Cautera mala Bulǝs aban ká aban amǝ Roma ka Bulǝs gilǝì ace bǝlki ɓa bwaltagir male amur paɓamuru mǝnana ndakam aɓa kpata Kǝrǝsti, andǝ gir mana mǝnia yì paɓamuru kǝ yinǝi aɓa do mala amǝkwaɗi ka. Mugulacau ka nda mǝnana ama, ɓwapǝndǝa kat ka à nda aɓa ɓealǝu mǝɓane mala cauɓikea sǝ auwa pà kàm ɗang. Ɗǝm ngga, sǝm kat ka sǝm nda ka amǝ'cauɓikea a ɓadǝm Ɓakuli, kun nacau pà kàm a bu sǝm ɗang. Sǝa ma Ɓakuli gilǝkina njar mala puri ɓa mǝnia yì ɓealǝu nggea mǝɓike andǝ mǝpà ɓangciuì ka, mǝnana yi túr Muni Yesu ɓǝ̀ yi wú ace acauɓikea ma'sǝm ngga. Nǝ́ ɓwamuru male ka, Ɓakuli kǝ twal sǝm, sǝm mǝnana sǝm pa ɓamuru aban Kǝrǝsti ka, sǝm nda ka amǝ'cauɓoarna abani. Nǝ́ paɓamuru ka, dupǝna sǝm pup ɓǝ̀ sǝm ak mǝnia yì ɓoro mala Ɓakuli, sǝ ɓǝ̀ sǝm tita dukdo mala amǝ kpata Kǝrǝsti. Mǝnia yì Cau Amsǝban mǝgule ka dumǝna pup à nǝ̀ hamnǝi a koya ban, aban aɓwana aɓa ɓanza kat.