Cautera mǝdǝmbe mala Bulǝs aban ká aban
AMƏ KORINTI
Mǝncau
Cautera Mǝdǝmbe mala Bulǝs aban ká aban Amǝ Korinti ka, à gìlǝì ace gilǝki ɓa cau mala agir-yinǝ-tanni aɓa do kwaɗi andǝ paɓamuru, amǝnana à yì lo aɓa ikǝlisiya mana Bulǝs angŋa dǝmbǝa tinate a Korinti ka. A baku mǝno ka, Korinti ka nggeala mǝgule mala amǝ Gǝrik na sǝ nda ban-mǝgule mala bu-nzali Akaya aɓa nzali Roma.
Nggeamurǝmi bumpina mala mǝ'mishan ngga, nda amur atanni mala do gakitarǝu, andǝ do kiɗìkì mala nonggi nǝ rǝarǝu aɓa ikǝlisiya, andǝ aɗikiaban amur acau mala pak-mɓwama andǝ doɓala, andǝ acau mala gir mǝnana ɓwa nǝ̀ sǝlǝa a ɓabumi ama nda mǝɓoarne, andǝ kpata nzongcau mala ikǝlisiya, andǝ aɓoro mala Bangŋo Mǝfele, andǝ lǝmndǝ earcearǝu, andǝ lo a ɓembe. Nǝ sǝne mǝlime sǝ yì ka, lǝmndǝ lang sǝ Cau Amsǝban kǝ na cau amur amǝnia yì agir ka.
Amur acau
Mǝncau1:1-9
Do gakitarǝu aɓa ikǝlisiya1:10–4:21
Do kiɗiki mala nonggi nǝ rǝarǝu andǝ doɓala andǝ amuna5:1–7:40
Do mala amǝkwaɗi andǝ aɓwana mǝnana amǝkwaɗi na raka8:1–11:1
Do mala ikǝlisiya andǝ peri aban Ɓakuli11:2–14:40
Loapi ɓembe mala Kǝrǝsti andǝ mala amǝkwaɗi15:1-58
Paɓoro aban ká aban amǝkwaɗi mǝnana a nzali Yahudi ka16:1-4
Acau mala ɓamuri, yì mǝgilǝgir andǝ masǝlǝata acau16:5-24