Ñayóꞌo káꞌa̱n xa̱ꞌa̱ ña o̱n váꞌa ña kéꞌé ni̱vi
6
Ta ki̱xáꞌá kua̱ꞌa̱ ní ni̱vi ni̱xi̱na̱ ñoyívi yóꞌo,
ta ka̱ku kua̱ꞌa̱ ní násíꞌí sa̱ꞌya na.
2 Ta naníma̱ na náꞌa nda̱tán náꞌa nata̱aa xi̱to na násíꞌí yóꞌo livi ní ná,
ta saá na̱ka̱xin na ná kúsii̱ ini na xíni na,
ta to̱nda̱ꞌa̱ na xíꞌin ná.
3 Ta Ndiosb ni̱ka̱ꞌa̱n ra,
káchí ra saá:
“O̱n taxi i̱ ña kutaku̱ ndiꞌi ni̱vi ndiꞌi saá ki̱vi̱ ñoyívi no̱o̱ ñoꞌo̱,
chi kómí na yi̱kí ko̱ñu na ña ndiꞌi xa̱ꞌa̱,
ta ndasaá kuiti kutaku̱ na ñii ciento o̱ko̱ kui̱ya̱ ñoyívi no̱o̱ ñoꞌo̱”,
káchí Ndios.
4 Ta naníma̱ to̱nda̱ꞌa̱ na xíꞌin násíꞌí sa̱ꞌya ni̱vi na xi̱taku̱ kui̱ya̱ yóꞌo,
ta ka̱ku sa̱ꞌya na xíꞌin ná.
Ta sa̱ꞌya nayóꞌo xi̱kuu ni̱vi na síkón ní ni̱xi̱yo,
na xi̱kanóo to̱ꞌon xa̱ꞌa̱,
ndaku ní na ta téé ní ni̱xi̱yo na xi̱taku̱ na kui̱ya̱ xi̱na̱ꞌá.
5 Ta Ndios xi̱to ra ndeé ní kéꞌé ni̱vi ña o̱n váꞌa ñoyívi yóꞌo,
ta ni̱vi yóꞌo kuiti xáni si̱ni̱ na ta nákaa̱ ña níma̱ na keꞌé na kua̱ꞌa̱ ní ña o̱n váꞌa ndiꞌi saá ki̱vi̱.
6 Ta xa̱ꞌa̱ ñayóꞌo kúchuchú ní ini Ndios xa̱ꞌa̱ ña ki̱sa va̱ꞌa ra ni̱vi.
Ta ndeé ní ni̱ka̱ꞌun níma̱ ra.
7 Ta ni̱ka̱ꞌa̱n ra,
káchí ra saá:
“Vitin sandiꞌi yó xa̱ꞌa̱ ni̱vi na ki̱sa va̱ꞌa yó,
sandiꞌi yó xa̱ꞌa̱ ndiꞌi kiti̱ tí xíka no̱o̱ ñoꞌo̱,
xíꞌin ndiꞌi kiti̱ tí ñóo ti̱xin xíka no̱o̱ ñoꞌo̱,
xíꞌin ndiꞌi kiti̱ tí kómí ndi̱xi̱n,
chi kúchuchú ní ini yó xa̱ꞌa̱ ña ki̱sa va̱ꞌa yó ni̱vi xíꞌin ndiꞌi kiti̱ yóꞌo”,
káchí ra.
8 Ta saá ni,
Ndios ku̱sii̱ ní ini ra xíni ra ta̱Noé.
Ñayóꞌo káꞌa̱n xa̱ꞌa̱ barco tón ki̱sa va̱ꞌa ta̱Noé
9 Ñayóꞌo ndáto̱ꞌon xa̱ꞌa̱ yukía̱ ni̱ndoꞌo ta̱Noé.
Ta̱Noé va̱ꞌa ní ta̱a xi̱kuu ra,
ta chi̱kaa̱ so̱ꞌo ní ra ña káꞌa̱n Ndios.
Ta no̱o̱ ndiꞌi ni̱vi na xi̱taku̱ ñoyívi kui̱ya̱ yóꞌo,
ndasaá kuiti ta̱Noé xi̱nataꞌan ra xíꞌin Ndios ta xi̱taku̱ ra nda̱tán kóni mi̱i Ndios.
10 Ta ta̱Noé kómí ra u̱ni̱ sa̱ꞌya ra,
na kúu ta̱Sem,
ta̱Cam xíꞌin ta̱Jafet.
11 Ta Ndios xi̱to ra ñoyívi yóꞌo chútú ña o̱n váꞌa xíꞌin ña káni táꞌan ni̱vi.
12 Ta xi̱to Ndios ndiꞌi ni̱vi ndeé ní kéꞌé na ña o̱n váꞌa,
chi na ni̱ti̱ví kúu ndiꞌi na.
13 Ta ni̱ka̱ꞌa̱n ra xíꞌin ta̱Noé,
káchí ra saá:
―Vitin chi̱kaa̱ ini i̱ sandiꞌi i̱ xa̱ꞌa̱ ndiꞌi ni̱vi,
chi ndiva̱ꞌa ní táku̱ na káni táꞌan na xa̱ꞌa̱ kua̱chi na,
ta saá sandiꞌi i̱ xa̱ꞌa̱ na ta sandiꞌi i̱ xa̱ꞌa̱ ndiꞌi ña yóo no̱o̱ ñoꞌo̱.
14 Vitin kasa va̱ꞌa ún ñii tón barco xíꞌin yito̱n va̱ꞌa na̱ní nó gofer;
koo cuarto ini nó,
ta xíꞌin ña kisín nduta̱ to̱ón tá na̱ní brea,
nakasi ndiꞌi ún nó no̱o̱ nákutáꞌan vi̱ti̱ nó,
ta chí ini nó xíꞌin sa̱ta̱ nó koo ndiꞌi saá,
ña o̱n ki̱ꞌvi takuií ini nó.
15 Ta xíꞌin ki̱ꞌva yóꞌo kasa va̱ꞌa ún tón barco:
koo nó ñii ciento o̱ko̱ xa̱ꞌo̱n metroc ñakáni̱ nó,
ta koo nó o̱ko̱ o̱vi̱ metro ñandíka̱ nó,
ta u̱xu̱ u̱ni̱ metro koo nó ñasíkón nó.
16 Kasa va̱ꞌa ún tón barco ña kukomí nó u̱ni̱ piso,
ta kukomí nó ñii ventana ña sava metro ña koo no̱o̱ nákutáꞌan kándíká xíꞌin si̱ni̱ tón barco;
ta kukomí tón barco ñii yéꞌé nó ña koo ñii táꞌví sii̱n nó.
17 Chi yi̱ꞌi̱ ndixa sakoon i̱ sa̱vi̱ ndiví naꞌá ñoyívi no̱o̱ ñoꞌo̱,
ta kutú rá no̱o̱ ñoꞌo̱,
ta ndaa rá no̱o̱ yuku̱ síkón,
ta ndiꞌi xa̱ꞌa̱ ta kivi̱ ndiꞌi ña táku̱ ndiꞌi saá xiiña no̱o̱ ñoꞌo̱ yóꞌo.
18 Ta chindúꞌu̱ i̱ to̱ꞌon ña kindo̱o i̱ xíꞌin ún,
ta ki̱ꞌvi ún ini tón barco xíꞌin ñásíꞌí ún,
xíꞌin nasa̱ꞌya ún,
xíꞌin náxa̱no ún.
19 Ta taxi ún ki̱ꞌvi kiti̱ ini tón barco,
ñii chée xíꞌin ñii siꞌí ndiꞌi saá no̱o̱ kiti̱ tí yóo ñoyívi no̱o̱ ñoꞌo̱ ña ka̱ku rí xíꞌin ndó ta o̱n ndiꞌi xa̱ꞌa̱ rí.
20 Ña̱kán ki̱ꞌvi ñii ñii no̱o̱ kiti̱ nda̱tán yóo mi̱i rí,
saá ki̱ꞌvi ndiꞌi kiti̱ xíꞌin ún,
o̱vi̱ o̱vi̱ no̱o̱ ndiꞌi kiti̱ tí kómí ndi̱xi̱n,
xíꞌin o̱vi̱ o̱vi̱ no̱o̱ ndiꞌi kiti̱ tí xíka no̱o̱ ñoꞌo̱,
xíꞌin o̱vi̱ o̱vi̱ no̱o̱ ndiꞌi kiti̱ tí ñóo ti̱xin xíka no̱o̱ ñoꞌo̱,
ña ka̱ku rí ta o̱n ndiꞌi xa̱ꞌa̱ rí.
21 Ta xíni̱ ñóꞌó nakaya ún ndiꞌi ña kaxi ndó ta ndiꞌi ña kaxi kiti̱,
ta taan va̱ꞌa ún ndiꞌi ña ini tón barco ―káchí Ndios.
22 Ta saá ta̱Noé ki̱sa ndivi ra nda̱tán yóo ndiꞌi ña xa̱ꞌnda chiño Ndios no̱o̱ ra.