David Judá weantu ainan apuri atii tusa timau
2
Chikich tsawantin David Yuusan chicharuk:“¿Filisteo ainan nugken pujuinaj nuka ikuakrik Judá ainan nugken pujustataj?” tusa tinaiti.
Nuna tusa takai Yuus chicharuk: “Ee, wetá”, tusa tinaiti.
Takai David Yuusan ataksha chicharuk: “Tuimpa wetatja”, tusa tinaiti.
“Takai yaakat Hebrónnum pujustarma”, tusa tinaiti.
2 Tusa tama David nina nuwen Ahinoaman yaakat Jezreelnumia nuwa ajakua nuna, tura wajen Abigailan, Nabatan nuwe yaakat Carmelnumia ajakua nunasha juki wuwaiti. 3 Nuiyasha shuar nijai pujuinancha nuwentuk yaruakuiti. Tuma yaakat Hebrónnum chikich yaakat aina irunmaunam nui pujusaru ainawai.
4 Judá weantu aina yaakat Hebrónnum iruuntraru ainawai. Tumawar Davidtan muuken aceitejai ukattrar nita apuri amajsaru ainawai. Nui pujaun Galaad nugkanmaya yaakat Jabésnumia shuar aina Saúlnaka ikusarmayi, tusar Davidtan ujakaru ainawai. 5 Turam nuna antuk chichaman juki etserin ainan akuprauwaiti. Turam jeawar David timaun yaakat Jabésnumia shuar ainan ujainak: “Atumin apuri Saúlan iyashi eme anentsa iiya asarum jukirum ikusurme. Nu turamunam nitancha Yuus pegkernum yaigkarti. 6 Nuiyasha Yuus shir enentaimturmak atum pegker takasurum turusag atumjaisha metek umikti. Tura wisha aitkasnak atum nu tura asaakrumin pegker enentaimtustatjarme. 7 Apu Saúlka jakayi. Turasha wina pataar Judá weantu nita apuri amajtusarai. Turutawaru asamtai atumsha yamaika ashamkartutsuk shir aneastarma”, tusa David tawai tiaruiti. 8-32 (-)