Ñayóꞌo káꞌa̱n xa̱ꞌa̱ nasa̱ꞌya ñani síkuá ta̱Noé ta xa̱ꞌa̱ naveꞌe nayóꞌo
10
Nayóꞌo kúu nasa̱ꞌya ñani síkuá ta̱Sem,
ta̱Cam xíꞌin ta̱Jafet,
na kúu sa̱ꞌya ta̱Noé;
ta ndi̱ꞌi ni̱yaꞌa ko̱on sa̱vi̱ ndiví,
ta u̱ni̱ nata̱a yóꞌo ni̱xi̱na̱ kua̱ꞌa̱ ní sa̱ꞌya na.
2 Sa̱ꞌyaa ta̱Jafet xi̱kuu ta̱Gomer,
ta̱Magog,
ta̱Madai,
ta̱Javán,
ta̱Tubal,
ta̱Mesec xíꞌin ta̱Tiras.
Ta nayóꞌo xi̱kuu naxi̱i̱ síkuá tiꞌvi ni̱vi na xi̱naní mi̱i ki̱vi̱ yóꞌo.
3 Sa̱ꞌya ta̱Gomer xi̱kuu ta̱Askenaz,
ta̱Rifat xíꞌin ta̱Togarma.
4 Sa̱ꞌya ta̱Javán xi̱kuu ta̱Elisa,
ta̱Tarsis,
ta̱Quitim xíꞌin ta̱Dodanim.
5 Ndiꞌi ni̱vi yóꞌo xi̱kuu nasa̱ꞌya ñani síkuá ta̱Jafet,
ta ni̱xi̱ta̱ níꞌnó na xi̱taku̱ na yuꞌu̱ mi̱ni;
kua̱ꞌa̱ ní tiꞌvi xi̱kuu na,
ñii tiꞌvi ñii tiꞌvi xi̱taku̱ na ñoo na,
ta xi̱komí na ñoꞌo̱ mi̱i na,
ta ni̱xi̱yo to̱ꞌon mi̱i na ña ni̱ka̱ꞌa̱n na.
6 Sa̱ꞌya ta̱Cam xi̱kuu ta̱Cus,
ta̱Mizraim,b
ta̱Fut xíꞌin ta̱Canaán.
Ta nayóꞌo xi̱kuu naxi̱i̱ síkuá tiꞌvi ni̱vi na xi̱naní mi̱i ki̱vi̱ yóꞌo.
7 Sa̱ꞌya ta̱Cus xi̱kuu ta̱Seba,
ta̱Havila,
ta̱Sabta,
ta̱Raama xíꞌin ta̱Sabteca.
Sa̱ꞌya ta̱Raama xi̱kuu ta̱Seba xíꞌin ta̱Dedán.
8 Ta̱Cus xi̱kuu xi̱i̱ síkuác ta̱Nimrod,
ta ta̱yóꞌo xi̱kuu ñii ta̱a ta̱ siꞌna ki̱xáꞌá no̱ó ta ndeé ní ndaku ni̱xi̱yo ra no̱o̱ ndiꞌi ni̱vi.
9 Ta ta̱Nimrod ta̱a ta̱ va̱ꞌa ní xi̱kiní kiti̱ xi̱kuu ra,
nda̱tán kóni Ndios.d
Ña̱kán tá ni̱vi kóni na ka̱ꞌa̱n va̱ꞌa na xa̱ꞌa̱ inka̱ ta̱a,
yóo ñii to̱ꞌon yóꞌo ña káꞌa̱n na,
káchí na saá:
“Nda̱tán ta̱xi Ndios ndee̱ va̱ꞌa ndaꞌa̱ ta̱Nimrod ña xi̱kuu ra ta̱a ta̱ va̱ꞌa ní xi̱kiní kiti̱,
saá yóo ta̱yóꞌo.”
10 Ñoo ñano̱ó no̱o̱ xa̱ꞌnda chiño ta̱Nimrod xi̱kuu ñoo Babel,
ñoo Erec,
ñoo Acad xíꞌin ñoo Calne ña kíndo̱o no̱o̱ ñoꞌo̱ Sinar.e
11 Ke̱e ta̱Nimrod ñoo yóꞌo ta ni̱xaa̱ ra no̱o̱ ñoꞌo̱ Asiria,
no̱o̱ xa̱ki̱n ra ñoo Nínive,
ñoo Rehobot,
ñoo Cala,
12 ta ñoo Resén.
Ta ñoo Resén yóꞌo nákaa̱ ña ma̱ꞌñó o̱vi̱ ñoo ña kúu ñoo Nínive xíꞌin ñoo káꞌno Cala.
13 Ta̱Mizraim xi̱kuu xi̱i̱ síkuá naLud xíꞌin naAnam,
xíꞌin naLehab,
xíꞌin naNaftu,
14 xíꞌin naPatrus,
xíꞌin naCaslu xíꞌin naCaftor.
Ta naCaslu yóꞌo xi̱kuu xi̱i̱ síkuá ni̱vi naFilistea.
15 Ta̱Canaán xi̱kuu yivá ta̱Sidón,
sa̱ꞌya ra ta̱no̱ó,
ta ni̱xi̱yo inka̱ sa̱ꞌya ra ta̱Het.
Ta nayóꞌo xi̱kuu naxi̱i̱ síkuá tiꞌvi ni̱vi na xi̱naní mi̱i ki̱vi̱ yóꞌo.
16 Ta ta̱Canaán xi̱kuu xi̱i̱ síkuá ni̱vi naJebus,
xíꞌin naAmor,
xíꞌin naGerges,
17 xíꞌin naHev,
xíꞌin naArac,
xíꞌin naSin,
18 xíꞌin naArvad,
xíꞌin naZemar xíꞌin naHamat.
Ta saá ndiꞌi naveꞌe naCanaán ni̱xi̱ta̱ níꞌnó na ndiꞌi saá xiiña no̱o̱ ñoꞌo̱.
19 Ta ndiꞌi ñoꞌo̱ naCanaán ki̱xáꞌá ña ñoo Sidón,
ta na̱xaa̱ ña nda̱ ñoo Gaza ña nákaa̱ no̱o̱ yóo yichi̱ ña kua̱ꞌa̱n ñoo Gerar,
ta ñoꞌo̱ ni̱vi yóꞌo ni̱yaꞌa ña na̱xaa̱ no̱o̱ ña nda̱ ñoo Lasa ña nákaa̱ yichi̱ ña kua̱ꞌa̱n chí ñoo Sodoma,
ñoo Gomorra,
ñoo Adma xíꞌin ñoo Zeboim.
20 Ndiꞌi ni̱vi yóꞌo xi̱kuu nasa̱ꞌya ñani síkuá ta̱Cam,
ta kua̱ꞌa̱ ní tiꞌvi xi̱kuu na,
ñii tiꞌvi ñii tiꞌvi xi̱taku̱ na ñoo na,
ta ñii tiꞌvi ñii tiꞌvi xi̱komí na ñoꞌo̱ mi̱i na,
ta ni̱xi̱yo to̱ꞌon mi̱i na ña ni̱ka̱ꞌa̱n na.
21 Ta ta̱Sem,
ta̱ kúu ñani ta̱ káꞌno ka̱ no̱o̱ ta̱Jafet,
ni̱xi̱yo sa̱ꞌya ra.
Ta ta̱Sem xi̱kuu ra xi̱i̱ síkuá ndiꞌi nasa̱ꞌya ta̱Heber.
22 Ta sa̱ꞌya ta̱Sem xi̱kuu ta̱Elam,
ta̱Asur,
ta̱Arfaxad,
ta̱Lud xíꞌin ta̱Aram.
Ta nayóꞌo xi̱kuu naxi̱i̱ síkuá tiꞌvi ni̱vi na xi̱naní mi̱i ki̱vi̱ yóꞌo.
23 Sa̱ꞌya ta̱Aram xi̱kuu ta̱Uz,
ta̱Hul,
ta̱Geter xíꞌin ta̱Mas.
24 Ta̱Arfaxad xi̱kuu yivá ta̱Sala.
Ta ta̱Sala xi̱kuu yivá ta̱Heber.
25 Ta ta̱Heber ni̱xi̱yo o̱vi̱ sa̱ꞌya ra;
ñii ra xi̱naní Peleg,f
chi kui̱ya̱ xi̱taku̱ ra,
ni̱vi ñoyívi yóꞌo na̱ta̱ꞌvi̱ táꞌan na ta ndu̱u na kua̱ꞌa̱ ní tiꞌvi ni̱vi;
ñani ta̱Peleg xi̱naní Joctán.
26 Ta ta̱Joctán xi̱kuu yivá ta̱Almodad,
ta̱Selef,
ta̱Hazar‑mavet,
ta̱Jera,
27 ta̱Adoram,
ta̱Uzal,
ta̱Dicla,
28 ta̱Obal,
ta̱Abimael,
ta̱Seba,
29 ta̱Ofir,
ta̱Havila xíꞌin ta̱Jobab.
Ndiꞌi nayóꞌo xi̱kuu sa̱ꞌya ta̱Joctán.
30 Ta ñoꞌo̱ no̱o̱ xi̱taku̱ na,
ki̱xáꞌá ña ñoo Mesa,
ta na̱xaa̱ no̱o̱ ña a̱nda̱ ñoo Sefar,
ña nákaa̱ no̱o̱ yóo kua̱ꞌa̱ ní yuku̱ chí no̱o̱ va̱xi kana ño̱ꞌo.
31 Ndiꞌi nayóꞌo xi̱kuu nasa̱ꞌya ñani síkuá ta̱Sem,
ta kua̱ꞌa̱ ní tiꞌvi xi̱kuu na,
ñii tiꞌvi ñii tiꞌvi xi̱taku̱ na ñoo na,
ta xi̱komí na ñoꞌo̱ mi̱i na,
ta ni̱xi̱yo to̱ꞌon mi̱i na ña ni̱ka̱ꞌa̱n na.
32 Ndiꞌi ni̱vi yóꞌo xi̱kuu nasa̱ꞌya ñani síkuá ta̱Noé,
ta ndu̱u na kua̱ꞌa̱ ní tiꞌvi ni̱vi.
Tá ndi̱ꞌi ni̱yaꞌa ña ko̱on sa̱vi̱ ndiví naꞌá,
ta ni̱xi̱ta̱ níꞌnó ñii ñii tiꞌvi ni̱vi yóꞌo,
ta ki̱sa va̱ꞌa na ñoo mi̱i na,
ta ni̱xi̱na̱ ní na ndiꞌi saá xiiña ñoyívi no̱o̱ ñoꞌo̱.