3 Jaꞌ ebꞌ scꞌaal naj Judá, ey oxwan ebꞌ, jaꞌton: Er, Onán cꞌal Selá. Jaꞌ xutx ebꞌ naj oxwan tiꞌ, jaꞌton ix scutzꞌin naj Súa, a Canaán ix. Jaꞌ naj Er tuꞌ, jaꞌton sbꞌabꞌel scꞌaal Judá, caw pena sbꞌeybꞌal naj, yuxan jix qꞌueyle el naj yu Jehová. 4 Jaꞌ ix Tamar, ix yalibꞌ naj Judá tuꞌ, ey cawan yuneꞌ ix yetoj naj: Jaꞌton Fares cꞌal Zérah, yuxan jowan ebꞌ scꞌaal Judá tuꞌ yin masanil.

5 Jaꞌ ebꞌ scꞌaal Fares, ey cawan ebꞌ, jaꞌton: Hesrón cꞌal Hamul. 6 Jaꞌ ebꞌ scꞌaal naj Zérah, jaꞌton: Zimrí, Etán, Hemán, Calcol cꞌal Dardá. Ey jowan ebꞌ yin masanil.

7 Jaꞌ naj Carmí, jaꞌ ey scꞌaal Acar. Jaꞌton jun tuꞌ jix iꞌontej syaꞌilal yibꞌan conobꞌ Israel, yutol jix yiꞌtoj wan tzetyetal tol jix yal Dios tol chi qꞌueyle el yin junelne. 8 Jaꞌ ebꞌ scꞌaal Etán, jaꞌton Azarías.

9 Ebꞌ scꞌaal Hesrón, ey oxwan ebꞌ, jaꞌton: Jerahmeel, Ram cꞌal Quelubai.

10 Jaꞌ naj Ram, jaꞌ ey scꞌaal Aminadab, jaꞌ Aminadab tuꞌ, jaꞌ ey scꞌaal Nahasón, jaꞌton naj yaaw jix yun oc xol ebꞌ yicꞌaal Judá. 11 Jaꞌ Nahasón tuꞌ, jaꞌ ey scꞌaal Salmá. Jaꞌ Salmá tuꞌ, jaꞌ ey scꞌaal Booz. 12 Jaꞌ naj Booz tuꞌ jaꞌ ey scꞌaal Obed, jaꞌton smam naj Jesé. 13 Jaꞌ ebꞌ sbꞌabꞌel cꞌaal naj Jesé, jaꞌton: Eliab, naj yet scaabꞌ Abinadab, naj yet yox Simá; 14 naj yet scan Natanael, naj yet sjoꞌ Radai; 15 naj yet swaj Ósem. Jaꞌ naj yet sjuj, jaꞌton David. 16 Ey cawan yanabꞌ ebꞌ tiꞌ, jaꞌton: Ix Seruiá cꞌal ix Abigail. Jaꞌ ebꞌ yuneꞌ ix Seruiá, ey oxwan ebꞌ, jaꞌton: Abisai, Joab, cꞌal Asael. 17 Jaꞌ ix Abigail ey jun yuneꞌ, jaꞌton Amasá. Jaꞌ smam Amasá tuꞌ, jaꞌton Jéter Ismaelita.

18 Jaꞌ naj Caleb, scꞌaal Hesrón, ey jun scꞌaal yetoj ix Azubá, chi yij Jeriot. Jaꞌ wanxa yuneꞌ ix: Jaꞌton Jéser, Sobab cꞌal Ardón. 19 Jaꞌ yet jix camtoj ix Azubá, jix yiꞌon cꞌal pax naj Caleb tuꞌ ix Efrata. Ey jun yuneꞌ ix, jaꞌton Hur. 20 Jaꞌ naj Hur, jaꞌ ey scꞌaal Urí; jaꞌ Urí, jaꞌ ey scꞌaal Besalel.

21 Jaꞌ yet eyxa 60 abꞌil skꞌinal naj Hesrón, jix nupi naj yetoj ix scutzꞌin naj Maquir, jaꞌton smam naj Galaad. Ey jun scꞌaal naj Hesrón jix ali yetoj ix, jaꞌton Segub. 22 Jaꞌ naj Segub tuꞌ, jaꞌ ey scꞌaal Jaír. Jaꞌ Jaír tuꞌ eyoc yin yaawil yibꞌan jun 23 conobꞌ yul yet Galaad. 23 Jal pax ebꞌ a Guesur, yetoj ebꞌ a Aram, jaꞌ ebꞌ jix iꞌon can txꞌotxꞌ bꞌey bꞌulan ey ebꞌ yet Jaír, yetoj cꞌal pax conobꞌ Kenat, yetoj cꞌal yaldeail. Jaꞌ yin masanil wan tuꞌ ey 60 conobꞌal ebꞌ. Yicꞌaal naj Maquir ebꞌ, smam naj Galaad yeoc masanil ebꞌ caan tituꞌ.

24 Jaꞌ yet jix camtoj naj Hesrón tuꞌ, jaxa naj Caleb jix nupi can yetoj ix yistil naj, jaꞌton ix Efrata. Jix ali junxa yuneꞌ ix, jaꞌton naj Ashur; smam icham ebꞌ a Tecoa.

25 Jaꞌton sbꞌi ebꞌ scꞌaal naj Jerahmeel tiꞌ, naj bꞌabꞌel scꞌaal naj Hesrón: Jaꞌton Ram bꞌabꞌel scꞌaal, catuꞌ chi tit naj Buna, Oren, Ósem, cꞌal naj Ahías. 26 Jaꞌ naj Jerahmeel tuꞌ, ey junxa yistil, jaꞌton ix chi yij Atará, jaꞌton ix xutx naj Onam.

27 Jaꞌton sbꞌi ebꞌ scꞌaal naj Ram tiꞌ, naj bꞌabꞌel scꞌaal Jerahmeel: Jaꞌton Maas, Jamín cꞌal Équer. 28 Jaꞌ ebꞌ scꞌaal Onam: Jaꞌton Samai cꞌal Jadá.

Jaꞌ ebꞌ scꞌaal Samai: Jaꞌton Nadab cꞌal Abisur. 29 Jaꞌ yistil naj Abisur tuꞌ, jaꞌton ix chi yij Abihail. Jaꞌton ix xutx naj Ahbán cꞌal Molid.

30 Jaꞌ ebꞌ scꞌaal Nadab: Jaꞌton Séled cꞌal Apaim. Jaꞌ Séled tuꞌ cꞌam cꞌal junoj yuninal jix ali yet jix camtoj. 31 Jaꞌ Apaim, jaꞌ ey scꞌaal Isí. Jaꞌ Isí tuꞌ, jaꞌ ey scꞌaal Sesán. Jaꞌ Sesán tuꞌ, jaꞌ ey scꞌaal Ahlai.

32 Jaꞌ ebꞌ scꞌaal Jadá, yuẍtaj Samai, jaꞌton Jéter cꞌal Jonatán. Jaꞌ Jéter cꞌam cꞌal junoj yuninal jix ali yet jix camtoj. 33 Jaꞌ ebꞌ scꞌaal Jonatán tuꞌ: Jaꞌton Pélet cꞌal Zazá. Jaꞌton wan yicꞌaal naj Jerahmeel tiꞌ.

34 Jaꞌ naj Sesán, cꞌam scꞌaal, asan scutzꞌin naj ey, asan xin, ey jun yakꞌomal servil chi yij Jarha a Egipto. 35 Jix yakꞌ jun scutzꞌin yistiloj naj tuꞌ. Jaꞌ ix tuꞌ, ey jun yuneꞌ jix ali, chi yij Atai. 36-41 Ebꞌ yicꞌaal Atai yin xolilal: Jaꞌton Natán, Zabad, Eflal, Obed, Jehú, Azarías, Heles, Elasá, Sismai, Salum, Jecamias, cꞌal Elisamá.

42 Jaꞌ ebꞌ scꞌaal Caleb yuẍtaj Jerahmeel, jaꞌton Mesá sbꞌabꞌel cꞌaal; jaꞌ ey scꞌaal Zif, jal junxa scꞌaal, jaꞌton Maresá. Jaꞌ Maresá, jaꞌ ey scꞌaal Hebrón. 43 Jaꞌ ebꞌ scꞌaal Hebrón: Jaꞌton Coré, Tapúah, Réquem cꞌal Sema. 44-45 Ebꞌ yicꞌaal Sema yin xolilal: Jaꞌton Ráham, Jorcoam, Réquem, Samai, Maón, cꞌal Bet-sur.

46 Jaꞌ ix Efá, scaabꞌ yistil naj Caleb yeoc ix, jaꞌton ix xutx naj Harán, Mosá, cꞌal Gazez. Jaꞌ Harán tuꞌ, jaꞌ ey scꞌaal junxa naj chi yij Gazez.

47 Jaꞌ ebꞌ scꞌaal Jahdai: Jaꞌton Réguem, Jotam, Guesán, Pélet, Efá cꞌal Sáaf.

48-49 Jaꞌ Maacá junxa ix yistil naj Caleb, jaꞌton ix xutx Séber, Tirhaná, cꞌal Sáaf. Jaꞌ Sáaf tuꞌ, jaꞌ ey scꞌaal Madmaná. Jaꞌcꞌal pax ix tiꞌ xutx naj Sevá, jaꞌton smam naj Macbená, cꞌal Guibeá. Jaꞌ naj Caleb tuꞌ, ey cꞌal pax jun scutzꞌin jix yij Acsa.

50 Jaꞌton ebꞌ yicꞌaal naj Caleb tiꞌ:

Jaꞌ naj Hur, sbꞌabꞌel unin ix Efrata, jaꞌton naj Sobal, smam icham ebꞌ a Quiriat-jearim; 51 cꞌal Salmá, smam icham ebꞌ a Belén, cꞌal Haref, jaꞌton smam icham ebꞌ a Bet-gader.

52 Jaꞌ ebꞌ yicꞌaal Sobal smam icham ebꞌ a Quiriat-jearim: Jaꞌton Reaías, yetoj nanoj tujan ebꞌ Manahetita, 53 cꞌal junjun tujan ebꞌ a Quiriat-jearim: Jaꞌton ebꞌ Itritas, ebꞌ Futitas, ebꞌ Sumatitas, yetoj ebꞌ Misraíta. Jaꞌton yin ebꞌ tuꞌ jix tit ebꞌ Zoratita cꞌal ebꞌ Estaolita.

54 Jaꞌ ebꞌ yicꞌaal Salmá: Jaꞌton ebꞌ a conobꞌ Belén, ebꞌ a Netofátita, ebꞌ a Atrot-bet-joab, jal nanxa tujan ebꞌ Manahetita, ebꞌ Soreíta, 55 yetoj cꞌal junjun tujan ebꞌ tzꞌibꞌlom jix ecꞌ caey ecꞌ bꞌey conobꞌ Jabés, chi yal yeloc apnoj, jaꞌton ebꞌ Tirateo, ebꞌ Simateos yetoj cꞌal ebꞌ Sucateos. Jaꞌton ebꞌ Quenita tiꞌ titnaj yin yicꞌaal Hamat, smam icham ebꞌ Bet-recab.