Ɓaria Cautera mala Bitǝrus ka à gìlǝì aban ká aban amǝkwaɗi arǝ a'ikǝlisiya pas ɓara-ɓara mǝnana à kutia ɓa ɓosǝkiban mala amǝ'ɓangna mǝ'nyirì ka. Amǝnia yia amǝ'ɓangna mǝ'nyirì ka, aɓwana na aɓalǝ amǝkwaɗi. À kutia kanigir mana kyanggi kanigir andǝ nggurcau mǝ'mǝsǝcau nì, mana à kumo a bu amǝ'mishan mǝdǝmbe; yia amǝ'mishan mǝnana nǝ nggearǝia ka à sǝn Yesu sǝ à ok kanigir a kuni ka. Ɓariki mala mǝgilǝgir ka, kǝ earce tamsǝ turo mala amǝ kanigir nyirì man andǝ kiɗìkì mǝnana nǝ̀ yiu aɓa kanigir malea ka. Yia amǝ kanigir nyirì ka à tsǝk aɓea amǝkwaɗi à kutia ndali nǝ man tsǝa sǝ ba ado Kǝrǝsti malaká nyar raka, ɓǝ̀ kàngkàng nǝ̀ nyare nǝ̀ yiu ka. Mǝgilǝgir bǝlɓalǝi ama Mǝtalabangŋo ka kǝ dǝndi arǝ nyare male ɗang, sǝa ma nda rǝ pak munyi ace nyinggi koyan ngga njar ɓǝ̀ pǝlǝ nzǝmi arǝ acauɓikea male ɓǝ̀ pwanzali (3:9). Mǝgilǝgir kwarkir amǝkwaɗi ɓǝa dukdo mǝnana nǝ̀ pwasǝbum Ɓakuli ka. Amur mǝnana à nǝ̀ nggǝ kwaki kiria arǝ cau ɓalkiɓabum mǝnana à kwakia aɓa kutan ngga, amǝkwaɗi ɓǝa tsǝk ɗenyicau pepe arǝ cau mala Yesu sǝ ɓǝa nying Bangŋo Mǝfele ɓǝ̀ gingnǝ ɓabumia.