1 อาเบฌาเลน โบง ฌีดืก ตา เฮ กาทีน. นา โต็ง อัน อา กานีห ดี อู กาซาน, นา กาว็อห อัน อู กานีห ดี อู กาซาน บอ นา จา อัน อู กานีห ดี อู กาซาน. 2 ฌีดืก ตี อัน วี ปีด ครีว บอด, บอ นา เรต นา แคง. อัน บอ ดึห ครีว โบง บาง อี โรบ ฌีดืก. 3 อัน บอ โบง ควัง ครีว พวน ควัง, ดึก ดี เจณ อัน บอ พวน เจณ, แตห อึณ กอย อู บลาก อา ควัง. 4 แฮะ ฮอต, อัน ดึห เฮ กาทีน, โบง บอ มัง ฆอด, วี ปีด ครีว. 5 มัง ฆอด ตี, อัน วี ปลอะ, แตห อึณ เชียบ ฮาว แคง ควัง ตึอน, แตห เฆ ปึอน ดี ฆอด ฌีดืก.

6 วาย อัน ตี อัน วี โบง ซีบลึก กาบีด ฌีดืก, ตา ครีว บอด ดีโลย. นา โต็ง วี มูห อา กานีห ดี อู กาซาน บอ นา กาว็อห อัน อู กานีห ดี อู กาซาน. 7 แฮะ ฮอต, อัน วี ดอก ครีว, โบง ราง อามู อามาด เฌาพรา อี มึห เพียง บอ อา กาดัง, แตห ฆาย กอย นา แดง ซีบลึก. 8 อัน เบลห นา แดง ซีบลึก ดี โคบ อัน, อู โคบ อู กาดัง. บอ ราง อามู อามาด เฌาพรา บอ ซีบลึก, อัน โบง แตห อึณ แบน อู ซีะ, แกวะ แตห อึณ กาดึก. 9 ราง อามู อามาด เฌาพรา บอ อา กาดัง, ฆาย โจะ เพียง ฆาย โซ็ง นา อาต, แตห เพียง วี กอย นา แดง ซีบลึก. ฆาย วี ลาย มางัห, มูด ยอด ซีบลึก.

10 วาย อัน ตี เฆ บอ โบง กาโช็ง อู โบ็ง. เฆ โบง ตา เฮ กาทีน. นา โต็ง อัน อา กานีห, นา กาว็อห อัน อู กานีห, นา จา อัน อู กานีห ดี อู กาซาน. 11 เฆ วี ปีด ครีว บอด ดี กาโช็ง ตี. เฆ บอ โบง บาง กาโช็ง ตี, วี ตา ครีว. 12 แฮะ ฮอต, เฆ โบง บาง อัน ปอ อู บาง, แตห นา เตียม อัน อู กาบา แด, วี ดึห ครีว ดึก ดี โคบ บาง ตี, แตห อึณ โรบ กาโช็ง. 13 วาย อัน ตี เฆ โบง ควัง ครีว พวน ควัง. แฮะ ฮอต, เฆ วี ดึก ดี เจณ กาโช็ง ตึอน, แตห เฆ กอย บอ พวน กาโตะ. 14 เฆ ดึก ควัง ตี นา ครึม บาง อัน, แตห เฆ ปึอน ดี ปลอะ มัง ฆอด แคง ควัง, แตห เฆ ปึอน ดี ฆอด บอ กาโช็ง ตี. 15 เฆ วี โบง มัง ฆอด อัน, ตา เฮ กาทีน, ปีด ครีว. 16 เฆ บอ ดึห ครีว โบง ซีลัยะ บอ พาน, กาเปา บอ อึณปาน ปี โลว ตา เฆ ดอ หลู เฆ ดี กาโช็ง ตี.

17 วาย อัน ตี เฆ บอ โบง ดัง เงา ออม อู โบ็ง. เฆ วี ตา ครีว บอด, ดอก แตห อัน แบน บอ ดัง บอ แฆน อัน บอ ราง โบห บอ โบห ดึม บอ โบห บรัห. เฆ บอ โบง โตต ดอน โมยว แตห อึณ แบน อู ซีะ, แกวะ แตห อึณ กาดึก. 18 ดัง เงา ออม ตี มึห รา เดา รา อี เลห แคง แฆน อัน, อู บลาก โอย รา. 19 รา อัน อู รา, เฆ วี โบง อารึบ โบห โอย โบห. เฆ ปี โบห ซาเคด. โบห ตึอน ดอน โปละ อัน มึห บอ โบห ดึม บอ โบห บรัห. เฆ โบง แตห บอ เดา รา การัม. 20 ดี แฆน ดัง เงา ออม ตึอน เฆ ยี โบง ราง ปี โบห ซาเคด พวน โบห, บอ โบห ดึม บอ โบห บรัห. 21-22 เฆ เบลห โบห ตี นา ครึม รา อัน โอย ฆู, อู ฆู อู โบห. อึณ แบน รา อัน เดา รา. บอ แฆน เฆ รา ตี บอ โบห, เฆ แฮะ โบง แตห อึณ แบน อู ซีะ, ดอก ครีว บอด, แกวะ แตห อึณ กาดึก มาเซ.

23 แฮะ ฮอต, เฆ บอ โบง โดง ดี เบลห เงา อี กอย นา แดง แฆน เฆ รา ดี ดัง เงา ออม ตี. อึณ มึห โดง ดี เบลห เงา ออม บู โบ็ง. เฆ บอ โบง อึณเกียบ บอ อึณปาน ปี อูน ดูอี อาฌัะ ตึอน, เฆ โบง โตต ดอน โมยว, ตา ครีว บอด. 24 บอ ดัง เงา ออม บอ อาฌัะ ปี ตา เฆ ดอ ลึมลา เฆ ดัง เงา ออม ตึอน, เฆ โบง โตต ดอน โมยว ตา ครีว บอด อาดา อู ทาเลน.^a

25 วาย อัน ตี เฆ วี โบง กาโช็ง หลู ซีนัม อูห หงูน ดี เฌาพรา. เฆ วี ตา เฮ กาทีน, โบง กาโช็ง ตี, นา โต็ง อู กานีห, นา กาว็อห อู กานีห, แตห อัน มึห พวน บลาก กาลัง. เฆ บอ โบง นา จา อัน อา กานีห. โดง กาโตต บัต อี กอย ดี กาโตะ กาโช็ง ตึอน, บอ กาโช็ง, เฆ วี โบง แตห อึณ แบน อู ซีะ. 26 เฆ ปีด ครีว บอด บอ บลาก นา แดง, นา เรต พวน บลาก อัน ตึอน บอ โดง กาโตต บัต อัน ตึอน. ปัน ตี เฆ โบง บาง ครีว เบลห โรบ กาโช็ง ตึอน. 27 เฆ วี โบง ควัง ครีว บอ อา บลาก อา โบ็ง, แตห ฆาย ลาย กาซืร, วี ดึก นา ครึม บาง อัน, แตห เฆ ปึอน ดี ปลอะ มัง ฆอด, แตห เฆ ปึอน ดี ฆอด กาโช็ง ตี. 28 บอ มัง ฆอด อัน เฆ โบง ตา เฮ กาทีน, วี ปีด ครีว.

29 วาย อัน ตี เฆ วี โบง นามัน บอด ปี โลว พ็อห. แฮะ ฮอต, เฆ โบง บอ ซีนัม อูห หงูน ปี โลว โดะ แคง เงา. ดูอี แหลว ดี โบง ซีนัม อูห หงูน, อัน แฮะ โบง บอ ซีนัม ตี.