Pan entsanam ajapata, turam chikich tsawantin jukita.

2 Ameka wari iturchatak nugkanmasha atii

nuka nekatsme.

Tuma asam ame sukartumain arutrama nuka sukartusta.

3 Yuragkim kiar káshi jakka,

nunaka yumika tuke yutawai.

Númi etsa watainmani,

nuna tumachkusha etsa akatainmani

pukukagka nuig tepenaiti.

4 Nase nasenkai uruk weawak tusa

shuar nunak enentaimtus ii wajakka,

araknaka aramaitsui.

Tura yuragmin enentaimtus ii wajakka

araknaka juumaitsui.

5 Nasesha tuig wea tusamsha nekatsme. Tumasmek uchisha nukuri ampujencha uruk najanawak nusha nekatsme. Tumasmek Yuus ashi najankauwa nu turamurisha nekatsme.

6 Tuki ima pegkersha nerekat,

káshikmasa aramuash tumachkusha

kiarai aramuash nuka ameka nekatsme.

Tuma asam árak aina káshikmasam