22
Oron, tura kuitan nagkasauwa nuka chikich shuar aina ina pachitmasar,auka shuar pegkeraiti tusar turamiartataj nuwaiti.
2 Shuar kuitrintin aina nunasha,
tura shuar kuitrinchau aina nunasha Yuusak najanawaiti.
3 Shuar pegker enentaimkauka iturchatnum jeamain iiyaakka iis inainaiti.
Antsu shuar pegkerchau enentaimkauka tumatsuk nigki makumauwaiti.
4 Amina Yuusrumea nu eme anentsa umirkata.
Turamka warí ainan, tura ame pegker pujamun pachisar chichartatui.
5 Shuar tunaun takau aina nuka pegkerka pujuchu ainawai. Tumau asar iturchatnum puju ainawai.
Antsu shuar pegker enentaimkauka tumatsuk kuitamamas pujuwaiti.
6 Pegker pujuta nuna unuimarti tusam, amina uchiram jintintaata.