Epereu kõ pewarà temikusiwarerà aã kareta. Epereu kõ pè, Juteu kõ jaa tè aepo e'i. Isaeu kõ jaa teve. Juteu kõ Jesu koty rewarà kõ pewarà tè temikusiwarerà aã kareta. Nijakuwai ava põ Janejare'e 'Ãg omotekokuwa aã kareta tokusiwa mã'ẽ. Erà nijakuwai. Ajawyi, “Epereu kõ pewarà temikusiwarerà”, eu kõrijõ ijupe. Ma'e rewarà mõ aã kareta okusiwa imono. Jesu koty rewarà kõ rõmõ ekoi paire, etãrãgwerà kõ oojai kõ ipi. Ijayvukasi epe topoi Jesu wyi kupa ky'y. “Tapejirojivy tãmõ Moisesi remikusiwarerà rè penako'i rõmõ peiko”, e'i epe ijupe kõ kupa. Ajawyi ava mõ okusiwa aã kareta ijupe kõ imono imokasia kõ rõmõ. Opota ojimokasiay tojirojivy e'ã aekwerà kyty kupa. Opota Jesu rè tè taeako'i jẽ iko kupa mã'ẽ. Kee jaa okusiwa ijupe kõ: “Jesu omãnõ janeaiwererà repykarà mõ. Omoepypa janeaiwererà janeupe ity oo. Ajawyi Jesu rupi tè jaiko ky'y”, e'i ikusiwa (Epr. 10.14). “Tãmõ kõ rekoawerà wyi wete Jesu rupi tekoua ikatuay wete”, e'i ikusiwa imokasi kõ.