tura ashi nugkanam pujuina nusha

Yuusnau ainawai.

2 Nugka tujig asatnuncha Yuus umikuiti,

Turamu asa nu aina nuka ashi

Yuusnau ainawai.^*

3 Shuar ainasha ¿urukuk Yuus nainnum puja nuisha wakartinaita?

¿Tura shuarsha urukuk Yuusa pujutairi pegkera nuisha pujusartinaita?

4 Nui pujusartin aina nuka tunau takatan inaisaru,

yuusrimtai aina nuna emematchau,

tura nita yuusrimtai aina nuna naarin anaisar,

nekas umiktatjai tusar ticharu aina nu pujusartin ainawai.

5 Apu, Yuus, uwemtikartina nu,

nitanka uwemtikrantnaiti.

Tura nitanka pegkernum yayák,

ayamruk pegker pujutan susatnaiti.

6 Yuusru, shuar aina amina aujtamaina nuka,

tu yayám artinaiti.

Tura amina aujtamaina nuna

uchiri ainasha metek artinaiti.

7 ¡Jerusalénnum waiti iruna nu urartarma!

¡Waiti yaunchukia aina nusha urarum inaisatarma,

Apu senchirtina nu wayattsa winawai!

8 ¿Nu apu pegkera nusha yaita?

Nuka ina Yuusri senchirtina nuwaiti.

Nuka ina Yuusri, ina shuarijai maaniaksha ashamtsuk

nepetna nuwaiti.

9 ¡Jerusalénnum waiti iruna nu urartarma!

¡Waiti yaunchukia aina nusha urarum inaisatarma,

Apu senchirtina nu wayattsa winawai!

10 ¿Nu apu pegkera nusha yaita?

¡Nuka israelita ainan apuriyaiti!

¡Nuka Yuus ashi senchirtina nuwaiti!