Ame uuntach jasam chichakum:

Takatsuk iman tsawan waitu pujamuka pegkerchauwaiti

tusam titinaitam nu tsawan jeatnaiti.

2 Etsa, nantu tura ya ainasha

uuntach jachu asam paan wainme nuik,

tura eke jatsum nuik amina najatmawa nu umirkata.

Yumi yutuk nagkankamtaisha yuragmika tuke awaiti.

3 Apu pujusa inamtai jean kuitamin aina,

ashamkartuinak kurainiartina nu tsawan jeatnaiti.

Shuar kakaram ainasha ashamkartuinak tikishmarartin ainawai.

Tura shuar trigo neken ainasha nukapchau asar

trigo neketnaka inaisartatui.

Tura jea tanishrin iimsatin chigkaimu ainancha epeniartinaiti.

4 Antsu uuntach jasmeka

empekam jeag pujuttame.

Takáku awatmau,

kuntin chichainamu

tura shuar kantamainamusha

antutsuk pujutnaitme.

5 Nu tsawan jeamtaigka,

nainnum wata ashamtinaitme.

Tura wekakmesha iyawaij tusam ashamtinaitme.

Almendra aina yagkurukartatui,

manchi ainaka yuartatui.

Turasha ameka wampush asattin nigki takina numamtuk nugkaya wakerutai aina nuka inaisattame.

Nu tumakmeka tuke weakum wetinaitme.

Nu tumawakminka wake mesemar nekapenak

útiartin ainawai.

6 Jiru plata tutaijai cordón najanamua nu tsurinatsaig,

muits orojai najanamua nu tsainiatsaig,

tura muits entsa shikitaiya nusha tsainiatsaig,

tura entsa shikiakur ayantrar iwataiya nusha jakuatsaig amina apuram najatmawa nu umirkata.

7 Ame jakamka iyashim nugka najanartinaiti.

Turasha Yuus nina wakanin suramsau asa, nigki ataksha jukitnaiti.

8 Wii nina chichamen etserin asan juna ataksha tajai: