niyaiti wina uwemtikrinka.

Yuusaiti wina kuitamrauka,

Tuma asamtai wii ashammainka atsawai.

2 Shuar pegkerchau wina kajertin aina,

wina mantuawartasa iruunainawai.

Turasha tukumrumakar iyamaina numamtuk

nitak makumar jinuinawai.

3 Suntar aina wina mantuawartasa tentatkarmataisha

wika ashamatsjai.

Wijai maaniawartasa wininakaisha,

wika amina nekaspapita tau asan,

ashamkartutsuk pujajai.

tumakun nina pegkerin

wainkattsan wakera asan,

wina apurnaka nunak pachisan tuke aujeajai.

5 Tura iturchatnum pujakaisha,

wina apur ni emematku iruuntai

jeanam urkattawai.

Shuar muchignum yaki waka uwemmaina numamtuk,

wina apur winasha uwemtikrurtatui.

6 Yuus nepetmatan surustin asamtai,

wina kajertin aina tentatkarmataisha ashamkashtatjai.

Tura ninu atii tusa anajmatamu ainan ni ememattasa iruuntai jeanam epeakun, nina ememattatjai.

Nuna turakun shir aneakun kantamruattajai.

7 Wika apuru, amina yainkata tusan tajam nu anturtukta.

¡Tumam winasha wait aneasam umirtukta!

8 Wina enentaimtair chichartak:

“Yuus aujsata tusa turutui”.

Tusa turutkai amina wainkattsan aujeajme.

9 Winaka uumrutkaipa.

Kajertukam yaintsuk inaitusaipa.

Ima ameketme wina yainnumka.

Wina ayamrutmain, chikichka atsurtawai,

ametme wina Yuusur asam, wina ayamrutnumka.

10 Wina apar tura wina nukurjai ikurkiarmataisha,

ame apu, winaka tuke kuitamrame.

11 Apuru, shuar aina wina kajertuina nuisha,

uruk pujusti tusamea wakerutam,

nu pachisam jintintruata.

12 Nina kajerin aina nita wakeramurin uminak

maawarti tusamka tsagkamrukaipa.

Shuar magkartin aina wina pachittsar tsanumturainawai.

13 Turasha wika apuru, aminu ainajai ju nugka jui pujusan

ame wait anenkartamurmin

nukap uwí wainkattaja tu enentaimsan pujajai.

14 ¡Yuus nekaspapita titarma!

Atumsha Yuus nekaspapita takurum ichichmamratarma.

¡Ee, nuka nekas ima Yuusa nuke nekaspapita tusarum titarma!