Jaꞌ jun libro tiꞌ jix tzꞌibꞌelecan yet abꞌil 90 d.C. Jaꞌ naj Juan jix tzꞌibꞌencan yet eyecꞌ naj bꞌey conobꞌ Éfeso.

Bꞌabꞌel Juan sbꞌi jun carta tiꞌ, jaꞌton jun sbꞌabꞌel carta naj apóstol Juan jix stzꞌibꞌetoj tet ebꞌ creyente bꞌey junjun lugar. Jaꞌ tzet chi yal jun carta tiꞌ, tol sowalil chi scamcꞌulne sbꞌa ebꞌ. Jaꞌ mac chi scamcꞌulne yet animail, chi yal yeloc apnoj tol yotaj Dios, yutol caw ey scamcꞌulal Dios yin ebꞌ ánima. Ey caabꞌ cuybꞌanile chi yal jun carta tiꞌ: Bꞌabꞌel, chi akꞌle stecꞌanil snaꞌbꞌal ebꞌ yin Dios cꞌal yin Jesucristo. Scaabꞌ, chi al-le tet ebꞌ creyente tol man comonoj chi oc tzajan ebꞌ yin wan txꞌoj cuybꞌanile, yet watxꞌ tol asanne yin Dios eyoc snaꞌbꞌal ebꞌ. Yutol jaꞌ ebꞌ tuꞌ chi yal ebꞌ tol jaꞌ Naj Scꞌaal Dios man ocnaj oj yin animail. Chi yalon pax ebꞌ tol jaꞌ tzet chi cu waꞌne bꞌey yul yibꞌankꞌinal tiꞌ, caxcꞌal pena, cꞌam yalon yet yin cu colbꞌanil yalon ebꞌ.

Jal pax naj Juan tiꞌ xin, chi yal naj tol jaꞌ Jesucristo caw yel yuninal Dios, yanaj oc sbꞌa yin animail. Jaꞌ ebꞌ chi yaoc yin scꞌul, watxꞌ ojabꞌ cꞌal chi yute sbꞌeybꞌal ebꞌ, chi scamcꞌulne cꞌal pax yet animail ebꞌ.