chichamnasha antrasha najanainawa?

2 Apu aina

chikich apu ainajai iruuntrar

Yuusan kajeraina asar,

ni apu atii tusa etegkamurincha kajerainawai.

3 Tumaina asar, senchi chichainak:

“Ika ii wakeramua nu takakur nigka umirkacharmi tuinawai”

4 Imatainakai Yuus nayaimpinam pujus inama nuka nitan wishikiawai.

5 Tuma asa senchi kajek nitan chicharuk: 6 “Apu atii tusan, wii etegkamun nain Sión tutai pegkera nui apujsajai”, tusa tawai.

7 Yuus wina turutma nuna etserkatjai.

Ni chichaak:

“Wii shuarnum akinati tima akina asam,

ameka wina uchiruitme turutmayi.

8 Ame ashi nugkanmaya shuar aina surusta tusam seatkuminka,

aminu arti tusan imatiksanak

amastatjame.

9 Shuar ichignan awati tsaimaina numamtuk,

tunau ainaka

apu ame ijinawartinaitme,

tusa Yuus uchirin tinaiti”.

10 Apu ashi nugkanam inamin ainata antuktarma.

Tumarum ju chicham

shir unuimartarma.

11 Yuus shir enentaimtakrum umirkatarma,

tumakrum ememattarma.

12 Yuusa uchiri shir anentsarum umirkurum ememattarma.

Turachkurminka atumin kajertamak

waittan suramsairum,

tura jinta wekakrumsha jakairum.

Shuar Yuusan nekaspapita tusa ninak umiruka

shir aneasar pujusartin ainawai.