต ฌีดืก, 35 บอ ฌีดืก อี แตห อี นับ ลอง เฌาพรา บอ มัง ฆอด ฌีดืก บอ ซีบลึก แดง ฌีดืก อี มูห โดง ปี กาตูณ เฌาพรา ดี ดูอี. 36 อึณ มูห บอ กาโช็ง ปี เบลห เฆ คามูน บอ โกรวกราม อี กอย แดง กาโช็ง ตึอน บอ คามูน ปี อูน ดูอี ดี อาต เฌาพรา นา แดง กาโช็ง ตึอน 37 บอ ดัง เงา ออม อี มึห รา บู รา, อี มูห ครีว บอด บอ โดง ดี เบลห เงา ออม อี กอย แดง รา อัน ตึอน บอ โกรว แบน โมยว แบน โมยว ปี ตา เฆ ดอ ลึมลา เฆ ดัง เงา ออม บอ นามัน ปี โลว ฮับ เฆ แคง เงา ออม. 38 อึณ มูห บอ กาโช็ง ครีว บอ นามัน ปี ดี พ็อห บอ ซีนัม อูห หงูน ปี ปีด็อะ เงา บอ บีก ฆ็อง นา อาต มาโลห ทึบ บีก ตึอน. 39 อึณ มูห บอ กาโช็ง หลู ปี โบง เฆ ตา บ็อง บอ กาแบห บ็อง ปี ฮับ เฆ แคง กาโช็ง ตึอน บอ มัง ฆอด บอ อาฌัะ ปี ตา เฆ ดอ หลู เฆ, บอ อึณปาน ตาง ปี ฮับ อึม, บอ เจณ อึณปาน ตึอน. 40 อึณ มูห บอ บีก ฆ็อง ปี เบลห เฆ ดี โคบ แวง บอ ร็อง อัน บอ เจณ ร็อง ตี บอ บีก ฆ็อง อี กอย ดี อาต มาโลห แวง บอ วัน ทึบ เฆ หล็อก วัน ปี ตา เฆ ดี แรง แวง บอ โกรวกราม ดอน โมยว ปี เบลห เฆ แคง ทึบ บีก บอด ตึอน. 41 อึณ มูห บอ ครึง ปี ด็อะ เฆ, แตห เฆ ดูอี หลู ดี เฌาพรา ชึบ ดอ ลึบ เฆ แคง ทึบ บีก บอด, โบง ฆาน เฌาพรา. อึณ มูห บอ ครึง ปี ชึบ อาโรน บอ ครึง ปี ชึบ ฆอน อาโรน ดอ หลู เฆ ดี เฌาพรา.

42 ปาย ตี เฆ ดูอี อีซาเรลัะ แฮะ ฮอต โบง โตต ดอน โมยว, แตห อึณ ปี ปี กาลาง เฌาพรา ดี อาโมวแซ ตึอน. 43 อาโมวแซ วี ยอด ซีคยา แปะ แฮะ โบง เฆ. อัน บอ ยึร โตต. อึณ แฮะ มูห แฮะ หมาน. เฆ แฮะ โดบ โบง โตต ดอน โมยว, แตห อึณ ปี ปี ดึอม กาลาง เฌาพรา ดี อัน. แฮะ ฮอต, อาโมวแซ วี ม็องการา แตห ดี เฆ ดูอี อี โบง ฆาน ตึอน.