Tuma Saúl maataj tama David sacerdote apuri Ahimelec pujamunam tsekegki jeawaiti. Tumamtai sacerdote apuri Davidtan ashamak kurakmaikia chicharuk: “¿Urukamtai ameksha winame?” tusa tinaiti. 2 Tama David ayak: “Apu chichartak amek weme chicham nekata tusa akuptukmatai winajai. Winasha urukamtaig akuptuka nunaka chikichkiksha nekamain ainatsui. Antsu wina uyuuntuinak yujainanka juig nakarsatarma”, tusan ikukiarjai. 3 ¿Aminusha yumaincha arutramtsuak? yumain arutramkaigka winasha cinco pan ajamrusta. Antsu pan atsakaigka wari arutrama nukesha surusta yuatjai, tusa tinaiti. 4 Takai sacerdote Davidtan ayak: “Chikich pan ashi shuarti yutai aina annuka atsawai, antsu pan Yuus anajmatamu ima sacerdote yutaig awai. Amijai yujaina nu nita nuwejai ju tsawanta jui takaniascharu ainakaigka yuawarti tusan sumainaitjame”, tusa tinaiti. 5 Takai David sacerdoten ayak: “Ika maaniattsa weakrika ina nuwe ainajaigka kanutsuk yujau ainaji tumasrik yamaisha yujainaji”, tusa tinaiti. 6 Tusa tama chikich panka yumain atsau asamtai, pan yama najanamu pegkermamtikamu, Yuus anajmatamu atatmaun juki Davidtan susauwaiti.^* 7-15 (-)