Xowa' na Jonás in utsaꞌ na Dios kʼal i óláb
2
Ólan tám na Jonás tamti kʼwajat alkʼidh bin tsukul an toꞌol
2 ani in utsaꞌ enchéꞌ an Okʼóxláb nin Diosil:
―U tawnaꞌ an Okʼóxláb tam tin kʼwajat ban yajtsiktaláb,
ani Jajáꞌ tin achʼaꞌ;
asta bin takʼixtal an chemlá tin chapik tawnaxin,
ani Tatáꞌ Okʼóxláb,
tin axtsi an tu káwintal.
3 Tin petʼnaꞌ junax chʼejel ban pujal asta xonti más owtsik an jaꞌ,
ani in wiliyat kʼal an jaꞌ xu ádhil;
ejtal an pakdhaꞌ múlákʼ jaꞌ tin watʼnaꞌ.
4 U ulu tám enchéꞌ:
―Tin pojkámalich,
yabich a léꞌ tikin chuꞌu.
Por bélkʼi neꞌech ku chuꞌu an pulek tʼokat atá xon ta kʼakʼnáb.
5 An jaꞌ tin wiliy putál,
kʼunat tu chuꞌu an chemlá ani maliyat nu ókʼ kʼal an aljaꞌ chʼojóltsik.
6 In balkʼin asta xonti más owtsik an jaꞌ xon tu tujél an pakdhaꞌ chʼéntsik;
u chalpay abal in tʼajtalich tin jolyat;
por Tatáꞌ Okʼóxláb,
xi nanáꞌ tu Diosil,
tin káldhantsi an tu ejattal ban jólimtaláb.
7 Tam tu achʼaꞌ abal nu ejattal u okʼpinalich tʼajat,
tu chalpay Okʼóxláb,
ani nu ólábil ulich asta ba na tʼokat atájil xon ta kʼakʼnáb xonti Tatáꞌ i kʼwajat.
8 Xitaꞌ in wéwnáltsik xowaꞌ yab xataꞌ in jalbíl nibal xataꞌ in éy,
in jilálichtsik na yajnantsixtalábil.
9 Por nanáꞌ neꞌech tu ajtintsi ani neꞌech tu kʼwajbantsi ti pikbantsixtaláb;
neꞌech ku tʼajaꞌ xowaꞌ tu utsámal.
An loꞌeltaláb,
ban Okʼóxláb ti tál.
10
An Okʼóxláb in abaꞌ tám an toꞌol kin xaꞌaꞌ na Jonás bin wál an jaꞌ.