Cautera mala Jemis mǝ'eam Mǝtalabangŋo Yesu ka, gilǝì a nre ka pǝlǝa lumi-ine-bwamdǝ-tongno aban ká lumi tongno a nzǝm lo mala Yesu a ɓembe (45-50 AD). Jemis gilǝ cautera mǝnia ka ace amǝ Yahudi mǝnana amǝkpata Yesu na, mǝnana patanni mesǝkia arǝ aban ɗàngɗáng a bum ɓanza ka. À gilǝì ace lǝmndǝì akǝrǝsta njar mǝnana ɓoaro ɓǝa dum nǝi, aɓa do mǝnana nǝ̀ pwasǝ bum Ɓakuli, aɓalǝ aturo malea kat aban aɓwana ka. Mǝno ka nǝ̀ lǝmndǝ ama à pana ɓamuria nǝ mǝsǝcau aban Mǝtalabangŋo Yesu. Amǝɓalle ka à kǝ ɓak ɓabumia ɓǝa alta sǝlǝe mala Ɓakuli, sǝ ɓǝa lidǝmbǝa nǝ do pa ɓamuru aban Yesu, ko ɓǝa nda aɓa karǝkiban ngga. Cau mǝgule a ɓalǝi ka nda mana ama paɓamuru mǝ'mǝsǝcau nì kǝ lǝmndǝ rǝì aɓa earcearǝu. Jemis bangŋa ama paɓamuru mǝnana pà nǝ̀ kánǝ ɓwa arǝ pakki aturo mǝɓoarne raka, mǝɓane na. Kǝ ɓuaki arǝ amǝkwaɗi ɓǝa ok cau mala Ɓakuli sǝ ɓǝa kpata ce. Jemis kǝ kwarkir amǝɓal mǝnia yì malǝmce ka ɓǝa dum nǝ munyi ko ɓǝ̀ lang sǝ tanni andǝ karǝkiban kumia ka, sǝ ɓǝa pa ɓamuria aban Ɓakuli aɓa hiwi.