LIBRO III
(Sal 73–89)
Shuar ainaka tunaun takainaksha jakatnapitja tuka enentaimainatsui
73
Israelita aina pegkeran takastasaenentaimin ainanka
Yuus kuitamui.
2 Wisha tunaun takamain jakmiajai,
ishichik arusnaka tunaun takastinuyajai.
3 Shuar ememau pegkerchau aina
wiakchamainakai nuna iisan kajemiajai.
4 Nitaka jatsuk pegker pujuina asar,
jakatnapitja tuka enentaimainatsui.
5 Nitaka iturchatnum pujuinachu asar
chikich waitas pujuina tumainatsui.
6 Nitaka shuak nugkura wekamaina numamtuk
tuke ememasar pujuinawai.
Tura jaanch nugkumaina numamtuk
chikich ainan tuke waitkasag ainawai.
7 Nita iyashinka pegker nuweram ainawai.
Turasha pegkerchau takata nunak enentaimtin ainawai.
8 Nitaka ememamujai chikich shuar ainan
wishikainawai.
Tumainak pegkesha natsaamtsuk chichainak,
ii wakerakrika magkartumainaitji,
tusa shuar ainan chichaman awantainawai.
9 Yuusnasha pachisar
pegkerchau chicharainawai.
Tura shuar ainancha turusag
ashi pegkerchau chicharainawai.
10 Tumaina asarmatai shuar aina nitan jeariar ininawai,
turam nuka tumattawai tusa tuinakai
nuna nekaspapita tusar tuinawai.
11 Tumaina asar Yuus nayaimpinam puja nuka
nita pegkerchau takainamunka nekatsui,
tura nekachtinaiti tu enentaimainawai.*
12 Shuar pegkerchau aina nu enentaimtusrum iistarma,
nitaka uyumatsuk pujusar,
wiakach wenawai tusar tuinawai.
13 ¡Pegkerchau takastasa enentaimtut ainan
inaisauwaitaj nuka winaka
Tura kashikmaska waittan suruinawai.
15 Wisha nita enentaimaina
tumasnak enentaimin akunka,
amina umirtamin ainan pegkerchau amajmainaitjai.
16 Wika shuar tunaun takau ainasha
urukamtaig uyumatskesha pujuina tusan
enentaimtaknasha ejéchamiajai.
17 Tuma pujaun
Yuus ememattasa iruuntai jeanam
wayamiajai.
Tumamtai shuar pegkerchau ainasha
urukatnuk aina nuna Yuus nekamtikruamiayi.
18 Nu shuar aina nuka
Yuusru, ashammainnum apujsaruitme.
Ame turamu asar nita waittsatnunam wenawai.
19 ¡Nu shuar ainaka pachiashmau
wári ijiniam artatui!
¡Nitaka ashamkartukar jinawartin ainawai!
20 Yuusru, shuar kanar tepau nantak
ni karanam wainkamurin kajinmatna numamtuk,
amesha shuar pegkerchau aina nuka kajinmatkitnaitme.
21 Wika senchi kajekan pujumiajai,
tuma asamtai enentairsha najamturmiayi.
22 Wika enentaimkachu asan,
shuar pegkerchau aina nuna pujutin
nekatajkaman tujinmiajai.
Tuma asan Yuusru, wika ame iismaka
kuntina numamtin ajakuitjai.
23 Tumaknasha wika aminka
inaitsuk umirkauwaitjame.
Turamu asam tunaun takasai tusam senchirmijai
kuitamrukuitme.
24 Tura wina umirtukta tusam
ame winaka jintintruyame.
Nu turuta asam wii jakamtaisha
eme anentrusam juruktinaitme.
25 ¿Amina nagkatamsau nayaimpinmasha
chikishcha ya pujawa?
chikichka atsawai, ima ameketme.
Amijai pujaknaka ju nugkanmaya ainanka
pegkesha wakerumaitsujai.
26 Wika ju nugkanmagka tuke pujuschatnaitjai.
Antsu nayaimpinam tuke pujustinaitjai.
Tumatin asamtai Yuus wina enentairun ichichturattawai.
27 Shuar amina chichamrumin umikcharu ainaka,
Yuusru ashi ijinatnaitme.
28 Turasha wika Yuusru, aminig enentaimsan
pujutnaitjai.
Nu winaka ima shir amajtawai.
Ameka wina Yuusur asam,
winaka kuitamrame.
Turuta asaakmin wika ame ashi turamu
ainan pachisan shuar ainan ujakartatjai.