Ñayóꞌo káꞌa̱n xa̱ꞌa̱ nasa̱ꞌya ñani síkuá ta̱Esaú
36
Nayóꞌo kúu nasa̱ꞌya ñani síkuá ta̱Esaú,
ta kómí ra inka̱ ki̱vi̱ ra na̱ní tuku ra Edom.
2 Ta̱Esaú to̱nda̱ꞌa̱ ra xíꞌin náñaꞌa̱ náCanaán;
to̱nda̱ꞌa̱ ra xíꞌin ñáAda,
sa̱ꞌya ta̱Elón ta̱ kúu sa̱ꞌya ñani síkuá ta̱Het;
ta to̱nda̱ꞌa̱ ra xíꞌin ñáAholibama,
kúu ñá sa̱ꞌya ta̱Aná ta sa̱ꞌya ñani ta̱Zibeón ta̱ kúu sa̱ꞌya ñani síkuá ta̱Hev;
3 ta to̱nda̱ꞌa̱ ra xíꞌin ñáBasemat,
ñá kúu sa̱ꞌya ta̱Ismael ta ki̱ꞌva̱ ta̱Nebaiot kúu ñá.
4 Ka̱ku ta̱a sa̱ꞌya ñáAda xíꞌin ta̱Esaú,
ta̱yóꞌo kúu ta̱Elifaz;
ka̱ku ta̱a sa̱ꞌya ñáBasemat xíꞌin ta̱Esaú,
ta̱yóꞌo kúu ta̱Reuel.
5 Ta nasa̱ꞌya ta̱Esaú xíꞌin ñáAholibama kúu u̱ni̱ ta̱a na̱ní Jeús,
Jaalam xíꞌin Coré.
Ndiꞌi nayóꞌo kúu sa̱ꞌya ta̱Esaú na ka̱ku no̱o̱ ñoꞌo̱ Canaán.
6 Ta ta̱Esaú ke̱e ra xíꞌin náñaꞌa̱ násíꞌí ra,
xíꞌin sa̱ꞌya ra ta̱a xíꞌin sa̱ꞌya ra ñaꞌa̱,
xíꞌin ndiꞌi ni̱vi na kísa chiño no̱o̱ ra,
ta kua̱ꞌa̱n na inka̱ ñoo chi kóni ta̱Esaú kuxíká ra no̱o̱ ñani ra ta̱Jacob.
Ta ke̱e na kua̱ꞌa̱n na,
ta kua̱ꞌa̱n xíꞌin ta̱Esaú ndiꞌi kiti̱ sa̱na̱ ra xíꞌin ndiꞌi ñakuíká ña na̱kaya ra no̱o̱ ñoꞌo̱ Canaán.
7 Kua̱ꞌa̱ ní ñakuíká kómí ta̱Esaú ta kua̱ꞌa̱ ní ñakuíká kómí ta̱Jacob,
ta ñii ñii ra kómí ra kua̱ꞌa̱ ní kiti̱ sa̱na̱ ra,
ta xa̱ꞌa̱ ñayóꞌo ni̱‑kivi kutaku̱ yatin na xíꞌin táꞌan na;
chi o̱n vása ní‑kunani no̱o̱ ñoꞌo̱ kutaku̱ o̱vi̱ na saá xíꞌin ndiꞌi kiti̱ kómí na.
8 Ta saá ta̱Esaú,
ta̱ na̱ní tuku Edom,
ke̱e ra kua̱ꞌa̱n ra,
ta kua̱ꞌa̱n naveꞌe ra xíꞌin ra,
ta ni̱xaa̱ na táku̱ na ñii yuku̱ na̱ní Seir.
9 Yóꞌo va̱xi ki̱vi̱ ni̱vi na kúu sa̱ꞌya ñani síkuá ta̱Esaú;
ta̱Esaú yóꞌo kúu xi̱i̱ síkuá ni̱vi nañoo Edom,
na xi̱taku̱ yuku̱ na̱ní Seir.
10 Ñayóꞌo kúu ki̱vi̱ nasa̱ꞌya ta̱Esaú:
ta̱Elifaz,
sa̱ꞌya ñáAda xíꞌin ta̱Esaú;
ta̱Reuel sa̱ꞌya ñáBasemat xíꞌin ta̱Esaú.
11 Nasa̱ꞌya ta̱Elifaz kúu ta̱Temán,
ta̱Omar,
ta̱Zefo,
ta̱Gatam xíꞌin ta̱Cenaz.
12 Ta ni̱xi̱yo ñii ñásíꞌí ta̱Elifaz sa̱ꞌya ta̱Esaú;
ñáyóꞌo na̱ní Timna.
Ka̱ku ñii sa̱ꞌya ñá xíꞌin ta̱Elifaz na̱ní ra Amalec.
Nayóꞌo kúu sa̱ꞌya ñani ñáAda,
ñásíꞌí ta̱Esaú.
13 Nasa̱ꞌya ta̱Reuel kúu ta̱Nahat,
ta̱Zera,
ta̱Sama xíꞌin ta̱Miza.
Nayóꞌo kúu sa̱ꞌya ñani ñáBasemat,
ñásíꞌí ta̱Esaú.
14 Ta ñáAholibama kúu inka̱ ñásíꞌí ta̱Esaú,
ta sa̱ꞌya ñá kúu ta̱Jeús,
ta̱Jaalam xíꞌin inka̱ ta̱Coré.
ÑáAholibama kúu sa̱ꞌya ta̱Aná,
ta kúu ñá sa̱ꞌya ñani ta̱Zibeón.
15-16 Ñayóꞌo kúu ki̱vi̱ nasa̱ꞌya ñani síkuá ta̱Esaú na ndu̱u nanáꞌno no̱o̱ ñii ñii tiꞌvi ti̱xin tiꞌvi káꞌno na kúu sa̱ꞌya ñani síkuá ta̱Esaú.
Ta ki̱vi̱ nanáꞌno yóꞌo kúu Temán,
Omar,
Zefo,
Cenaz,
Coré,
Gatam xíꞌin Amalec.
Ta nanáꞌno yóꞌo kúu sa̱ꞌya ta̱Elifaz,
ta̱ kúu ta̱no̱ó sa̱ꞌya ta̱Esaú xíꞌin ñáAda.
17 Ta ki̱vi̱ inka̱ nanáꞌno kúu Nahat,
Zera,
Sama xíꞌin Miza.
Nanáꞌno yóꞌo kúu sa̱ꞌya ta̱Reuel,
ta̱ kúu sa̱ꞌya ta̱Esaú xíꞌin ñáBasemat.
18 Ki̱vi̱ inka̱ nanáꞌno kúu Jeús,
Jaalam xíꞌin Coré,
ta̱ kúu sa̱ꞌya ta̱Esaú xíꞌin ñáAholibama,
ñáyóꞌo kúu sa̱ꞌya ta̱Aná.
19 Ndiꞌi nanáꞌno yóꞌo kúu sa̱ꞌya ñani síkuá ta̱Esaú,
ta inka̱ ki̱vi̱ ta̱Esaú kúu Edom.
Ta ndiꞌi nayóꞌo kúu nanáꞌno no̱o̱ ñii ñii tiꞌvi ña kómí ki̱vi̱ na.
20-21 Ni̱vi naHor kúu na siꞌna xi̱taku̱ no̱o̱ ñoꞌo̱ Edom;
nayóꞌo kúu sa̱ꞌya ñani síkuá ta̱Seir.
Ta ñayóꞌo kúu ki̱vi̱ nasa̱ꞌya ñani síkuá ta̱Seir na ndu̱u nanáꞌno no̱o̱ ñii ñii tiꞌvi ti̱xin tiꞌvi káꞌno na kúu naHor.
Ki̱vi̱ nanáꞌno yóꞌo kúu Lotán,
Sobal,
Zibeón,
Aná,
Disón,
Ezer xíꞌin Disán.
22 Sa̱ꞌya ta̱Lotán kúu ta̱Hori xíꞌin ta̱Hemam.
ÑáTimna kúu ki̱ꞌva̱ ta̱Lotán.
23 Nasa̱ꞌya ta̱Sobal kúu ta̱Alván,
ta̱Manahat,
ta̱Ebal,
ta̱Sefo xíꞌin ta̱Onam.
24 Sa̱ꞌya ta̱Zibeón kúu ta̱Aja xíꞌin ta̱Aná.
Ta ta̱Aná kúu ta̱a ta̱ na̱níꞌi kua̱ꞌa̱ ní pozo takuií yuku̱ yi̱chí ki̱vi̱ xi̱ndaa ra burro sa̱na̱ yivá ra ta̱Zibeón.
25 Nasa̱ꞌya ta̱Aná kúu ta̱Disón,
xíꞌin ñáAholibama.
26 Nasa̱ꞌya ta̱Disón kúu ta̱Hemdán,
ta̱Esbán,
ta̱Itrán xíꞌin ta̱Querán.
27 Nasa̱ꞌya ta̱Ezer kúu ta̱Bilhán,
ta̱Zaaván xíꞌin ta̱Acán.
28 Sa̱ꞌya ta̱Disán kúu ta̱Uz xíꞌin ta̱Arán.
29 Nanáꞌno no̱o̱ naHor kúu ta̱Lotán,
ta̱Sobal,
ta̱Zibeón,
ta̱Aná,
30 ta̱Disón,
ta̱Ezer xíꞌin ta̱Disán.
Nayóꞌo kúu nanáꞌno,
ta yóo ñii ñii mi̱i na no̱o̱ ñii ñii tiꞌvi ti̱xin naveꞌe naHor na xi̱taku̱ no̱o̱ ñoꞌo̱ Seir.
31 Ñayóꞌo káꞌa̱n xa̱ꞌa̱ nata̱a na xi̱kuu rey ta xa̱ꞌnda chiño na no̱o̱ ni̱vi nañoo Edom ki̱vi̱ o̱n ta̱ꞌán ka̱ koo ñii rey no̱o̱ ni̱vi naIsrael.
32 Ta̱Bela sa̱ꞌya ta̱Beor,
xi̱kuu ta̱rey no̱o̱ nañoo Edom,
ta̱ñoo Dinaba xi̱kuu ra.
33 Ki̱vi̱ ni̱xiꞌi̱ ta̱Bela,
ta ta̱Jobab sa̱ꞌya ta̱Zera na̱kuiso chiño ra no̱o̱ ra;
ta̱ñoo Bosra xi̱kuu ta̱yóꞌo.
34 Ki̱vi̱ ni̱xiꞌi̱ ta̱Jobab,
ta ta̱Husam na̱kuiso chiño ra no̱o̱ ra;
ta̱ñoo Temán xi̱kuu ta̱yóꞌo.
35 Ki̱vi̱ ni̱xiꞌi̱ ta̱Husam,
ta ta̱ na̱kuiso chiño no̱o̱ ra xi̱kuu ta̱Hadad sa̱ꞌya ta̱Bedad xi̱kuu ra,
ta ta̱Hadad xi̱kuu ta̱a ta̱ ku̱ndeé no̱o̱ naMadián yuku̱ Moab,
ta̱ñoo Avit xi̱kuu ra.
36 Ki̱vi̱ ni̱xiꞌi̱ ta̱Hadad ta ta̱ na̱kuiso chiño no̱o̱ ra xi̱kuu ta̱Samla,
ta̱ ki̱xi ñoo Masreca.
37 Ki̱vi̱ ni̱xiꞌi̱ ta̱Samla ta ta̱ na̱kuiso chiño no̱o̱ ra xi̱kuu ta̱Saúl,
ta̱ ki̱xi ñoo Rehobot,
ñoo ña nákaa̱ yuꞌu̱ yu̱ta Éufrates kúu ña.
38 Ki̱vi̱ ni̱xiꞌi̱ ta̱Saúl ta ta̱ na̱kuiso chiño no̱o̱ ra xi̱kuu ta̱Baal‑hanán,
sa̱ꞌya ta̱Acbor xi̱kuu ra.
39 Ki̱vi̱ ni̱xiꞌi̱ ta̱Baal‑hanán ta ta̱ na̱kuiso chiño no̱o̱ ra xi̱kuu ta̱Hadar,
ta ta̱ñoo Pau xi̱kuu ra.
Ñásíꞌí ta̱Hadar na̱ní ñá Mehetabel ñá xi̱kuu sa̱ꞌya ta̱Matred,
sa̱ꞌya ñani ta̱Mezaab xi̱kuu ñá.
40 Ñayóꞌo kúu ki̱vi̱ nanáꞌno no̱o̱ ñii ñii tiꞌvi ni̱vi na xi̱kuu sa̱ꞌya ñani síkuá ta̱Esaú.
Ñii ñii tiꞌvi ni̱vi yóꞌo xi̱taku̱ na no̱o̱ ñoꞌo̱ Edom,
ta xiiña no̱o̱ xi̱taku̱ ñii ñii nanáꞌno yóꞌo kómí ña ki̱vi̱ na.
Na̱ní nanáꞌno yóꞌo saá:
Timna,
Alva,
Jetet,
41 Aholibama,
Ela,
Pinón,
42 Cenaz,
Temán,
Mibzar,
43 Magdiel xíꞌin Iram.
Ndiꞌi nayóꞌo xi̱kuu nanáꞌno no̱o̱ ñii ñii tiꞌvi ni̱vi na xi̱taku̱ no̱o̱ ñoꞌo̱ Edom.
Ñii kúu ki̱vi̱ nanáꞌno yóꞌo xíꞌin xiiña no̱o̱ xi̱taku̱ na.
Ta ta̱Esaú,
ta̱ na̱ní Edom,
ta̱xi̱i̱ síkuá ndiꞌi ni̱vi nañoo Edom xi̱kuu ra.