Tura shugkuncha shir ajinnaiti.

4 Tura jea initkarincha

takatai aina ikustinan pegker takauwaiti.

6 Shuar maaniktasa wakeruinakka

mai apuk chichaman umikar maanin ainawai.

7 Shuar pegker enentaimkachuka apu inamtairinka

waya chicharkartumaitsui.

8 Shuar tunaun takaunka chicharainak, ju shuarka tunaun

tunaunak takastasa enentaima pujuwaiti.

10 Ame iturchat nepeteakmeka pegker enentaimsam pujumainaitme.

Antsu iturchat nepeteachkumka wake mesemar pujumainaitme.

11 Shuaran maattsa pegkerchau chicharainakaigka ayamrukam uwemtikrata.

12 Ame chichakum: Wika nunaka

nekatsjai tusam tinu akuminka, Yuus ashi shuarti

enentaimtairin nekauwa nu shuar uruk takasuk ainawa nunaka turusag akiktinaiti.

13 Wina uchiru, napa yumiri yuakmeka yumin asa, shir pegkera

nu nekamainaitme.

14 Yachamartaj tamausha numamtuketi.

Tuma asamtai ame pegker takamua nuka urukashtinaiti.

15 Shuar tunaun takau ainata, shuar pegker enentaimkau

pegkerchau amajkattsarmeka wakerin airpa.

16 Nitaka nukap waitainaksha shir aneasar puju ainawai.

Antsu tunaun takau aina nuka waitainaksha pegker enentaimsarka pujuchu ainawai.

17 Atumin shuari iturchatnum pujakai,

tura iyarmataisha wishikin airpa.

18 Shuar wishikin akuminka

Yuus amina nekarmau asa waittan amastinaiti.