—Jaꞌ jun winaj tiꞌ,

tejan tol makꞌom cam ánima.

Caxcꞌal jix yakꞌ ganar scolcha el yibꞌan jaꞌ,

tol sowalil cꞌaltaꞌ oj ẍaꞌ pax sqꞌuexel jun spenail tuꞌ,

oj camoj,

ẍi ebꞌ.

5 Jal naj Pablo tuꞌ xin,

tucꞌal jix tzic skꞌabꞌ catuꞌ jix eyqꞌuey cꞌotna noꞌ xol kꞌakꞌ tuꞌ yu.

Cꞌam niꞌoj tzet jix utele yu noꞌ.

6 Majbꞌil xacꞌal yu ebꞌ masanil smala skꞌabꞌ Pablo tuꞌ.

Jix snaꞌ ebꞌ tol oj cam xacꞌal yet jun txolan tuꞌ.

Jun cꞌu cꞌal jix yechbꞌane ebꞌ,

cꞌam cꞌal niꞌoj tzet chi ioni.

Yuxan jix sqꞌuex snaꞌbꞌal ebꞌ,

catuꞌ jix yalon ebꞌ jaxca tiꞌ:

—Jaꞌ jun winaj tiꞌ,

tejan tol dios,

ẍi ebꞌ yin.

7 Jaꞌ scawilal bꞌey ey jon ecꞌ tituꞌ,

jatuꞌ ey xꞌotxꞌ naj yaaw bꞌey jun lugar chi yij Malta tuꞌ.

Publio sbꞌi naj.

Jix cu ẍaꞌ apnoj naj bꞌey sna.

Caw watxꞌ jix yute scꞌul naj kin.

Oxebꞌ cꞌu jix cu ecꞌ yetoj naj bꞌey sna tuꞌ.

8 Jaꞌ smam naj Publio tuꞌ caw yaꞌey naj.

Caw chi cam yu kꞌakꞌ,

cꞌal chicꞌul.

Jix octoj Pablo bꞌey scuarto bꞌey telan ey tuꞌ,

catuꞌ jix txali yu.

Catuꞌ jix yaon pax oc skꞌabꞌ yibꞌan,

jix waꞌxi can scꞌul naj tuꞌ yu naj.

9 Jaꞌ yet jix waꞌxi can scꞌul naj xin,

catuꞌ jix apni masanil ebꞌ yaꞌey a lugar scꞌatan naj Pablo.

Jix waꞌxi cꞌal scꞌul masanil ebꞌ yu.

10 Miman scamcꞌulal ebꞌ a lugar tituꞌ kin.

Jaꞌ yet jix jul stiempoal cu too yul junxa barco,

jix cꞌal yakꞌ cu tzettaj yetal ebꞌ,

wan chi oc yopiso ku yul-laj bꞌe.

11 Oxebꞌ xꞌaaw jix cu ecꞌ bꞌey jun lugar Malta tuꞌ.

Ey jun a Alejandriail barco lalan yechbꞌane yecꞌ nabꞌilkꞌinal eyecꞌ tituꞌ.

Eyoc yechel cawan dios sattaj jun barco tuꞌ,

jun sdiosal ebꞌ chi yij Cástor yetoj jun chi yij Pólux.^a

Jaꞌ yul jun barco tuꞌ jix cu oqui,

catuꞌ jix cu toi.

12 Jix cu apni bꞌey conobꞌ Siracusa.

Oxebꞌ cꞌu jix cu ecꞌ tituꞌ.

13 Catuꞌ jix cu too junelxa,

jaꞌ stiꞌlaj txꞌotxꞌ jix cu toi,

masantaꞌcꞌal jix cu apni bꞌey conobꞌ Regio.

Jaꞌ yet junxa cꞌual,

jix tit jun kaꞌeꞌ bꞌey sur.

Yuxan jix cu toi.

Caabꞌ cꞌu jix cu bꞌey yibꞌan jaꞌ.

Catuꞌ jix cu apni bꞌey conobꞌ Pozzuoli.

14 Ey jaywan ebꞌ creyente jix kil yin tituꞌ.

Jix yoche ebꞌ jix cu eecꞌ yetoj.

Yuxan,

jujebꞌ cꞌu jix cu eecꞌ yetoj ebꞌ.

Catuꞌ jix cu too bꞌey conobꞌ Roma yetoj kajan.

15 Jaꞌ yet jix yabꞌen ebꞌ creyente a Roma tol lalan kapni,

catuꞌ jix jul cu ẍaꞌon ebꞌ yul bꞌe.

Ey ebꞌ jix cu chaꞌon bꞌey txombꞌal yet ebꞌ a Apio,

ey ebꞌ xin,

bꞌey aldea chi yij Oxebꞌ Posada.

Jaꞌ yet jix yilontoj Pablo tol lalan sjul ẍaꞌle yu ebꞌ,

catuꞌ jix yalon yu diosalil tet Dios.

Caw chi tzalai.

16 Jaꞌ yet jix cu apni bꞌey Roma xin,

jix ale oc ebꞌ presowom yul skꞌabꞌ junxa naj yaawil soldado tituꞌ yu naj capitán.

Jal pax Pablo ma oc preso yetoj ebꞌ.

Tucꞌal teynebꞌil yu jun soldado.

17 Oxi tax kapni tituꞌ,

catuꞌ jix awtele ebꞌ miman txequel yeoc xol ebꞌ Israel a Roma tuꞌ yu naj Pablo.

Jaꞌ yet jix apni ebꞌ,

catuꞌ jix yalon naj tet ebꞌ jaxca tiꞌ:

—Jex wuẍtaj,

caw cꞌam niꞌoj jin penail tet ebꞌ ket Israelal.

Cꞌam sbꞌeybꞌal ebꞌ kichmam ey can yul cu kꞌabꞌ chi wetnetoj.

Jix jin ale cꞌal pax oc yul skꞌabꞌ ebꞌ a Roma yu ebꞌ bꞌey Jerusalén,

catuꞌ jix jin yaon oc ebꞌ preso an.

18 Jix skꞌanle yabꞌ ebꞌ a Roma tuꞌ ey jin an tzet jin penail.

Jix yilon pax ebꞌ tol cꞌam niꞌoj jin penail tol smoo jin cam yu an.

Yuxan jix yoche ebꞌ jix jin sjajel an.

19 Jal pax ebꞌ ket Israelal tuꞌ ma yal scꞌul.

Yuxan jix jin kꞌantej jin bꞌa sattaj naj yaaw bꞌey Roma tiꞌ an.

Jaꞌ naj oj naꞌon tzet oj wun an.

Jain tiꞌ,

cꞌam niꞌoj tzet oj jin kꞌan yibꞌan ebꞌ ket conobꞌ tuꞌ.

20 Yu cꞌal ton jun kꞌane tiꞌ xin,

yuxan chex wawte oc yaman an,

yutol chi woche chi wiloc je yin,

catuꞌ chin kꞌanabꞌ je yetoj.

Ey jun mactxequel echbꞌanebꞌil sjul ku jaon Israel jon tiꞌ.

Yu cꞌal tol chi waoc jin naꞌbꞌal yin jun mactxequel tuꞌ,

yuxan eyoc chꞌen cadena tiꞌ win an,

ẍi Pablo tuꞌ tet ebꞌ.

21 Jix yalon ebꞌ Israel tuꞌ tet naj jaxca tiꞌ:

—Jaon tiꞌ,

cꞌam carta chi jul yul cu kꞌabꞌ yu ebꞌ a Judea tuꞌ,

catuꞌ chi yalontej ebꞌ tzet utbꞌil ja weocoj.

Cꞌam pax junoj ebꞌ ket Israelal tuꞌ chi jul alon junoj tzetyetal ja win.

22 Yuxan chi koche chi kabꞌe tzet lalan ja naꞌoni.

Yutol chi kabꞌ skꞌumal,

tol jaꞌ bꞌey junjun lugar,

pena chi al-le yin jun bꞌulan chach ecꞌ yetoj,

ẍi ebꞌ tet Pablo tuꞌ.

23 Catuꞌ jix swa alnen ebꞌ tzet cꞌual chi syambꞌa oc sbꞌa ebꞌ junelxa.

Jaꞌ yet jun cꞌual jix txeclo can eltej tuꞌ,

ecꞌal mac jix syambꞌa oc sbꞌa bꞌey eyecꞌ Pablo.

Skꞌinibꞌalil to catuꞌ jix ẍaꞌon el yich skꞌanabꞌ Pablo tet ebꞌ masantaꞌcꞌal jix too cꞌu,

catuꞌ jix sbꞌejoni.

Jix yaltej tzet chi yun ebꞌ yet chi oc Dios Yaawiloj ebꞌ.

Jix yaltej tzettaj cꞌal tzꞌibꞌebꞌilcan yul sley Moisés,

cꞌal tzettaj tzꞌibꞌebꞌilcan yu ebꞌ ẍejabꞌ Dios yet peyxa yin naj Colwawom oj juloj.

Caw jix akꞌle snaꞌbꞌal ebꞌ sicꞌlebꞌil,

yet watxꞌ chi yaoc scꞌul ebꞌ yin Jesús.

24 Ey ebꞌ jix yaoc yin scꞌul,

ey ebꞌ xin,

ma ẍaꞌ yabꞌe tzet chi yalaꞌ.

25 Yutol ma ẍaꞌle sbꞌa snaꞌbꞌal ebꞌ xin,

jix cꞌoli spaxtoj ebꞌ bꞌey sna,

catuꞌ jix yalon Pablo tet ebꞌ jaxca tiꞌ:

—Jaꞌ Naj Santo Espíritu jix akꞌon yal naj ẍejabꞌ Dios chi yij Isaías tet ebꞌ kichmam peyxa.

Caw yel tzet yalnaj can tuꞌ yet jix yalon jaxca tiꞌ:

29 /Yet jix lawi yalon Pablo wan tiꞌ,

jix paxtoj ebꞌ Israel.

Jix cꞌoli steelen a sbꞌa ebꞌ yu tzet jix yabꞌ tuꞌ./

30 Jaꞌ naj Pablo tuꞌ,

caabꞌ abꞌil jix eecꞌ yul jun na jix smaane tituꞌ.

Chi cꞌal ẍaꞌ masanil ebꞌ chi bꞌet kꞌanabꞌ yetoj.

31 Caw tecꞌan chi yute sbꞌa yalon el tzet chi yun ebꞌ yet chi oc Dios Yaawiloj ebꞌ,

cꞌal yalon el wan scuybꞌanil Naj Kaawil Jesucristo naj.

Cꞌam mac chi tenon oc tucan niꞌoj.