Tuma asamtai wika atsumtsuk pujustatjai.

2 Ovejan kuitamin, chirichirin yuawarti tusa yaruas uwekameasua,

ayamtikna numamtuk,

wina apursha ayamtikrawai.

Tura ovejarin entsa mijaakunam yarumna numamtuk,

wina apurka wii atsumamurnasha surawai.^*

3 Tura tunaun takatsuk pujus wina naarun pachis nekamtikartuati,

tusa nigka tuke tumau asa,

winaka enentaimtanam senchimtikrawai.^*

4 Apuru, ovejan kuitamin nina ovejarin ayamruktasa ushukrutairin takus wajauwa numamtuk,

wina ayamrutkattsam amesha wijai tuke pujame.

Tuma asaakmin wii jakatin tsawan jeakaisha ashamkashtinaitjai.

5 Wina kajertin aina iima wajainai,

yutai pegker aina nu surusuitme.

Shuar ni ipamurin shir anentas juak muknum kugkuinjai yakar,

ju aina imatiksam winaka shir anentrame.

Tura shuar pinignum umutain yaramun wainak shir anena numamtuk,

winasha shir anemtikrusuitme.

6 Ame wait anegkrattairmijai,

tura ame anegkrattairmijai,

wii iwáku pujuttaj nuigka ashi tsawantai tuke uyuntustatme.

Wika amina pujutairmin pujaknaka

tuke pujustinaitjai.