2 Jaꞌ jex je masanil,

yelcꞌulal ojabꞌ tol chex txali tobꞌalkꞌinal,

catuꞌ che yalon yu diosalil tet Dios yet chex txali.

3 Yetoj pax oj,

chex txali ku junjun el yet chex txali,

yet watxꞌ chi oc Dios ketoj,

catuꞌ chi skeꞌ kalon eloj,

tzet jix xꞌoxel Dios yin Naj Cristo akꞌbꞌil kotajne eloj.

Jaꞌ tinaniꞌ,

yu cꞌal walon el jun tuꞌ,

yuxan preso wei.

4 Yuxan,

txalanwej wu,

yet watxꞌ jaꞌ ojabꞌ yet chi walon el skꞌaneal Cristo,

chi ojabꞌ naꞌcha el yu ebꞌ chi abꞌeni.

Jaꞌ smoo chi wun walon el skꞌaneal Naj.

5 Jaꞌ yet chex kꞌanabꞌ yetoj ebꞌ man creyenteoj junjun el,

watxꞌ ojabꞌ cꞌal che yute je bꞌeybꞌal tet ebꞌ.

6 Watxꞌ che yute kꞌanabꞌ je bꞌa,

che txꞌox je watxꞌcꞌulal tet ebꞌ.

Ta che yute jaxca tuꞌ,

oj naꞌcha je yu,

tzet oj je yute je pajtzen tzet oj skꞌanle el junjun ebꞌ ey jex.

7 Jaꞌ kuẍtaj Tíquico tiꞌ,

camcꞌulnebꞌil ku.

Caw jijem cꞌal chi yute sbꞌa smulna yin masanil yet Dios.

Eyoc naj yakꞌomaloj servil Naj Kaawil ketoj.

Oj toj yal ey jex,

tzet weoc titiꞌ.

8 Yuxan,

chin chejtoj too yal ey jex,

tzet utbꞌil kei.

Oj jex yiptze pax tituꞌ.

9 Oj toj pax kuẍtaj Onésimo yetoj.

Jaꞌ Onésimo tiꞌ,

je yet conobꞌ,

caw ey pax cu camcꞌulal yin.

Jijem cꞌal chi yute sbꞌa.

Jaꞌ ebꞌ cawan tiꞌ,

oj toj yal ebꞌ je yabꞌe,

tzet utbꞌil yoc titiꞌ.

10 Jaꞌ naj Aristarco eyoc preso wetoj titiꞌ.

Chi yatoj scawil je cꞌul tituꞌ.

Cꞌal naj Marcos,

naj yican Bernabé,

chi ya pax toj scawil je cꞌul naj.

Walnajxatoj ey jex yu naj Marcos tiꞌ,

ta oj apnoj ey jex tuꞌ,

chaꞌwej naj yin tzalacꞌulal.

11 Chi ya pax toj scawil je cꞌul naj Jesús,

naj chi yij pax Justo.

Jaꞌ xol ebꞌ wet Israel ẍaꞌnaj xa Cristo titiꞌ,

asan ebꞌ oxwan tuꞌ chi mulna wetoj,

yet watxꞌ ey ebꞌ chi oc yul skꞌabꞌ Dios.

Jaꞌ ebꞌ oxwan tiꞌ,

caw chin smimancꞌulne ebꞌ.

12 Jaꞌ naj je yet conobꞌ chi yij Epafras tiꞌ,

eyoc naj yakꞌomaloj servil Cristo wetoj an.

Caw chi txali naj je yu sicꞌlebꞌil,

yet watxꞌ chex tecꞌanbꞌi,

yet watxꞌ asan yin tzet chi yoche Dios che yaoc je naꞌbꞌal.

13 Jain tiꞌ,

chi wakꞌ jin bꞌa testigoal,

tzet utbꞌil tol caw yel chin mulna je yu yin txa.

Chi wun pax oj yu ebꞌ creyente a Laodicea yetoj ebꞌ a Hierápolis.

14 Jaꞌ naj Lucas,

naj anwam,

caw camcꞌulnebꞌil ku,

chi yatoj scawil je cꞌul,

yetoj Demas.

15 Tol chi katoj scawil scꞌul ebꞌ kuẍtaj a Laodicea.

Chi kaon pax toj scawil scꞌul kanabꞌ Ninfa,

cꞌal ebꞌ creyente chi syambꞌa sbꞌa yin culto bꞌey sna.

16 Yet chi lawi je yawten jun carta tiꞌ yabꞌ masanil ebꞌ creyente eyecꞌ tituꞌ,

catuꞌ che yaontoj tet ebꞌ a Laodicea,

yet watxꞌ chi awtele pax an yabꞌ ebꞌ tituꞌ.

Jacꞌalaꞌ sowalil che yawte jun jin carta jix jin tzꞌibꞌe tet ebꞌ a Laodicea.

17 Alwej tet kuẍtaj Arquipo jaxca tiꞌ:

“Akꞌ ja wip ja mulna yin jun opiso jix yakꞌ Naj Kaawil ey jaach,”

ẍi naj Pablo ey jaach,

je chi tet naj.

18 Jain jaꞌcaw Pablo jin tiꞌ,

chin tzꞌibꞌetoj scawil je cꞌul.

Naꞌwejtej,

tol preso we titiꞌ.

Chi woche tol chi xꞌox swatxꞌcꞌulal Dios ey jex tituꞌ.