Cautera mǝdǝmbe mala Bitǝrus ka à gilǝì aban kà aban amǝkwaɗi, mǝnana à tunǝia akani ama “Aɓwana mala Ɓakuli mǝnana tària” ka (1:2), yia mǝnana à mesǝkea aɓa njarnza mala nzali Asiya Mǝkyauwe ka. Tǝ́r gilǝ mǝnia yì cautera ka nda ace ɓakɓabum amǝ ɓallè, mǝnana à nda aɓa kum patanni andǝ karǝkiban ace paɓamuru malea ka. Aɓa cau mala mǝgilǝgir mǝnia ka, nda rǝ kasǝɓalǝ amǝ ɓallè arǝ Cau Amsǝban mala Yesu Kǝrǝsti, mǝnana lú male, andǝ loapi ɓembe male, andǝ pacau mala nyare male abania ka, kǝ pea wia tsǝkɓalǝu. Aɓa sǝlǝe mǝno anggo ka, à kǝ earce ama yia ka ɓǝa ak tanni mǝnana à nda a ɓalǝi ka nǝ gandǝrǝu, “kǝla mǝnana Kǝrǝsti gbal ka, nu tanni ace sǝm sǝ nyingga sǝmi kǝla girkani, ace mǝnana ɓǝ̀ sǝm twal kusǝì ka”; sǝ ɓǝa dumnǝ sǝlǝe kàngkàng ama amǝno yia akárǝkiban ngga à nda ace mwam came mǝɓafoe mala paɓamuru malea, sǝ ɗǝm ngga à nǝ̀ yia kum tangnakusǝia “a Pwari mǝnana Yesu Kǝrǝsti nǝ̀ lǝmndǝna rǝì nǝi aban ɓwapǝndǝa kat ka” (1:7).

Ata mǝnia yì ɓakɓabum a pwari mala tanni ka, mǝgilǝgir ɗǝm ngga kǝ kwarkir amǝ ɓal mǝnia yì cau ka ɓǝa do kǝla aɓwana mǝnana a mala Kǝrǝsti na ka.