“Yuuska atsawai, tusa tuinawai.

Nuna tuina asar ashi shuar

Yuusan tupantraru ainawai.

Ayatik natsanmain aina nunak takau asar,

shuar pegkerka chikichkiksha atsawai.

2 Yuuska nayaimpinam pujusag

shuar wii wakeramun umimaincha,

tura wini enentaimas pujausha atsuash tusa iiyawai.

3 Turasha shuar aina tunau takat

megkaatanam jukartina nuna takainak

Yuusnaka ashi tupantraru ainawai.

Yuusan pegkeran takaruka

chikichkiksha pegke atsawai.

winau ainan ijinainawai.

Tura winasha aujtuinatsui”, tusa Yuus tawai.

5 Yuus nina chichamen umikaru ainajai pujau asamtai,

shuar wina tunaursha tsagkurturta,

tusa Yuusan ticharu ainaka sapijmainak kurainiartinaiti.

6 Shuar imanchau chichamurinka

umirtsuk wishikainawai,

turasha shuar imanchau ainanka

Yuus ayamrawai.

Yuusan aujeajai.

Nu taa agkanmamtikam Israel shuar ainaka

ashi shir aneasartin ainawai.