―Kua̱ꞌa̱n tuku ndó sata ka̱ ndó loꞌo trigo kuxu yó ―káchí ra.

3 Ta saá nda̱kuii̱n ta̱Judá,

káchí ra:

―Tata yivá i̱,

ta̱a ta̱ xáꞌnda chiño no̱o̱ naEgipto káxín ní ni̱ka̱ꞌa̱n ra xíꞌin ndi̱:

“Tá o̱n vása va̱xi ñani ndó ta̱loꞌo xíꞌin ndó,

ta o̱n kixi ka̱ ndó no̱o̱ i̱”,

ka̱chí ra xíꞌin ndi̱.

4 Táná taxi ún ko̱ꞌo̱n ñani ndi̱ ta̱loꞌo xíꞌin ndi̱ vitin,

ta saá ko̱ꞌo̱n ndi̱ sata ndi̱ trigo;

5 tá o̱n xi̱in ún taxi ún ra ko̱ꞌo̱n ra xíꞌin ndi̱,

ta o̱n kuchiño ko̱ꞌo̱n ndi̱.

Chi ta̱ xáꞌnda chiño ni̱ka̱ꞌa̱n ra xíꞌin ndi̱:

“Tá o̱n ko̱ó ñani ndó ta̱loꞌo va̱xi xíꞌin ndó,

ta o̱n kixi ka̱ ndó no̱o̱ i̱”,

ka̱chí ra ―káchí ta̱Judá xíꞌin yivá ra.

6 Ta saá ni̱ka̱ꞌa̱n ta̱Jacob:^a

―¿Nda̱chun kua̱ꞌa̱ ní ña o̱n váꞌa kéꞌé ndó xíꞌin i̱?

¿Nda̱chun nda̱to̱ꞌon ndó xíꞌin ta̱ xáꞌnda chiño no̱o̱ naEgipto ndí yóo inka̱ ñani ndó ta̱loꞌo?

―káchí ra.

7 Ta nda̱kuii̱n na,

káchí na saá xíꞌin yivá na:

―Mi̱i ra kúu ta̱a ta̱ ni̱nda̱ka̱ to̱ꞌon ní ka̱ xa̱ꞌa̱ mi̱i ndi̱ xíꞌin xa̱ꞌa̱ naveꞌe ndi̱,

ka̱chí ra saá:

“¿Án táku̱ ka̱ yivá ndó?

¿Án yóo inka̱ ñani ndó?”,

ka̱chí ra.

O̱n ko̱ó ka̱ inka̱ to̱ꞌon ní‑niꞌi ndi̱ ka̱ꞌa̱n ndi̱ xíꞌin ra,

ta kuiti nda̱kuii̱n ndi̱ ndiꞌi ña ni̱nda̱ka̱ to̱ꞌon ra ndi̱ꞌi̱.

Nda̱ loꞌo o̱n vása ní‑xani si̱ni̱ ndi̱ ndí ta̱a yóꞌo kaꞌnda chiño ra no̱o̱ ndi̱ ña kixi ñani ndi̱ xíꞌin ndi̱ no̱o̱ ra ―káchí na xíꞌin yivá na.

8 Ta saá ni̱ka̱ꞌa̱n ta̱Judá xíꞌin yivá ra ta̱Jacob,

káchí ra:

―Tata yivá i̱,

táná taxi ún ko̱ꞌo̱n ta̱loꞌo xíꞌin ndi̱,

ta xa̱ndi̱ko̱n tikáꞌan kuiti ko̱ꞌo̱n ndi̱ ña sata ndi̱ ña kuxu yó ta kutaku̱ ka̱ yó.

Ta saá o̱n kivi̱ yó xíꞌin so̱ko,

ta saá,

ni yóꞌó,

ni ndi̱ꞌi̱,

ni sa̱ꞌya yó o̱n kivi̱ na.

9 Yi̱ꞌi̱ ndakuii̱n i̱ xa̱ꞌa̱ ta̱loꞌo ñani i̱.

Tá o̱n vása ndixaa̱ ra xíꞌin i̱,

ta yi̱ꞌi̱ kuu ta̱ nakuiso kua̱chi no̱o̱ ún ndiꞌi saá ki̱vi̱.

10 Ta xa naꞌá ní káꞌa̱n táꞌan yó xa̱ꞌa̱ ñayóꞌo;

tá o̱n ko̱ó saá kéꞌé yó,

ta xa nda̱ o̱vi̱ yichi̱ ni̱xa̱ꞌa̱n ndi̱ ta ndi̱kó ndi̱ vitin,

níkúu ―káchí ra.

11 Ta saá nda̱kuii̱n yivá na,

káchí ra saá:

―Tá o̱n ko̱ó ka̱ inka̱ ña kivi keꞌé yó,

ta saá vitin kasa ndivi ndó ñayóꞌo:

ná ko̱ꞌo̱n ñava̱ꞌa kómí yó xíꞌin ndó ña saníꞌi ndó ña ta̱a ta̱ xáꞌnda chiño.

Kuniꞌi ndó ñava̱ꞌa ní ka̱ ña yóo ñoo yóꞌo,

ña kúu ta̱ta̱n na̱ní bálsamo xíꞌin mirra,

inka̱ ña kúu ño̱ño̱,

inka̱ ti̱kí xíꞌin almendra,

ta inka̱ nduta̱ tá xáꞌan támi.

12 Ta kuniꞌi ndó si̱ꞌún ña chaꞌvi ndó trigo xíꞌin inka̱ si̱ꞌún ña na̱níꞌi ndó ini tindaa̱ ndó,

ta sandikó ndó ñayóꞌo ndaꞌa̱ mi̱i ta̱ xáꞌnda chiño.

Saá chi ndákuiti sa̱na ini ni̱vi na kísa chiño no̱o̱ ra ta̱an na si̱ꞌún ini tindaa̱ ndó.

13 Ta vitin ná ko̱ꞌo̱n ñani ndó ta̱Benjamín xíꞌin ndó,

ña kuchiño ko̱ꞌo̱n ndó no̱o̱ ta̱ xáꞌnda chiño no̱o̱ ñoꞌo̱ Egipto.

14 Ta mi̱i Ndios ta̱ Kómí Ndiꞌi Ndee̱,

ná taxi ra ña ná kundáꞌví ini ta̱ xáꞌnda chiño koni ra ndóꞌó,

ta saá ta̱yóꞌo ná taxi ra ña kee ndíka̱ ta̱Simeón ñani ndó,

ta saá ñii káchí ndikó ta̱Benjamín xíꞌin ndiꞌi ndó ndixaa̱ ndó no̱o̱ i̱.

Ta yi̱ꞌi̱,

vará tá saá ví koni̱ ñóꞌó ndañóꞌó ndiꞌi sa̱ꞌya i̱ no̱o̱ i̱,

ta saá ná koo ña ―káchí ra.

15 Ta saá nata̱a sa̱ꞌya ta̱Jacob na̱kuiso na ña ni̱ka̱ꞌa̱n yivá na saníꞌi na ta̱José,

xíꞌin si̱ꞌún ña na̱níꞌi na ini tindaa̱,

ta xíꞌin inka̱ si̱ꞌún ña sata na trigo,

ta ke̱e na kua̱ꞌa̱n na,

ta kua̱ꞌa̱n ta̱Benjamín xíꞌin na nda̱ no̱o̱ ñoꞌo̱ Egipto.

Ta saá ni̱xaa̱ na no̱o̱ ta̱José.

16 Ta ta̱José xi̱ni ra ta̱Benjamín ni̱xaa̱ ra xíꞌin na,

ta ni̱ka̱ꞌa̱n ra xíꞌin ta̱ ndíso chiño xíꞌin veꞌe ra,

káchí ra saá:

―Kua̱ꞌa̱n ún,

ta ná ko̱ꞌo̱n ndiꞌi nata̱a yóꞌo xíꞌin ún veꞌe i̱.

Ta kaꞌni ún ñii si̱ndi̱ki̱ ta kasa ndivi ún rí,

chi nata̱a yóꞌo kuxu na rí xíꞌin i̱ ma̱ꞌñó ndiví vitin ―káchí ra xíꞌin ta̱ ndíso chiño no̱o̱ ra.

17 Ta ta̱ ndíso chiño ke̱e ra kua̱ꞌa̱n ra kasa ndivi ra nda̱tán xa̱ꞌnda chiño ta̱José,

ta kua̱ꞌa̱n ndiꞌi nata̱a yóꞌo xíꞌin ra veꞌe ta̱José;

18 ta xa̱ndi̱ko̱n ki̱xáꞌá na ni̱yi̱ꞌví ní na ña kua̱ꞌa̱n na veꞌe ta̱José,

ta káꞌa̱n xíꞌin táꞌan na,

káchí na saá:

―Ñayóꞌo ndóꞌo yó vitin xa̱ꞌa̱ si̱ꞌún ña kua̱ꞌa̱n noꞌo̱ xíꞌin yó.

Ta vitin ta̱ xáꞌnda chiño saxo̱ꞌvi̱ ní ra mi̱i yó ta kasa ndu̱xa̱ ra xíꞌin yó ña kasa chiño yó no̱o̱ ra,

ta nda̱ tíburro sa̱na̱ yó kindaa ra rí ndaꞌa̱ yó ―káchí na.

19 Ta saá ni̱xaa̱ na yéꞌé veꞌe ta̱José,

ta o̱n ta̱ꞌán ka̱ ki̱ꞌvi na,

ta ni̱to̱nda̱a yatin na no̱o̱ ta̱ ndíso chiño ña káꞌa̱n na xíꞌin ra,

20 ta káchí na saá:

―Tata,

ndixa káꞌa̱n ndi̱ xíꞌin ún,

ñano̱ó ki̱xi ndi̱ sata ndi̱ trigo,

21-22 ta ki̱vi̱ kua̱ꞌa̱n noꞌo̱ ndi̱ tá ni̱xaa̱ ndi̱ ñii xiiña no̱o̱ ku̱su̱n ndi̱ ñoó,

ta na̱kuiná ndi̱ tindaa̱ ndi̱,

ta yuꞌu̱ tindaa̱ ñii ñii ndi̱ ñóꞌo si̱ꞌún ña xa cha̱ꞌvi ndi̱ ndaꞌa̱ ndó xa̱ꞌa̱ trigo.

Ta o̱n vása xíni̱ ndi̱ yukú ni̱vi ta̱an si̱ꞌún yóꞌo yuꞌu̱ tindaa̱ ndi̱.

Ta vitin yóꞌo tuku ndíso ndi̱ si̱ꞌún yóꞌo,

va̱xi tuku ña xíꞌin ndi̱ ña sandikó ndi̱ ña,

ta tuku ndíso ka̱ ndi̱ inka̱ si̱ꞌún ña sata ka̱ ndi̱ trigo ―káchí na.

23 Ta nda̱kuii̱n ta̱ ndíso chiño,

káchí ra saá:

―O̱n kundiꞌi ini ndó,

ni o̱n kuyi̱ꞌví ndó.

Xa yóo va̱ꞌa ndiꞌi chiño.

Yi̱ꞌi̱ kúu ta̱ na̱kiꞌin si̱ꞌún ña cha̱ꞌvi ndó xa̱ꞌa̱ trigo ki̱vi̱ saá.

Va kuiti Ndios,

ta̱a ta̱káꞌno no̱o̱ mi̱i ndó ta no̱o̱ yivá ndó,

ta̱an ra si̱ꞌún yuꞌu̱ tindaa̱ ndó ―káchí ra xíꞌin na.

Ta ta̱ ndíso chiño ta̱va ra ta̱Simeón veꞌe ka̱a ta ni̱xaa̱ ta̱yóꞌo na̱kutáꞌan ra xíꞌin nata̱a ñani ra;

24 ta saá ni̱ki̱ꞌvi ndiꞌi na ini veꞌe ta̱José,

ta ta̱ ndíso chiño ta̱xi ra takuií nakata na xa̱ꞌa̱ na,

ta ta̱xi ra ña kaxaꞌan kiti̱ sa̱na̱ na.

25 Ta saá ta̱va na ña ñóꞌo ndíso na saníꞌi na ta̱José,

ta chi̱so tiꞌva na ña,

ta ki̱ndo̱o na ndáti na ña ndixaa̱ ra ma̱ꞌñó ndiví,

chi kúnda̱a̱ ini na veꞌe yóꞌo kúu no̱o̱ kuxu na xíꞌin ra.

26 Ta saá ndi̱xaa̱ ta̱José veꞌe ra,

ta nata̱a yóꞌo sa̱níꞌi na ndiꞌi ñava̱ꞌa ndíso na ndaꞌa̱ ra,

ta xi̱kuxítí na a̱nda̱ ni̱to̱nda̱a ta̱ꞌya̱ na no̱o̱ ñoꞌo̱.

27 Ta ta̱José ni̱nda̱ka̱ to̱ꞌon ra na ndasaá yóo na,

ta tuku ni̱nda̱ka̱ to̱ꞌon ra na,

káchí ra saá xíꞌin na:

―¿Ndasaá yóo yivá ndó,

ta̱xi̱kua̱ꞌa̱ ta̱ nda̱to̱ꞌon ndó xíꞌin i̱ xa̱ꞌa̱?

¿Án táku̱ ka̱ ra?

―káchí ra xíꞌin na.

28 Ta xi̱kuxítí na no̱o̱ ra ña kísa to̱ꞌó na ra,

ta nda̱kuii̱n na,

káchí na saá:

―Yivá ndi̱,

ta̱a ta̱ kísa chiño no̱o̱ ún,

yóo va̱ꞌa ra.

Táku̱ ka̱ ra,

tata ―káchí na.

29 Ta ta̱José xi̱to ra no̱o̱ ñii ñii na ta xi̱ni ra ta̱Benjamín,

ñani mi̱i ra ta̱ kúu sa̱ꞌya siꞌí mi̱i ra xíꞌin yivá ra,

ta ni̱ka̱ꞌa̱n ra xíꞌin na:

―¿Án ta̱yóꞌo kúu ñani ndó ta̱loꞌo,

ta̱ nda̱to̱ꞌon ndó xíꞌin i̱ xa̱ꞌa̱?

Ta ta̱José ni̱ka̱ꞌa̱n ra xíꞌin ta̱loꞌo yóꞌo:

―Ná keꞌé Ndios ñava̱ꞌa xíꞌin ún,

ta̱loꞌo ―káchí ra xíꞌin ta̱Benjamín.

30 Ta ta̱José kúsii̱ ní ini ra a̱nda̱ ni̱kisin níma̱ ra xa̱ꞌa̱ ña xi̱ni ra ñani ra,

ta a̱nda̱ va̱xi nduta̱ nduchu̱ no̱o̱ ra ña kóni ra kuaku ra.

Ta saá ke̱e ra ta kama ni̱ki̱ꞌvi ra no̱o̱ kísi̱n ra,

ta yóꞌo ki̱xáꞌá ra xáku ní ra.

31 Tá ndi̱ꞌi xa̱ku ra ta na̱kata ra no̱o̱ ra xíꞌin takuií,

ta tuku ndi̱kó ra no̱o̱ yóo nañani ra,

ta saá xa̱ꞌnda chiño ra no̱o̱ na kísa chiño no̱o̱ ra,

káchí ra saá xíꞌin na:

―Chikaa̱ ndó ña kuxu ndi̱ vitin ―káchí ra.

32 Ta chi̱so na ña xíxi ta̱José no̱o̱ ñii mesa,

ta chi̱so na ña xíxi nata̱a sa̱ꞌya ta̱Jacob no̱o̱ inka̱ mesa,

ta mi̱i naEgipto na ki̱xaa̱ kuxu,

xíxi na no̱o̱ inka̱ mesa,

chi kúkini ini naEgipto kuxu na xíꞌin nañoo hebreo.

33 Ta nañani ta̱José xi̱kundo̱o na no̱o̱ mesa nda̱tán xa̱ꞌnda chiño ta̱José,

ki̱xáꞌá siꞌna ta̱no̱ó,

saá xi̱koo ñii ñii na ndíko̱n sa̱ta̱ ra,

a̱nda̱ ta̱loꞌo sondíꞌí,

xi̱kundo̱o ndiꞌi na xíxi na;

ta nayóꞌo na̱kaꞌnda ini na,

xíto na no̱o̱ táꞌan na.

Xáni si̱ni̱ na:

“¿Yukú na xíni̱ ndá mi̱i yó kúu ta̱no̱ó,

ta yukú ta̱ ndíko̱n sa̱ta̱ ra ta̱nda̱ ta̱sondíꞌí?”,

saá xáni si̱ni̱ na.

34 Ta ñaxíxi nándoso̱ no̱o̱ mesa ta̱José,

na̱taꞌví na ña kuxu ndiꞌi ñani ra,

ta ta̱José xa̱ꞌnda chiño ra ña chikaa̱ na o̱ꞌo̱n yichi̱ ka̱ ñaxíxi ko̱ꞌo̱ ta̱Benjamín no̱o̱ ña chikaa̱ na ña xíxi inka̱ nañani ra.

Ta ta̱José xíꞌin nata̱a ñani ra xíxi na ta xíꞌi na,

ta kúsii̱ ní ini na.