1 เฌาพรา วี กาลาง ดี อาโมวแซ ดอ กอย อัน แดง นอน. อัน ต็อห, “อานี แม โลว โบง แตห อาโรน เฆ ฆอน อัน แบน ดูอี หลู ดี โอว บอ แตห เฆ แบน ดูอี อี ซีงา บอด, แตห เฆ ปึอน ดี โบง ฆาน โอว. เบ โลว ดึห มัก อาโล็ง อู โดว อี หนึม, บอ ดึห มาบู อาโล็ง อา โดว อี ตู มึห โดง เช มาเซ. 2 เบ โลว ดึห บอ กาแปะ เคาคยูง อี กามูน, โบง คามูน อี ตู มึห ซีนัม บรัห. เบ โลว โบง บอ คามูน อี ดีพลัะ บอ คามูน อี แครม อี กาวัร นามัน, ยี ตู ฮับ ซีนัม บรัห. 3 คามูน ตึอน เบ โลว อูน แคง ซีโบลห, แตห เบ อาบ บอ คามูน บอ มัก อาโล็ง บอ มาบู อาโล็ง อา โดว ตึอน, วี หลู ดี โอว. 4 วาย อัน ตี เบ โลว ตึย อาโรน เฆ ฆอน อัน, แตห เฆ ตัห ฌัม ดี อาต มาโลห ทึบ บีก บอด อี มูห โดง กาตูณ โอว เฌาพรา ดี ดูอี. วาย อัน ตี เบ โลว แตห เฆ บาย เปลา บอ แด เฆ ดี อึม, แตห เฆ ซีงา บอด. 5 วาย อัน ตี เบ โลว แตห อาโรน ชึบ ครึง บอด ตึอน, แตห อัน ชึบ ซีโตว ตูน ดี อาต. วาย อัน ตี แตห อัน วี ชึบ ซีโตว ตือะ บอ ซีโตว เอโพด. แฮะ ฮอต อัน โลว ดึก ฮู ปี เบลห แดง บังน็อห. แตห แม ดึห วัน บีก อี ชีด ปี ดึก เฆ ดี ซีโตว เอโพด, แตห แม ปัก ดี ณอย อัน, แตห อึณ กอย ซีคยา. 6 แม โลว วี บร็อะ กาแมะ ดี ฆีณ อัน. แฮะ ฮอต วี ปัก บลัะ ครีว ตึอน นา อาต กาแมะ อัน. 7 แม โลว โหลว นามัน บอด ดี ฆีณ อาโรน, แตห อัน คัม ดี แบน ดูอี อี หลู ดี โอว. 8 วาย อัน ตี แม โลว วี ตึย เฆ ฆอน อีมาย อาโรน ตึอน, แตห บอ เฆ ตัห ฌัม โดง กอย แม, แตห เฆ บอ ชึบ ซีโตว ปี โลว ชึบ เฆ, บอ ซีโตว ตูน บอ กาแมะ. 9 แฮะ ฮอต, แม โลว ดึห ซาบรอด, ปัก ดี ณอย เฆ, แตห ฆอน อาโรน ชึบ. แฮะ ฮอต, เฆ ดี แบน ดูอี หลู ดี โอว เซเซ. ปาย ตี แม โลว โบง ดอ คัม อาโรน เฆ ฆอน อัน ดี แบน ดูอี บอด อี ปึอน ดี โบง ฆาน เฌาพรา.

10 วาย อัน ตี แม โลว วี ตึย มัก อาโล็ง ตึอน, แตห อัน ตัห ฌัม ดี อาต ทึบ บีก บอด อี มูห โดง กาตูณ โอว เฌาพรา ดี ดูอี. แตห อาโรน บอ ฆอน อัน เบลห แด เฆ แดง ฆีณ มัก อาโล็ง ตึอน. 11 วาย อัน ตี เบ โลว ง็อห มัก อาโล็ง ตึอน ดี อาต มาโลห ทึบ บีก บอด, แตห เฌาพรา ยึร. 12 แม โลว จึบ กานู แคง หนาม มัก, พ็อห โดง กาโตต บัต อี กอย ดี กาโตะ กาโช็ง หลู. หนาม อี กาโลย แม โลว โหลว โตต ดี กาดัม กาโช็ง หลู. 13 ปัน ตี แม โลว ดึห เบรียง อี ดึก ดี โคงนัร มัก ตึอน. บอ เบรียง อี ดึก ดี กาโดม เฆ เบล ลัม บอ อา บลาก แม โลว ดึห หลู โดะ แดง กาโช็ง หลู ตึอน แตห เงา กาซึม. 14 อี มูห ยัง เฆ ฮูน อัน บอ เอียง อัน, แม โลว โฆ็ง เลห นา เรต โดง คยัะ เบ, โดะ กาซึม โตต. ปาย ตี อึณ มูห ปี หลู เบ อี แตห โอว ฆ็อห แวน หมาบ เฆ ดูอี อี หลู ดี โอว.

15 วาย อัน ตี แม โลว วี ดึห มาบู อาโล็ง อู โดว, จัร อาโรน บอ ฆอน อัน เบลห แด เฆ แดง ฆีณ อัน. 16 แฮะ ฮอต, แม โลว วี ง็อห ยัม มาบู ตึอน. หนาม อัน แม โลว กาเทต ดี กาโช็ง หลู ตึอน, แตห อึณ กอ ฌัม ดอน บลาก. 17 โดว มาบู ตี แม โลว กาแดบ แบน ดีฆัร แบน ดีฆัร, แฮะ ฮอต บอ บาย โคงนัร บอ เปลา อัน. ปัน ตี แม โลว เบลห อูน โกรว ฌึร ตี บอ ฆีณ อัน แดง กาโช็ง หลู. 18 วาย อัน ตี แม โลว หลู มาบู ตึอน บอ โดว แดง กาโช็ง หลู, แตห เงา กาซึม โฮม โตต. ปาย ตี อึณ ดี แบน ปี ดี หลู ดี เฌาพรา อี โดะ ดี เงา, แตห เงา กาซึม. อึณ แบน อี อูห หงูน ดี เฌาพรา, แตห อึณ ล็อะ น็อห อัน.

19 แฮะ ฮอต ปัน ตี แม โลว วี ดึห มาบู อาโล็ง ปอ อู โดว, วี แตห อาโรน เฆ ฆอน อัน เบลห แด เฆ แดง ฆีณ อัน. 20 แฮะ ฮอต แม โลว ง็อห ยัม บอ มาบู ตี. แม โลว ดึห หนาม มาบู ตี, พ็อห ดี หลา โหยะ อาโรน บลาก อาอัห เฆ ฆอน อัน ดอน อี. แม บอ โลว พ็อห หนาม อัน ดี กานู มา แด บอ กานู มา เปลา บลาก อาอัห เฆ. วาย อัน ตี แม โลว วี กาเทต ดี กาโช็ง หลู ดอน บลาก. 21 หนาม ปี เบลห อูน แม แดง กาโช็ง หลู ตึอน บอ นามัน บอด ตึอน, แม โลว วี ดึห อี แจก, กาเทต ดี อาโรน บอ ดี ครึง บอด ปี ชึบ อัน ตึอน. แม บอ โลว กาเทต หนาม บอ นามัน บอด ตี ดี ฆอน อาโรน บอ ดี ครึง บอด ปี ชึบ เฆ. ปาย ตี อาโรน เฆ ฆอน อัน, เฆ ดี แบน ดูอี ซีงา บอด ดี อาต เฌาพรา. บอ ครึง ปี ชึบ เฆ วี แบน ครึง บอด.

22 แม โลว ดึห เบรียง มาบู อาโล็ง ตี. อึณ มูห บอ เบรียง อี ดึก ดี ซีดา อัน, บอ ซีดา บอ เบรียง อี ดึก ดี โคงนัร อัน, เบรียง อี ดึก ดี กาโดม อัน บอ ดี เบล ลัม อัน บอ อา บลาก. ฌึร ตี แม โลว ดึห โตต, บอ ฆึม บลาก อาอัห อัน. ปี โลว หลู มาบู ตี, อึณ มูห ปี ดี หลู ดอ คัม ดูอี แบน ดูอี หลู ดี เฌาพรา. 23 แฮะ ฮอต, แม โลว ดึห บอ คามูน อู โบ็ง, บอ คามูน ปี ฮับ เบ นามัน, บอ คามูน ดีพลัะ อู ดีพลัะ แปะ แฮะ ดึห อูน ดูอี แคง ซีโบลห ตึอน, อี มูห ซีโบลห ปี อูน เฆ คามูน อี ตู มึห ซีนัม บรัห ตึอน. 24 แม โลว ดึห ดอน โมยว ฌึร ตี, ดัว ดี อาโรน เฆ ฆอน อัน, แตห เฆ มาวัด วีว มาวัด เวณ ดี อาต เฌาพรา, แตห อึณ แบน ปี หลู ดี เฌาพรา อี มาวัด วีว มาวัด เวณ. 25 วาย อัน ตี แม โลว วี ดึห ดอน โมยว ปี อาบ แม ดี แด เฆ, วี หลู โตต ดอน โมยว, วี โดะ เงา, แตห เงา วี โฮม กาซึม โตต, บอ ปี หลู อี มาวัด วีว มาวัด เวณ บอ ปี หลู อี แตห เงา กาซึม ตึอน, แตห อัน แบน โตต ปี กาซึม เงา, อี อูห หงูน ดี อาต เฌาพรา, แตห อึณ ล็อะ น็อห อัน. 26 วาย อัน ตี แม โลว ดึห บังน็อห มาบู อาโล็ง ตึอน ปี โลว หลู แม ดอ คัม อาโรน แบน ดูอี หลู ดี เฌาพรา. บอ บังน็อห มาบู ตี, แม โลว วี อาบ หลู ดี เฌาพรา, แตห อึณ แบน ปี ดี หลู อี มาวัด วีว มาวัด เวณ. แม แฮะ ฮอต มาวัด วีว มาวัด เวณ บังน็อห ตี, แม แฮะ วี ปึอน โฮม.

27 ดอ หลู เบ มาบู อี มูห ปี หลู ดอ คัม อาโรน เฆ ฆอน อัน ดี แบน ดูอี ซีงา บอด ดี อาต เฌาพรา, อาโรน เฆ ฆอน อัน บอ ปึอน ดี โฮม บังน็อห มาบู อาโล็ง ตี วาย แฮะ ฮอต มาวัด วีว มาวัด เวณ เฆ. เฆ บอ ปึอน ดี โฮม ฆึม มาบู ตี วาย แฮะ ฮอต อาบ ดี เฌาพรา. 28 แคะ ตี อาโรน เฆ ฆอน อัน ปึอน ดี โฮม เซเซ, ดอ ดัว เฆ ดูอี อีซาเรลัะ ปี ดี หลู เฆ ดี โอว อี มูห เฌาพรา. เซ เฆ ดูอี อีซาเรลัะ บอ โบง บลอย ปี ดี หลู ดี เฌาพรา, อี มูห บลอย กอย กาฌูะ โฮม รึม, เฆ โลว ดัว แคะ ตี ดี อาโรน บอ ดี ฆอน อัน เซเซ.

29 อึณ ยี มูห ครึง บอด ตึอน ปี ชึบ อาโรน, เฆ หลูกหลาน อัน อี มูห ฆอน อีมาย, เฆ อี ดี วี ปลูะ อัน, เฆ ดี วี ปึอน ดี ชึบ ครึง ตี ดอ คัม เฆ ดี แบน ดูอี หลู ดี เฌาพรา. 30 ฆอน อาโรน อี ปลูะ อัน แบน ดา ตาง อี หลู ดี เฌาพรา, อัน โลว ตัห ฌัม ดี อาต ทึบ บีก บอด, ชึบ ครึง บอด ตี ดอ โบง อัน ฆาน โอว. อาดา บู ซีแง อัน โลว ชึบ ครึง ตี.

31 เบ โลว ดึห มาบู อาโล็ง ปี โลว หลู เบ ดอ คัม ดูอี กามาย ดี แบน ดูอี หลู ดี เฌาพรา. แฮะ ฮอต เบ โลว ดัง มาบู ตี ดี โดง บอด. 32 วาย อัน ตี เบ โลว แตห อาโรน เฆ ฆอน อัน ปึอน ดี โฮม บอ ยัง อัน บอ คามูน ปี ดึอม อูน เบ แคง ซีโบลห ตึอน. ดอ กอย เฆ ดี อาต มาโลห ทึบ บีก บอด ตึอน, เฆ โลว โฮม อาตี. 33 บอ มาบู บอ คามูน ปี หลู ดูอี ตึอน แฮะ แบน ปี ดี หลู อี แตห เฆ บอด ดี อาต เฌาพรา ดอ คัม เฆ แบน ดูอี หลู ดี เฌาพรา. โคว อัน ตี, มี เฆ ปึอน ดี โฮม อาตี. อี เฮา ยี ตู ปึอน โฮม. 34 ปา แคหณา ซีณวัห, เซ อึณ ยี มึห กาโลย อัน, เบ โลว โดะ แคง เงา. แกวะ แตห ดูอี โฮม กาโลย ตี อี มูห ปี ดี โฮม อี บอด.

35 อึณ ยี มูห อาโรน เฆ ฆอน อัน, แม โลว ลึมลา บอ โบง โตต ดอน โมยว แปะ แฮะ ต็อห โอว ดี แม. อาดา บู ซีแง เบ โลว โบง โตต ดอน โมยว ปี โลว โบง เบ, แตห เฆ คัม ดี แบน ดูอี หลู ดี โอว อี มูห เฌาพรา. 36 ดอ บู ซีแง ตี ดอน ซีแง, เบ โลว หลู มัก อาโล็ง อู ซีแง อู โดว. อึณ โลว แบน ปี ดี หลู แตห เฌาพรา ฆ็อห แวน หมาบ เบ. เบ โลว โบง ปาย ตี แตห กาโช็ง หลู ซีงา บอด ดี อาต เฌาพรา. แฮะ ฮอต แม โลว วี พ็อห นามัน ดี กาโช็ง หลู, แตห เบ ปึอน ดี หลู นา แดง. 37 บู ซีแง เบ โลว โบง ปาย ตี แตห กาโช็ง หลู ตึอน แบน กาโช็ง อี ซีงา บอด กาเซา บอ แบน กาโช็ง ปี ปึอน หลู ดี เฌาพรา. วาย อัน ตี เซ อึณ บอ มึห ปี ดี หลู มาเซ, ปี เบลห เบ แดง กาโช็ง หลู ตี ดี แบน โกรว อี ซีงา บอด ปี กาโช็ง หลู แฮะ ซีงา บอด.

38 ปี ดี โลว หลู เบ แดง กาโช็ง หลู ตี, อึณ ปาย นี. ดอน ซีแง ดอน ซีแง เบ โลว หลู ฆอน มาบู อา โดว อี มึห อาซาก อู ซีนัม. 39 ซีณวัห เบ โลว หลู อู โดว บอ บา ดี อับ เบ โลว วี หลู ปอ อู โดว. 40 ดอ หลู เบ มาบู ซีณวัห, เบ โลว ดึห บอ กาแปะ อู แบล ดี อู ควาก, วี ฮับ นามัน อู กาเปา. เบ โลว หลู บอ อึม มางูน อู กาเปา, แตห เบ หลู ปี ดี เดียง. 41 ดอ หลู เบ มาบู บา ดี อับ, เบ โลว ดึห บอ กาแปะ บอ นามัน, บอ อึม มางูน, แตห อึณ ปี ปี หลู เบ ซีณวัห. เบ โลว หลู โตต, แตห เงา กาซึม, แตห อึณ แบน อี อูห หงูน ดี อาต เฌาพรา, แตห อึณ ล็อะ น็อห อัน.

42 ดอน โจว ดอน บาน เฆ ดูอี อีซาเรลัะ โลว หลู ดี โอว ปี ดี หลู ฌึร ตี. เฆ โลว ตัห หลู ดี กาโช็ง หลู อี กอย กาตัด มาโลห ทึบ บีก บอด ตึอน. อึณ มูห โดง กอย โอว อี มูห เฌาพรา, แตห เฆ ดูอี อีซาเรลัะ วี กาตูณ โอว. 43 โอว ดี ตัห ฌัม โดง กอย เฆ ดูอี อีซาเรลัะ ตึอน, กาลาง โฆรห ดี เฆ. โดง ตี โอว ดี บอ บยัะ อาพูง ดังโคว โอว บอ อาโรง บลาง โอว, แตห อึณ แบน โดง บอด.

44 ปาย ตี โอว ดี บอ แตห ทึบ บีก บอด บอ กาโช็ง หลู ตึอน แบน กาโช็ง บอด. โอว ดี แตห บอ อาโรน เฆ ฆอน อัน แบน ดูอี อี ซีงา บอด, แตห เฆ แบน ดูอี อี ปึอน ดี โบง ฆาน โอว. 45 โอว ดี กอย กาแต โดง กอย เฆ ดูอี อีซาเรลัะ. โอว ดี แบน เฌาพรา ปี กรึบ เฆ. 46 เฆ ดี บอ นับ, อึณ มูห โอว อี มูห เฌาพรา ปี กรึบ เฆ, โอว แฮะ ตึย เฆ เลห แคง มืง แอฆึบ, แตห โอว กอย กาแต โดง กอย เฆ, แตห โอว แบน อัน เฌา, อี มูห เฌาพรา ปี กรึบ เฆ.” อาตี ดอน โมยว เฌาพรา แฮะ ฮอต กาลาง ดี อาโมวแซ บอ จัร อัน วี โบง.