Jaꞌ jun libro tiꞌ jix tzꞌibꞌelecan yet abꞌil 67 d.C. Jaꞌ naj Pablo jix tzꞌibꞌencan yet eyecꞌ naj bꞌey conobꞌ Roma.

Scaabꞌ Timoteo sbꞌi jun carta tiꞌ, jaꞌton scaabꞌ carta jix stzꞌibꞌetoj naj apóstol Pablo tet naj Timoteo yu wanxa kꞌane chi yaltoj tet naj, yet chi colwa naj yetoj bꞌey cꞌal chi ecꞌ naj. Yutol yotaj xa naj Pablo tiꞌ tol tuxa oj camoj, yu jun tuꞌ, jix yakꞌ wal yip scuyle can naj Timoteo tiꞌ yu naj, yet watxꞌ chi yakꞌ techa wan porobꞌal chi jul yibꞌan naj, tecꞌan pax chi yute yakꞌon testigoal sbꞌa yin Jesucristo. Jix yalon pax toj naj tol watxꞌ chi yun yalon el skꞌane Dios naj Timoteo tiꞌ. Sowalil chi sbꞌeybꞌalne naj yilon yopiso, jaꞌton yu yalon el watxꞌ kꞌane caxcꞌal ey ebꞌ chi jowi oc yin naj. Jix yalon pax toj tet naj Timoteo tiꞌ tol man comonoj chi yaoc sbꞌa xol ebꞌ comon cꞌal chi steele sbꞌa yin comon kꞌane, yutol cꞌam niꞌoj tzet chi yakꞌa, yutol jaꞌ ebꞌ chi abꞌen wan kꞌane tuꞌ, tucꞌal chi etex el snaꞌbꞌal ebꞌ yu.

Jaꞌton wan tiꞌ jix al-letoj tet naj Timoteo, yet watxꞌ chi snaꞌtej jantaj tzet jix xꞌox Pablo tet naj, jaꞌton cuybꞌanile, yutol jaꞌ naj Pablo tiꞌ, tecꞌan yutenaj sbꞌa yet jix ale oc wan syaꞌtajilal yibꞌan.