Mi emen wiye Buk Mak sa yire nanrona, “Mee sa Miuporo e Jisas Krais, Auna e God.” E buk mee, mone namale nanrona Jisas sa mana fa yuna noula ka kero fa yangke ommo wongkwongkeni. Mone muru noula ka kero wunini e yukuleye nu pinuma ka e wu fa yuꞌpoleye opola fafaile ka nale fafaile e nu pinuma. Jisas fa youw wone kore nanrona, “Auna E Mana,” ka wu yire nanrona wu yolowi fa yane laip woneni ese yuꞌpu kore pinuma mingklari (10.45).

Mak yopro mi mingklari ommo e Jisas yangkeye. Ka wu fi yopro mi mingklari mi e Jisas isi yangkeye e wu yukuleye nu pinuma. Emen sa Mak yopro mi e ommo e Jon Baptais ka mi e Jisas yem baptais ka Satan yeingkariye wu. Ingke mone namale nanrona Jisas fa wola nu uma e nungkam eni wongkwongkeni, ka wu fa yukuleye nu. Emen nu disaipol fi samo namale nomu e ommo Jisas fa yangkeye. Ka yemei komafre komafre pai se sa nu namale ommo e Jisas fa yangkeye.

Mone re namale nanrona nu uma nemei iim uma e Jisas ka nane eni mingklari wu. Ka pekimo e Miuporo Mak yeꞌre namo, Mak yopro mi e Jisas ri ka yemei.