wemi turutainakai wika shir aneasmiajai.

2 Yaakat Jerusalénka,

yamai jui waitinam

kaunkar irunji.

3 Yaakat Jerusalén shir takasmauwa nui

chikich shuar ainasha ashi nuig

iruuntrattsa wenawai.

4 Yaakat Jerusalénnum

ashi tribu ainaka

Yuusan emematainak

ni timauwa turusag uminak iruunainawai.

5 Nui chicham iwartaisha awai,

tura David pujusa inamtaisha nuig awai.

6 Jerusalén pachisa seatkurum:

“Jerusalénka aminka iturchatka atsurtamti,

tura amina anenmaina nusha agkan pujusarti.

7 Nu yaakta inittri shir takasmauwa nu,

tura apu pujusa inamtairiya nusha

waitkascham agkan atii”.

8 Wina yatsur ainan, wina amikur ainan chicharkun:

“atumin agkan pujuta nusha atii”.

9 Jerusalénka aminig

ina Yuusri ememattasa iruuntai jea au asamtai,

pujut pegker atii tusan wakerajai.