isha urukmainak jakuitaj tusarum

yamai israelita ainatiram titaama.

2 Ina shuari juti ainajai maniamunam

Yuus ina yainmakchau akaigka,

3 ina kajertamkar

ashi ijitmamain amajtamkaruitji.

4 Turutmawaru ainakka

entsa nujagkrak tajak yarumna numamtuk amajtammain amajtamkaruitji.

5 Entsa chichiram nujagkrua

ashi tajak yarumna numamtuk amajtammain amajtamkaruitji.

6 Nita shuari aina ijinawarti tusa

Yuus inaitamsachu asamtai

pegkernum tuke chichartai atii.

7 Yarag nenamunam

chigki achimak yaragken tsurig wuwa numamtuk

isha ina shuari aina mantamataj tuinakai

tsekearar uwemramiaji.

8 Yuus, nayaimpin

tura nugkajai najanawa nu ayamrutmakmiaji.