Aã kareta Janejare'e 'Ãg omotekokuwa Pauru tokusiwa Piremõ pè maekwerà. Korosu taa wãnà tè maevo Piremõ. Jesu koty rewarà kõ atyry mõ rõvijã rõmõ ekoi. A'e pè Pauru kareta okusiwa ojimorypa Onesimu pewarà mõ. Piremõ remĩgwai temipyykwerà tè Onesimu. A'e ojava oo oõvijã Piremõ wyi mijã. Ajaire Pauru wesa. Pauru omo'e Jesu rewarà rè. Ajaate Jesu koty rewarà rõmõ Onesimu ekoipa ky'y. Opyta jẽ rã'ĩ Pauru pyri ipãtavõarà rõmõ iko. Ajaire Pauru, “Ejivy eo nerõvijã gyty”, e'i ijupe (Prm. 1.12). Aã kareta rè Pauru okusiwa tõvijã pè imonotà upi. “Age'e sõsi awyje neremĩgwai e'eay rõmõ ekoità ky'y, ojivy nekoty oo remẽ”, e'i ikusiwa imono upi (Prm. 1.15).