3 Ta ta̱Adán kómí ra ñii ciento o̱ko̱ u̱xu̱ kui̱ya̱,

ta saá ka̱ku sa̱ꞌya ra xíꞌin ñásíꞌí ra,

ta sa̱kunaní ñaꞌá ra Set;

nda̱tán yóo mi̱i ra,

saá yóo ta̱Set.

4 Ta ta̱Adán xi̱taku̱ ra inka̱ o̱na̱ ciento kui̱ya̱,

ta ni̱xi̱yo kua̱ꞌa̱ ka̱ sa̱ꞌya ra,

ta̱a xíꞌin ñaꞌa̱.

5 Ta ndiꞌi kui̱ya̱ xi̱taku̱ ra xi̱kuu ña i̱i̱n ciento o̱ko̱ u̱xu̱ kui̱ya̱,

ta ni̱xiꞌi̱ ra.

6 Ta ta̱Set kómí ra ñii ciento o̱ꞌo̱n kui̱ya̱,

ta saá ka̱ku sa̱ꞌya ra xíꞌin ñásíꞌí ra,

ta chi̱nóo na ki̱vi̱ ra,

na̱ní ra Enós.

7 Ta ta̱Set xi̱taku̱ ra inka̱ o̱na̱ ciento u̱xa̱ kui̱ya̱,

ta ni̱xi̱yo kua̱ꞌa̱ ka̱ sa̱ꞌya ra,

ta̱a xíꞌin ñaꞌa̱.

8 Ta ndiꞌi kui̱ya̱ xi̱taku̱ ra xi̱kuu ña i̱i̱n ciento u̱xu̱ o̱vi̱ kui̱ya̱,

ta ni̱xiꞌi̱ ra.

9 Ta ta̱Enós kómí ra ko̱mi̱ si̱ko̱ u̱xu̱ kui̱ya̱,

ta ka̱ku sa̱ꞌya ra xíꞌin ñásíꞌí ra,

ta chi̱nóo na ki̱vi̱ ra,

na̱ní ra Cainán.

10 Ta ta̱Enós xi̱taku̱ ra inka̱ o̱na̱ ciento xa̱ꞌo̱n kui̱ya̱,

ta ni̱xi̱yo kua̱ꞌa̱ ka̱ sa̱ꞌya ra,

ta̱a xíꞌin ñaꞌa̱.

11 Ta ndiꞌi kui̱ya̱ xi̱taku̱ ra xi̱kuu ña i̱i̱n ciento o̱ꞌo̱n kui̱ya̱,

ta ni̱xiꞌi̱ ra.

12 Ta ta̱Cainán kómí ra u̱ni̱ si̱ko̱ u̱xu̱ kui̱ya̱,

ta ka̱ku sa̱ꞌya ra xíꞌin ñásíꞌí ra,

ta chi̱nóo na ki̱vi̱ ra,

na̱ní ra Mahalaleel.

13 Ta ta̱Cainán xi̱taku̱ ra inka̱ o̱na̱ ciento o̱vi̱ si̱ko̱ kui̱ya̱,

ta ni̱xi̱yo kua̱ꞌa̱ ka̱ sa̱ꞌya ra,

ta̱a xíꞌin ñaꞌa̱.

14 Ta ndiꞌi kui̱ya̱ xi̱taku̱ ra xi̱kuu ña i̱i̱n ciento u̱xu̱ kui̱ya̱,

ta ni̱xiꞌi̱ ra.

15 Ta ta̱Mahalaleel kómí ra u̱ni̱ si̱ko̱ o̱ꞌo̱n kui̱ya̱,

ta ka̱ku sa̱ꞌya ra xíꞌin ñásíꞌí ra,

ta chi̱nóo na ki̱vi̱ ra,

na̱ní ra Jared.

16 Ta ta̱Mahalaleel xi̱taku̱ ra inka̱ o̱na̱ ciento o̱ko̱ u̱xu̱ kui̱ya̱,

ta ni̱xi̱yo kua̱ꞌa̱ ka̱ sa̱ꞌya ra,

ta̱a xíꞌin ñaꞌa̱.

17 Ta ndiꞌi kui̱ya̱ xi̱taku̱ ra xi̱kuu ña o̱na̱ ciento ko̱mi̱ si̱ko̱ xa̱ꞌo̱n kui̱ya̱,

ta ni̱xiꞌi̱ ra.

18 Ta ta̱Jared kómí ra ñii ciento u̱ni̱ si̱ko̱ o̱vi̱ kui̱ya̱,

ta ka̱ku sa̱ꞌya ra xíꞌin ñásíꞌí ra,

ta chi̱nóo na ki̱vi̱ ra,

na̱ní ra Enoc.

19 Ta ta̱Jared xi̱taku̱ ra inka̱ o̱na̱ ciento kui̱ya̱,

ta ni̱xi̱yo kua̱ꞌa̱ ka̱ sa̱ꞌya ra,

ta̱a xíꞌin ñaꞌa̱.

20 Ta ndiꞌi kui̱ya̱ xi̱taku̱ ta̱Jared xi̱kuu ña i̱i̱n ciento u̱ni̱ si̱ko̱ o̱vi̱ kui̱ya̱,

ta ni̱xiꞌi̱ ra.

21 Ta ta̱Enoc kómí ra u̱ni̱ si̱ko̱ o̱ꞌo̱n kui̱ya̱,

ta ka̱ku sa̱ꞌya ra xíꞌin ñásíꞌí ra,

ta chi̱nóo na ki̱vi̱ ra,

na̱ní ra Matusalén.

22 Ta ta̱Enoc xi̱nataꞌan ra xíꞌin Ndios ta xi̱taku̱ ra nda̱tán kóni mi̱i Ndios.

Ta ndi̱ꞌi ka̱ku ta̱Matusalén,

ta saá ta̱Enoc xi̱taku̱ ra inka̱ u̱ni̱ ciento kui̱ya̱,

ta ni̱xi̱yo kua̱ꞌa̱ ka̱ sa̱ꞌya ra,

ta̱a xíꞌin ñaꞌa̱.

23 Ta ndiꞌi kui̱ya̱ xi̱taku̱ ra xi̱kuu ña u̱ni̱ ciento u̱ni̱ si̱ko̱ o̱ꞌo̱n kui̱ya̱.

24 Ta xa̱ꞌa̱ ña xi̱taku̱ ra xíꞌin ña sa̱kusii̱ ra ini Ndios,

ta saá ki̱xaa̱ ñii ki̱vi̱ ta o̱n vása ní‑xiyo ka̱ ra ñoyívi yóꞌo,

chi mi̱i Ndios na̱kiꞌin táku̱ ñaꞌá ra kua̱ꞌa̱n ra xíꞌin ra ñoyívi ni̱no.

25 Ta ta̱Matusalén kómí ra ñii ciento ko̱mi̱ si̱ko̱ u̱xa̱ kui̱ya̱,

ta ka̱ku sa̱ꞌya ra xíꞌin ñásíꞌí ra,

ta chi̱nóo na ki̱vi̱ ra,

na̱ní ra Lamec.

26 Ta ta̱Matusalén xi̱taku̱ ra inka̱ u̱xa̱ ciento ko̱mi̱ si̱ko̱ o̱vi̱ kui̱ya̱,

ta ni̱xi̱yo kua̱ꞌa̱ ka̱ sa̱ꞌya ra,

ta̱a xíꞌin ñaꞌa̱.

27 Ta ndiꞌi kui̱ya̱ xi̱taku̱ ra xi̱kuu ña i̱i̱n ciento u̱ni̱ si̱ko̱ i̱i̱n kui̱ya̱,

ta ni̱xiꞌi̱ ra.

28 Ta ta̱Lamec kómí ra ñii ciento ko̱mi̱ si̱ko̱ o̱vi̱ kui̱ya̱,

ta ka̱ku sa̱ꞌya ra xíꞌin ñásíꞌí ra.

29 Ta chi̱nóo na ki̱vi̱ ra,

na̱ní ra Noé,^b

chi ta̱Lamec ni̱ka̱ꞌa̱n ra,

káchí ra saá:

“Ndios sa̱ta̱vi̱ chiꞌña ra ñoꞌo̱ yóꞌo,

ta xa̱ꞌa̱ ñayóꞌo xíni̱ ñóꞌó ndeé ní kasa chiño yó ña koo ña kaxi yó.

Ta ta̱loꞌo yóꞌo taxi ra ña nduva̱ꞌa ini yó”,

káchí ta̱Lamec.

30 Ta ndi̱ꞌi ka̱ku ta̱Noé,

ta saá ta̱Lamec xi̱taku̱ ra inka̱ o̱ꞌo̱n ciento ko̱mi̱ si̱ko̱ xa̱ꞌo̱n kui̱ya̱,

ta ni̱xi̱yo kua̱ꞌa̱ ka̱ sa̱ꞌya ra,

ta̱a xíꞌin ñaꞌa̱.

31 Ta ndiꞌi kui̱ya̱ xi̱taku̱ ra xi̱kuu ña u̱xa̱ ciento u̱ni̱ si̱ko̱ xa̱ꞌo̱n o̱vi̱ kui̱ya̱,

ta ni̱xiꞌi̱ ra.

32 Ta ta̱Noé kómí ra o̱ꞌo̱n ciento kui̱ya̱,

ta saá ni̱xi̱yo sa̱ꞌya ra xíꞌin ñásíꞌí ra;

nayóꞌo xi̱kuu ta̱Sem,

ta̱Cam xíꞌin ta̱Jafet.