Ame najankamuram nayaimpinam iruna nuka ashi pegkeraiti.

2 Amina kajertamin aina,

amina nakitramaina nujai itatmamtikattsam,

amina senchirmijai uchi aina

tura uchi kuirach ainajai Yuus ememamtikkum kantamtikiame.

3 Wika ame najankamu ainan

nayaimpinmayan wainkun,

nantuncha, tura ya ainan nui eketainan wainkun,

4 enentaimjai.

Yuusa shuarnum akinawa jusha,

¿urukamtai ima emesha enentaimtame?

¿Ya asamtaiya kuitamattsamsha ima wakerame?

5 Ishichik tsawan nayaimpinmaya shuar aina nu imanchau amajsaume.

Turasha ataksha eme enentaimtusa iitai amajsaume.

6 Tura asam ashi ame

najankamu aina nuna

nagkasau atii tusam tinaitme.

7 Oveja aina,

vaca aina,

kuntin tagkuchu ainasha,

8 nanamtin agkarunam nanamin aina,

namak entsa matsamin aina nuna

nagkasau atii tusam tinaitme.

9 Apuru, ina Yuusri asam,

ashi nugkanam matsata nuna

apurimka ameketme.

Ame najankamuram nayaimpinam iruna nuka

ashi pegker ainawai.